Sɛb-sõw yielu 71:22 - A SƐB-SÕW

²² Ɛ́ mãa a, ɩ̃ na ŋmɛ n korijom puor'ɩ fʋ barka. Naaŋmɩn i, ɩ̃ na yiele nɩ a fʋ yel-mɩnʋ. Ɩ̃ na ŋmɩɛr'ɩ pɛ̀nɛ́ íre nɩ a fʋ yúor, fʋ̃ʋ Ɩsɩrayɛl Naaŋmɩn na ɩ sõw a.

Sɛb-sõw yielu 71:22 ပူးပေါင်းရင်းမြစ်များ

2 Na-mɩnɛ 19:22

Ãa n'ʋ fʋ tʋ a zʋmɛ? Ãa n'ʋ fʋ ɩ la? Ãa zie n'a fʋ sʋ̃ɔmɩ sàw ƴɛ̀r, ãa n'ʋ fʋ jɩɛlɩ? Mãa n'ʋ, a mãa Ɩsɩrayɛl Naaŋmɩn na ɩ sõw a!

Sɛb-sõw yielu 138:2

Ɩ̃ lo na gbĩ dume gũu tɩ tɔ tẽw tori a fʋ yir-sõw, ɩ̃ puore fʋ nɩ yãanɩ a fʋ nɔ̃wfʋ nɩ a fʋ na ŋmɛ̃ fʋ ŋmɛ̃a a ƴãw. Bʋ̃ʋ n'ʋ vɛ̃, fʋ maal'ɩ a lɛ fʋ na yel a, tɩ zuo nɩ a lɛ tɩ na gùre a fʋ zie a bɛr.

Sɛb-sõw yielu 144:9

Naaŋmɩn i, ɩ̃ na yiel'ɩ yiel-paala kʋ̀ b, a fʋ ƴãw n'a ɩ̃ na ŋmɛ a fomie pie korijom.

Sɛb-sõw yielu 25:10

A Sore nɛ́ɛ za ɩ n nɔ̃wfʋ nɩ yel-mɩŋa, a bɛlɩ dem na sàwr a ʋ wõ-taa nɛ́ɛ a ƴãw.

Sɛb-sõw yielu 33:2

Nyɩ ŋmɩɛr a korijom puore nɩ ʋ barka, nyɩ ŋmɩɛr a fomie pie pɛ̀nɛ́ íre nɩ a ʋ yúor.

Sɛb-sõw yielu 43:4

Lɛ n'a ɩ̃ na taw pɩɛlɩ a fʋ bàwr-maal-kuur, ɩ̃ na taw pɩɛlɩ a fʋ̃ʋ tɔr za, fʋ̃ʋ Naaŋmɩn na ɩ a ɩ̃ nʋ̃ɔ̀ nɩ a ɩ̃ cɩlʋ a. Ɩ̃ na ŋmɩɛr'ɩ a korijom danɛ nɩ fʋ, Naaŋmɩn i, fʋ̃ʋ na ɩ a ɩ̃ Naaŋmɩn a!

Sɛb-sõw yielu 56:4

Ɛcɛ dɛ̃bɩ̃ɛ mɩ́ wa ɩrɛ mɛ̃ a, fʋ̃ʋ zie n'a ɩ̃ mɩ́ ƴãw a ɩ̃ tɩɛrʋ.

Sɛb-sõw yielu 78:41

Bɛ tɩ lɛb'a maal tĩ ɩrɛ a Naaŋmɩn kaar, ɩrɛ a Ɩsɩrayɛl Naaŋmɩn, na ɩ sõw a, ʋ tɛr pʋ-sãwna.

Sɛb-sõw yielu 89:1

A Tẽ-bie Etan yielu na wule yã a.

Sɛb-sõw yielu 89:18

Fʋ̃ʋ sɩrɩ n'ɩ a bɛ vɩɛlʋ nɩ a bɛ fãw. A fʋ nɔ̃wfʋ zũú n'a tɩ mɩ́ zɛw a zu.

Sɛb-sõw yielu 98:3

Ʋ bɛ yiiri a ʋ nɔ̃wfʋ nɩ a ʋ na ŋmɛ̃ ʋ ŋmɛ̃a a a Ɩsɩrayɛl nɩ-bʋʋrɛ ƴãw ɛ. A nɩbɛ nyɛ̃ na tɩ tɔ a tẽw baarʋ zie k'aa Naaŋmɩn faa tɩ na.

