Sɛb-sõw yielu 67:7 - A SƐB-SÕW

⁷ A tẽsɔw bʋ̃-kʋ́ɔrɩ maal'a, a Naaŋmɩn, a tɩ Naaŋmɩn maalɛ tɩ na!

Sɛb-sõw yielu 67:7 ပူးပေါင်းရင်းမြစ်များ

Sɛb-sõw yielu 22:27

A bãbàalbɛ na dɩ na tɩw. Bɛlɩ dem na bɔbr a Sore a, bɛ danɛ ʋ ɛ́ tɛr nyɔ-vʋʋr-wogo!

Sɛb-sõw yielu 29:11

A Sore na kʋ̀ n fãw a ʋ nɩbɛ, ʋ na kʋ̀ bɛ nɩ a ƴã-ɓaarʋ maalʋ.

Sɛb-sõw yielu 33:8

A tẽw za, ʋ zɔrɛ a Sore, a tẽ-daa zu dem za, bɛ màwr a ʋ niŋé.

Sɛb-sõw yielu 65:5

Zu-nʋ̃ɔ̀ dem'ɩ a bɛl fʋ na kaa ír, ɛ́ ɩ kɛ̀ bɛ taw pɩɛlɩ a, bɛ na kpɩɛr'ɩ a fʋ davʋrɩ pʋɔ. Tɩ na dɩ n a fʋ yir bome tɩw, a bʋ̃-son na be a fʋ yir pʋɔ a.

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Sɛb-sõw yielu 98:3

Ʋ bɛ yiiri a ʋ nɔ̃wfʋ nɩ a ʋ na ŋmɛ̃ ʋ ŋmɛ̃a a a Ɩsɩrayɛl nɩ-bʋʋrɛ ƴãw ɛ. A nɩbɛ nyɛ̃ na tɩ tɔ a tẽw baarʋ zie k'aa Naaŋmɩn faa tɩ na.

Ɩzayi 30:23

A Sore na kʋ̀ nyɩ nɩ a saa a bʋ̃-bʋʋrɛ nyɩ na bʋ̀r a ƴãw. A bʋ̃-dɩrɩ a tẽsɔw na na kʋ̀ nyɩ a na ʋr'a ɛ́ nʋmɛ nʋmɛ. A ʋlɩ bibir nɛ a, a dʋn na 'wɔbr'ɩ mʋ̃ɔ mʋ̃ɔ 'wɔbrʋ ziir na yɛlmɛ yɛlmɛ a pʋɔ.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Ɩzayi 45:22

Nyɩɩm na wɩɛr tɩ kpɩɛr a tẽw baarʋ zie a, nyɩ lɩɛbɩ cɔw mɛ̃, ɛ́ nyɩ na nyɛ̃ nɩ a faafʋ. Bʋ̃ʋ n'ʋ vɛ̃, mãa n'ɩ a Naaŋmɩn, kãw bɛ lɛb ka be ɩ.

Ɩzayi 52:10

A nɩ-bʋʋr-yoru za niŋé a, a Sore wul'ɩ a ʋ sonu kpɛnʋ, ɛ́ a nɩbɛ na nyɛ̃ nɩ a tɩ Naaŋmɩn faafʋ tɩ tɔ a tẽw baarʋ ziir za.

Levitɩ mɩnɛ 26:4

ɩ̃ na mɩ́ kʋ̀ nyɩ nɩ a saa a ʋ daar. A tẽsɔw bʋ̃-kʋ́ɔrɩ na mɩ́ maal'a, ɛ́ a tɩɩr wɔ̃ a wɔmɛ.

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Zakari 8:12

Ɩ̃ na ƴãw nɩ ƴã-ɓaarʋ a tẽw zu: a divɛ̃ tɩɩr na mɩ́ wɔ̃ na, a tẽsɔw bʋ̃-kʋ́ɔrɩ na mɩ́ maal'a, sa-bɛrɛ na yi n a salom zu lo. Ɩ̃ na kʋ̀ n a maalʋ á ŋá za, a ɩ̃ nɩ-bʋʋrɛ nɩbɛ bɛl na cɛ a.

Zakari 9:10

Ʋ na ír'ɩ a zɛbr-torkori bɛr a Efarayim, nɩ a wie a Zerizalɛm. Ʋ na kár'ɩ a zɛbr tamɛ bɛr. Ʋ na ƴãw nɩ a ƴã-ɓaarʋ a nɩ-bʋʋrɛ pʋɔ, ʋ na so nɩ a zie, kʋ̃ɔ-kpɛ̃ɛ tɩ tɔ n kʋ̃ɔ-kpɛ̃ɛ, a Efaratɩ man tɩ tɔ n a tẽw baarʋ zie.

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Nɩ-toni 13:26

«Yɛbr i, nyɩɩm na ɩ a Abraham bʋʋrɛ a, nɩ nyɩɩm na be a ka pʋɔ a Naaŋmɩn puoru pʋɔ a, tɩɩm za nɛbɛ bɛ tõ bɛ wa yel a faafʋ ƴɛ̀rʋ ŋa kʋ̀.

Nɩ-toni 13:47

À ŋá sɩrɩ n'a a Sore ƴãw a nʋɔr kʋ̀ tɩ: “Ɩ̃ ƴãw na fʋ ɩ a nɩ-bʋʋr-yoru cãà, kɛ́ fʋ tʋ̃ɔ́ ɩ a faafʋ ta a tẽ-daa ziir za.”»

Nɩ-toni 2:28

Fʋ wul mɛ̃ nɩ a nyɔ-vʋʋrʋ sɛ́ɛ, fʋ na ɩ na k'ɩ̃ be a fʋ zie cɩlɛ yaga.”»

Galasi 3:14

À ŋá n'a a ɩ, k'aa maalʋ a Naaŋmɩn na yel k'ʋʋ na kʋ̀ n a Abraham a, mɩ̀ ta a nɩ-bʋʋr-yoru a Yeezu Kɩrɩta ƴãw, ɛ́ a sàw-deb zũú, tɩ za páw a Vʋʋrʋ a Naaŋmɩn na yel k'ʋʋ na tɩr'a a.

Galasi 3:9

A Abraham tɩ sàw na de ɛ́ páw a maalʋ. Lɛ mɩ̀ n'a a bɛlɩ dem na sàw de a, mɩ́ páw a maalʋ mɛ̃ a Abraham.

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»