Sɛb-sõw yielu 72:10 - A SƐB-SÕW

¹⁰ Tarsisɩ tẽw nɩ a kʋ̃ɔ-kpɛ̃ɛ-sɔgɔ-ten na zãá a na-mɩnɛ na wa n nɩ bome wa kʋ̀ ʋ, Saba nɩ Seva ten na-mɩnɛ na ya n a zuru yar kʋ̀ ʋ.

Sɛb-sõw yielu 72:10 ပူးပေါင်းရင်းမြစ်များ

Yele-za-pɛr-tib 10:7

Kusɩ bidɛbr'ɩ bɛ ŋa: Seva, Hawila, Savita, Araema nɩ Saviteka. A Araema bidɛbr: Saba nɩ Dedan.

1 Na-mɩnɛ 10:1

A Saba tẽw pɔw-nãà tɩ wõ n a Salomɔ̃ yele, ìr wa k'ʋʋ wa sowr'ʋ sowru na kpɛmɛ a, ɩ ʋ kaa nyɛ̃ ʋ sɩrɩ na tɛr a yã-bãwfʋ ʋ.

1 Na-mɩnɛ 10:10

Al pùorí, a Saba tẽw pɔw-nãà tɩ kʋ̀ n a nãà Salomɔ̃ salm-zɩɛ tɔn ata nɩ ŋmãa, kãá-nyuure na yãwmɛ yaga a, de nɩ kʋsɛ-bi-nyɩlɩ vɩɛlɩ vɩɛlɩ. Nɩr bɛ lɛb dãw nyɛ̃ kãá-nyuure a kpɛ a Ɩsɩrayɛl tẽw pʋɔ man a al a Saba tẽw pɔw-nãà na tɩ kʋ̀ a nãà Salomɔ̃ a ɩ.

1 Na-mɩnɛ 10:2

Ʋ tɩ ta n a Zerizalɛm nɩ pùor dem na yãwmɛ yaga a, nɩ nyɔ̃wmɩ na tuo kãá-nyuure, nɩ salm-zɩɛ yaga nɩ kʋsɛ-bi-nyɩlɩ vɩɛlɩ vɩɛlɩ a. Ʋ tɩ wa n a Salomɔ̃ zie wa sowr'ʋ a sowru al za ʋ na cɔbrɩ a.

1 Na-mɩnɛ 10:25

Yũon za a, a nɩbɛ bɛ ŋa mɩ́ tɩ wa n nɩ bome wa kʋ̀ ʋ, salm-pla nɩ salm-zɩɛ bome, kparɩ, zɛbr bome, kãá-nyuure, wie nɩ mílɛ̀.

2 Bibie za yel-manɩ 9:21

A nãà tɩ tɛr'ɩ gbee mɩ́ tõ a bɛr zi-zãána. A nãà Hiram kʋ̃ɔ-kpɛ̃ɛ nɩbɛ nɛbɛ tɩ duwre nɩ a. Yome atarɩ tarɩ, a gbee á ŋá mɩ́ tɩ lɛb'a wa, tuo salm-zɩɛ, salm-pla, wɔb nyɩmɛ, ŋmáar nɩ lili-vɩɛlɩ vɩɛlɩ.

Sɛb-sõw yielu 45:12

Ɛ́ a nãà na nɔ̃w nɩ a fʋ vɩɛlʋ. Ʋ na ɩ a fʋ sore a, gbĩ dume gũu tɩ tɔ tẽw a ʋ niŋé.

Sɛb-sõw yielu 68:29

Naaŋmɩn i, ƴɛ̀r mɛ̃ a lɛ fʋ na tɛr a fãw a, a fãw ŋa na tõ tome a tɩ ƴãw a.

Sɛb-sõw yielu 68:30

A fʋ Yir do na gãw a Zerizalɛm yie, ɛ́ be n'a a na-mɩnɛ waar'ɩ a bome wa kʋ̀rɛ fʋ.

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Ɩzayi 42:4

Ʋ bɛ bàlɛ ɩ, ʋ bɛ tɩ̀ɛrɛ bɛrɛ ɩ, ɛ́ gù ʋ wa tɩ bin a lɛ-na-tu-sɔr-a, a tẽw zu, ɛ́ a nɩ-bʋʋrɛ na zãá a gùre a ʋ wulu.

Ɩzayi 43:3

Bʋ̃ʋ n'ʋ vɛ̃, a mãa, a Sore, ɩ̃ ɩ n a fʋ Naaŋmɩn. A mãa, a Ɩsɩrayɛl Naaŋmɩn na ɩ sõw a, ɩ̃ ɩ n a fʋ faarɛ. A Eziptɩ tẽw n'ʋ ɩ̃ tɩrɛ a fʋ ya-deb ƴãw, Etiopi nɩ Seva ten n'a ɩ̃ dier tɛwr'ɩ fʋ.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Ɩzayi 49:7

A Sore, a Ɩsɩrayɛl ya-diere, a ʋ Naaŋmɩn na ɩ sõw a, ƴɛ̀rɛ na. À ŋá n'a ʋ yere a fʋ zie, fʋ̃ʋ a nɩbɛ na bɛ bʋɔlɛ nɩr a, fʋ̃ʋ bɛ za na hɩ̃ɛn a, fʋ̃ʋ na ɩ a na-po-to-dem gbãgbaa a: «A na-mɩnɛ wa nyɛrɛ fʋ a, bɛ na ìr'ɩ a bɛ dà-kɔwr zu. A bɛlɩ dem na dɩ nɩ-kpɛ̃ɛnʋ a wa nyɛ b a, bɛ na gũu nɩ a fʋ niŋé». A na ɩ n à à ŋá a Sore ƴãw, ʋl na ŋmɛ̃ ʋ ŋmɛ̃a a, a Ɩsɩrayɛl Naaŋmɩn na ɩ sõw a ƴãw, ʋl na kaa ír fʋ a.

Ɩzayi 60:3

A nɩ-bʋʋr-yoru na cere na wɩɛr a fʋ cãà zie, ɛ́ a na-mɩnɛ wɩɛr a fʋ cãà na pùr caalɩ a zie.

Ɩzayi 60:6

Nyɔ̃wmɩ na yɛ̀r'a pàw a fʋ tẽw, Madian nɩ Eifa ten nyɔ̃wmɩ-pɔlɛ. A Saba tẽw dem za na wa na. Bɛ na wa n nɩ salm-zɩɛ nɩ tɩ-suur-zɔ̃-na-nyùur-vla-vla-a, yiele danɛ nɩ a Sore.

Ɩzayi 60:9

A tẽ-zãánɩ dem tɩ́ɛrɛ mɛ̃ na. A Tarsisɩ tẽw gbor-bɛrɛ duwre nɩ a nidaa, k'aa lɛb tɛr a fʋ bibiir zi-zãána zãána wa n, lãwnɩ a bɛ salm-pla nɩ a bɛ salm-zɩɛ. Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ, a mãa, fʋ Naaŋmɩn, a Ɩsɩrayɛl Naaŋmɩn na ɩ sõw a, a mãa na ɩ kɛ̀ fʋ nyɛ̃ a ƴãwfʋ ŋa a.»

Matie 2:11

Bɛ tɩ kpɛ n a yir pʋɔ nyɛ̃ a bie nɩ a ʋ mã Marya, bɛ tɩ puor'ʋ na nɩ bɛ tʋɔra-siwru, ɛ́ yuo a bɛ dawli ír bome kʋ̀ a bie: salm-zɩɛ, tɩ-suur-zɔ̃-na-nyùur-vla-vla-a, nɩ mɩ́ɩ̀r kãa-nyũu.