Sɛb-sõw yielu 74:9 - A SƐB-SÕW

⁹ Tɩ bɛ mɩ́ cãà nyɛ̃ a bãwfʋ na wul kɛ́ fʋ be n ka a ɩ, ƴɛ̀r-manbɛ bɛ cãà be ɩ, ɛ́ nɩr za a tɩ pʋɔ bɛ bãw debor'a a na cɛlɩ tɩ ta a ɩ.

Sɛb-sõw yielu 74:9 ပူးပေါင်းရင်းမြစ်များ

Eziptɩ tẽw yib 12:13

Ɛcɛ a zɩ̃ɩ na be a yie nyɩ na kpɩɛr a zu a na ɩ n bãwfʋ gù nyɩ. Ɩ̃ na mɩ́ nyɛ̃ a na ɛ́ tɔl gãw nyɩ bɛr. À ŋá n'a, mãa wa dɔwrɛ a Eziptɩ a lɛn daar a, a bʋ̃-faa na kʋrɛ a kʋ̃ páw nyɩ ɛ.»

A Lãw-mʋɔlɛ 2:9

A tẽ-kpɛ̃ɛ pamɛ sãw na, a Sore kar kár'ɩ a pamɛ bʋ̃-kparɩ bɛr. A ʋ nãà nɩ a ʋ tõ-tõ-bi-bɛrɛ lɩɛb'ɩ nɩ-pàwrɩ a nɩ-bʋʋr-yoru sɔgɔ. Nɩr bɛ cãà be tɩrɛ a Sore wulu ɛ. A naaŋmɩn-ƴɛ̀r-manbɛ tɛɛ za bɛ cãà páwr ƴɛ̀rʋ na yire a Sore zie a ɩ.

Ezekɩɛl 20:12

Ɩ̃ mɩ̀ tɩ kʋ̀ bɛ nɩ a pɩ̃ɛnʋ-bibir. Bãwfʋ tɩ n'ʋ a mãa nɩ a bɛl cará, k'ɩ̃ɩ lɛb sɩ̃w a bɛ tɩɛrʋ k'aa mãa Sore, ɩ̃ ka n nũu ƴãw bɛ a ɩ̃ tome ƴãw.

Ezekɩɛl 7:26

A kpɩɛrʋ na wa na suwli suwli taa, ɛ́ a yel-faar gbone taa. A nɩbɛ na zɛlɛ nɩ a naaŋmɩn-ƴɛ̀r-manɛ k'ʋʋ páw yel-nyɛra, a bàwr-maalɛ kʋ̃ cãà zanɛ nɩ a nɩbɛ bom za ɩ, ɛ́ a nɩ-kore kʋ̃ cãà wule a nɩbɛ yã ɩ.

Amɔsɩ 8:11

À ŋá n'a a Sore ɩ̃ Naaŋmɩn yere: bibie waar'a na vɩɛ, ɩ̃ na ɩ kɔ̃ lo a tẽw. Bʋ̃-dɩrɩ kɔ̃ bɩɩ kʋ̃ɔ kʋ̃ɔ-nyúur bɛ n'a na kpɩɛr a nɩbɛ ɩ, a Sore ƴɛ̀rʋ bɛr-wob kɔ̃ nɩ a kʋ̃ɔ-nyúur'a na kpɩɛr bɛ.

Mise 3:6

A na ɩ à ŋá a, a bʋ̃-nyɛrɩ nʋɔr kʋ na! Zie na sɔb'a pàw nyɩ, naaŋmɩn-ƴɛ̀r-manbɛ ɛ. Nɩdaar yele yelu baar'a! Lige na pili na pàw nyɩ mɛ̃ a lɛ mʋ̃tɔ̃w na mɩ́ wa kpɛ baar'a, ɛ́ nyɩ na be n lige pʋɔ.»

Mise 3:7

A bʋ̃-nyɛrɩ nyɛrbɛ na nyɛ̃ nɩ vĩ, vĩ na ɩrɛ nɩ a bàwr-bʋwrbɛ, bɛ za na pàw nɩ a bɛ niŋe, a Naaŋmɩn na bɛ cãà sɔwr bɛ a ƴãw.

Ebre 2:4

A Naaŋmɩn mɩ̀ tu n a bɛ dãsɩɛ pùor maalɩ yele na ɩ bãwfʋ sãá a, nɩ yel-bãw-guuri nɩ nɔ-ɓãa-yel-bʋʋrɛ za, ɛ́ mɩ̀ cãà lɛb tu a pùor nɩ a Vʋʋrʋ Sõw maalʋ ʋ na põ mɛ̃ a lɛ ʋ na bɔbr a.

Ƴɛ̀r-dɩrbɛ 6:17

A Zedeɔ̃ lɛb yel ʋ: «Mãa wa sɩrɩ pɛlɩ a fʋ pʋɔ a, fʋ̃ʋ ɩ ɩb kãw ɩ̃ bãw kɛ́ fʋ̃ʋ n'ʋ sɩrɩ ƴɛ̀rɛ nɩ mɛ̃.

1 Samɩɛl 3:1

A Samɩɛl ʋl na tɩ cãà ɩ pɔlbile a tɩ tone nɩ a Sore tome a Eli niŋé. A lɛn daar, a Sore bɛ tɩ ƴɛ̀rɛ cãcã a nɩbɛ zie ɩ, ɛ́ a ʋ nyɛ́b bɛ tɩ ɩ cãcã ɩ.