Sɛb-sõw yielu 98:4

Tẽ-daa nɩbɛ za a, nyɩ cáarɛ a Sore ƴãw, nyɩ lɔbr nʋ̃ɔ̀ cɛlsɩ, ɛ́ yiele ŋmɩɛr'ɩ bʋ̃-ŋmɩɛrɩ.

Sɛb-sõw yielu 98:5

Nyɩ ŋmɩɛr korijom danɛ nɩ a Sore, nyɩ ŋmɩɛr korijom lãwnɩ a bʋ̃-ŋmɩɛrɩ.

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Ɩzayi 43:3

Bʋ̃ʋ n'ʋ vɛ̃, a mãa, a Sore, ɩ̃ ɩ n a fʋ Naaŋmɩn. A mãa, a Ɩsɩrayɛl Naaŋmɩn na ɩ sõw a, ɩ̃ ɩ n a fʋ faarɛ. A Eziptɩ tẽw n'ʋ ɩ̃ tɩrɛ a fʋ ya-deb ƴãw, Etiopi nɩ Seva ten n'a ɩ̃ dier tɛwr'ɩ fʋ.

Ɩzayi 5:16

A Sore, a kpɛnʋ-za-sob, na dɩ n a ƴɛ̀rʋ wul ʋ na ɩ kpɛ̃ɛ a. A Naaŋmɩn na ɩ sõw a na tu n a mɩnʋ, wul a ʋ sonu.

Ɩzayi 5:19

Bʋ̃ʋ n'ʋ vɛ̃, bɛ mɩ́ yere na: «A Sore, ʋ ɩ fɔ̃w, ʋ paw tõ a ʋ ton kɛ̀ tɩ nyɛ̃ ʋ! A lɛ a Ɩsɩrayɛl Naaŋmɩn na ɩ sõw a, na tɩɛrɩ bin a, ʋ ta ɛ́ maalɩ, ɛ́ tɩ na bãw ʋ na!»

Ɩzayi 5:24

Alɛ so bɛ na ɩ mɛ̃ mʋ̃ɔ vũu na dɩ a, bɩɩ mɛ̃ a mɔ̃-kon na bɔr vũu-zɛlɛ pʋɔ a. A nyɩgɛ ƴãw n'a bɛ na tĩ pʋ̃ɔ́, ɛ́ a bɛ puuru lɩɛbɩ uuru ìr do. Bʋ̃ʋ n'ʋ vɛ̃, bɛ zawr'ɩ a Sore, a kpɛnʋ-za-sob, wulu bɛr, bɛ bɛ ŋmɛlɩ kaa a Ɩsɩrayɛl Naaŋmɩn na ɩ sõw a ƴɛ̀rʋ ɛ.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 60:9

A tẽ-zãánɩ dem tɩ́ɛrɛ mɛ̃ na. A Tarsisɩ tẽw gbor-bɛrɛ duwre nɩ a nidaa, k'aa lɛb tɛr a fʋ bibiir zi-zãána zãána wa n, lãwnɩ a bɛ salm-pla nɩ a bɛ salm-zɩɛ. Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ, a mãa, fʋ Naaŋmɩn, a Ɩsɩrayɛl Naaŋmɩn na ɩ sõw a, a mãa na ɩ kɛ̀ fʋ nyɛ̃ a ƴãwfʋ ŋa a.»

Mise 7:20

Fʋ na wul'ɩ a fʋ nɔ̃wfʋ na bɛ lɛbr pùor a, a Abraham nɩ a Zakɔb bʋʋrɛ, mɛ̃ a lɛ fʋ na tɩ pɔ a koro za a tɩ sãàkʋm-kore zie a.

Ʋrɔm 15:8

Bʋ̃ʋ n'ʋ vɛ̃, ɩ̃ yere na kʋ̀rɛ nyɩ, a Naaŋmɩn na ŋmɛ̃ ʋ ŋmɛ̃a a zũú n'a, a Kɩrɩta lɩɛbɩ a Zifʋ mɩnɛ tõ-tone, k'ʋʋ tu a nɛ́ɛ a Naaŋmɩn na ƴãw kʋ̀ a bɛ sãàkʋm-kore a.