Sɛb-sõw yielu 60:2 - A SƐB-SÕW

² A tɩ ɩ n a lɛn daar a Daviir na tɩ zɛb'ɩ a Siiri tẽw dem na be a Mezopotami nɩ a Sova a, ɛ́ a Zowab tɩ lɛbr waar wa zɛb tʋ̃ɔ́ nɩbɛ tùr-pie nɩ ayi (12 000) a Edɔm a Nyaarʋ bà-fʋɔla pʋɔ a.

Sɛb-sõw yielu 60:2 ပူးပေါင်းရင်းမြစ်များ

2 Samɩɛl 22:8

Lɛ n'a a tẽsɔw tɩ gbiwri ɛ́ dam, a salom pɛr tɩ dam'a, a salom nɩ a tẽw tɩ dam'a, a Sore suur na tɩ ìr a ƴãw.

2 Samɩɛl 8:1

A yele á ŋá pùorí, a Daviir tɩ zɛb'a tʋ̃ɔ́ a Filisɩtɛ̃ mɩnɛ, ɛ́ ɩ a bɛ fãw baarɩ. Ʋ tɩ ɩ na bɛ bɛ cãà so a vuo nɛ ɩ.

1 Bibie za yel-manɩ 18:12

Avɩsaɩ, a mã na tɩ dɩ kɛ́ Seruya a, tɩ zɛb'a tʋ̃ɔ́ a Edɔm tẽw dem a Nyaarʋ fʋɔla pʋɔ, kʋ nɩbɛ tùr pie nɩ ani (18 000) a bɛ pʋɔ.

1 Bibie za yel-manɩ 18:3

A Daviir tɩ cãà na lɛb zɛb tʋ̃ɔ́ Sova tẽw nãà Hadadezɛɛr, a Hamatɩ lowr, a lɛn daar a Sova na tɩ bɔbr k'ʋʋ so a Efaratɩ man lowr vuo a.

1 Bibie za yel-manɩ 18:5

A Siiri tẽw dem na kpɩɛr a Damasɩ a tɩ wa na kɛ́ bɛ wa sõw a Sova tẽw nãà Hadadezɛɛr. A Daviir mɩ̀ tɩ zɛb'a tʋ̃ɔ́ bɛ, kʋ nɩbɛ tùr-lɩzɛr'ɩ ayi (22 000) a bɛ pʋɔ.

2 Bibie za yel-manɩ 7:14

a lɛn daar a, a ɩ̃ nɩ-bʋʋrɛ, a nɩ-bʋʋrɛ bɛl ɩ̃ na kʋ̀ a ɩ̃ yúor a, bɛlɛ wa siwri bɛ tʋɔra ɛ́ puore a, bɛlɛ wa bɔbr mɛ̃, ɛ́ zawrɩ a bɛ ɩ-faar bɛr a, a mãa, ɩ̃ na be n a salom zu ɛ́ bɛr wõ bɛ, ɩ̃ na dɩ n a bɛ yel-bebe suur kʋ̀ bɛ, ɛ́ lɛb maalɩ a tẽw ƴãw.

A Zɔb sɛbɛ 5:18

Naaŋmɩn n'ʋ mɩ́ ƴãw a natɩr ɛ́ lɛb 'lẽ, a ʋ nũu n'ʋ mɩ́ ŋmɛ ƴãw a bàalʋ ɛ́ lɛb sanɩ.

A Zɔb sɛbɛ 9:6

Ʋ mɩ́ ɩ n a tẽsɔw ʋ gbiwri tɩ tɔ a pɛr ɛ́ ɩ a kpule na tɩɛ ʋ tɛr a, a damnɛ.

Sɛb-sõw yielu 104:32

Ʋ mɩ́ jɩ́r'ɩ a tẽsɔw kaa, ʋ màwr, ʋ mɩ́ tɔ n a tan, a ɩrɛ zʋ̀ʋ́r.

Sɛb-sõw yielu 114:7

Tẽsɔw i, màwr a Sore niŋé, a Zakɔb Naaŋmɩn niŋé.

Sɛb-sõw yielu 18:7

A ɩ̃ kpɩɛrʋ pʋɔ, ɩ̃ bʋɔl'ɩ a Sore, ɩ̃ lɔb'ɩ cɛl kʋ̀ a ɩ̃ Naaŋmɩn. Ʋ be n a ʋ yir pʋɔ ɛ́ wõ a ɩ̃ kɔkɔr, a cɛl ɩ̃ na ŋmɛ a lo n a ʋ tobrí.

Sɛb-sõw yielu 89:40

A wõ-taa fʋ na tɩ maal'ɩ a fʋ tõ-tõ-bie a, fʋ zawr'ʋ na bɛr, fʋ lɔb'ɩ a ʋ naalʋ-kpawʋɔ bɛr tẽw, dɛw ʋ bɛr.

Eziptɩ tẽw yib 15:11

A ŋmɩmɛ pʋɔ a, ãa n'ʋ ɩ mɛ̃ a fʋ̃ʋ a, Sore e? Ãa n'ʋ ɩ mɛ̃ a fʋ̃ʋ na nyɩwrɛ nɩ sonu a? Na bɛ tɛr dɩ̃ɛnʋ, ɛ́ sɛwnɩ danʋ a? Na maalɛ nɔ-ɓãa-yele a?

Ɩzayi 30:26

A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ, ɛ́ sanɩ a bàalʋ bɛ na ŋmɛ bɛ ƴãw a, a cuw cãà na ɩ na mɛ̃ a mʋ̃tɔ̃w cãà a, ɛ́ a mʋ̃tɔ̃w cãà caalɩ gb'a ayopõi dɔwlɩ.

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Ɩzayi 7:8

Bʋ̃ʋ n'ʋ vɛ̃, a Siiri tẽw tẽ-kpɛ̃ɛ n'ɩ Damasɩ, ɛ́ a Damasɩ tɛwr'a a Eresin ɩ a nɩ-kpɛ̃ɛ. Yome lɩz'a ata nɩ a nũu n'a cãà cɛ, ɛ́ a Efarayim bʋʋrɛ kʋ̃ cãà ɩ. Bʋ̃ʋ n'ʋ vɛ̃, Samaari n'ɩ a Efarayim tẽw tẽ-kpɛ̃ɛ ɛ́ a Samaari tɛwr'a a Peka ɩ a nɩ-kpɛ̃ɛ. Nyɩmɛ bɛ wa sàw de a, nyɩ kʋ̃ cãà be ɩ.”»

Zeremi 10:10

Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

Zeremi 14:17

«Fʋ na ƴɛ̀r'ɩ a ƴɛ̀rʋ ŋa kʋ̀ bɛ: Ɩ̃ bɔbr'a k'aa ɩ̃ mʋta-kʋ̃ɔ nãá gbɔlɛ ta tɛr ŋmãafʋ ɛ, mʋ̃tɔ̃w nɩ tɩ̃ɩsɔw! Bʋ̃ʋ n'ʋ vɛ̃, kpɩɛrʋ kpɛ̃ɛ páw nɩ a ɩ̃ nɩ-bʋʋrɛ na ɩrɛ nɩbaalʋ a, a ʋ natɩr sɩrɩ bɛ tɛr sanʋ ɛ.

Zeremi 30:17

Bɛ bʋɔlɛ fʋ nɩ “pɔw-diw-bɛra”, “Sɩyɔ̃ nɩr za na bɛ ŋmɛlɛ kaar a”. Ɛcɛ a mãa, a Sore, ɩ̃ yere na: ɩ̃ na sanɩ nɩ a fʋ natɩɛ, ɩ̃ na ɩ na a ɓãá.»

Zeremi 4:24

Ɩ̃ jɩ́rɛ nɩ a tan: a gbiwre na, ɛ́ a tãli za dãdawlɛ.

Zeremi 48:38

A Mowab tẽw yie gàrɛ za zu a, nɩ a nɩ-yaga tuor-taa ziir za a, kon tɛwr'a. «Ɩ̃ ŋmɛr'ɩ a Mowab tẽw bɛr, mɛ̃ bom bɛ na bɛ cãà nɔnɛ a.» À ŋá n'a a Sore yere.

A Lãw-mʋɔlɛ 2:13

Zerizalɛm i, ɩ̃ bɛ bãw bom nɛ ɩ̃ na na yel kʋ b a ɩ. A fʋ yele bɛ ŋmɛ̃ taa nɩ yel kãw za ɩ. Ɩ̃ de fʋ man nɩ anʋ, tʋ̃ɔ́ mɔwlɩ fʋ, Sɩyɔ̃ tẽ-kpɛ̃ɛ-vla a? A fʋ dɔwrʋ ɩ n kpɛ̃ɛ sɛw a kʋ̃ɔ-kpɛ̃ɛ. Ãa n'ʋ na tʋ̃ɔ́ sanɩ fʋ?

Ezekɩɛl 34:16

A pɛ́rʋ na bɔr a, ɩ̃ na cen na tɩ bɔ ʋ, a ʋl na cen zãá a, ɩ̃ na lɛb'a ŋmãa ʋ wa n. A ʋl na tɛr gbɛ-kaba a, ɩ̃ na sanɩ ʋ na. A ʋl na ɩ bàal a, ɩ̃ na lɛb'a kʋ̀ ʋ fãw. Ɛcɛ a ʋl na 'wɔr ɛ́ kpɛmɛ a, ɩ̃ na kʋ ʋ na. Ɩ̃ na kaarɛ nɩ a ɩ̃ dʋn zie tu n a mɩnʋ nɛ́ɛ.»

A naaŋmɩn-ƴèr-manɛ Oze sɛbɛ 6:1

A na ɩ à ŋá a, nyɩ yere na: «Nyɩ wa, nyɩ ɩ tɩ lɛb cen a Sore zie. Ʋlɛ n'ʋ ƴãw tɩ a bàalʋ, ʋ na sanɩ tɩ na. Ʋ ŋmɛ tɩ na, ɛ́ ʋlɛ n'ʋ na pɛ́w a tɩ natɩɛ,

Amɔsɩ 8:8

Alɛ n'a so, a tẽw na vʋ̃ na ɛ́ a nɩbɛ za na be n wahala pʋɔ. A tẽw na vʋ̃ na ìr ʋ za mɛ̃ man a, ʋ na vʋ̃ na ìr ɛ́ lɛb siw lo mɛ̃ a Eziptɩ tẽw man a.

Habakukɩ 3:10

A tan mɩ́ nyɛ̃ b'a màwr, sa-bɛrɛ kʋ̃ɔ mɩ́ paal'ɩ a tẽsɔw za, a kʋ̃ɔ-kpɛ̃ɛ ɩrɛ nɩ gɔmɛ, ɛ́ lɔbr a ʋ kʋ̃ɔ-mie bɛrɛ a dúor saa-zu.

Matie 27:51

A Ŋmɩn-yir-kpɛ̃ɛ pʋɔ pɛn-yawla tɩ tĩ nɩ a saa-zu ɛ́ ɓar ziir ayi siw tɩ tɔ a pɛrɩ́. A tẽsɔw kɔbr tɩ dam'a, a pìe pure yaarɛ,