Sɛb-sõw yielu 57:2 - A SƐB-SÕW

² Zɔ ɩ̃ nɩbaalʋ, Naaŋmɩn i, zɔ ɩ̃ nɩbaalʋ, bʋ̃ʋ n'ʋ vɛ̃, a fʋ naayir'a ɩ̃ zɔrɛ kpɩɛr, a fʋ zie n'a ɩ̃ yel k'ɩ̃ɩ sɔwlɩ, ɛ́ gù a bʋ̃-faa tɔl baarɩ.

Sɛb-sõw yielu 57:2 ပူးပေါင်းရင်းမြစ်များ

Sɛb-sõw yielu 138:8

Sore e, a bom nɛ fʋ na tĩ a ɩ̃ ƴãw a, fʋ na maal'ʋ na tɩ baarɩ. Sore e, a fʋ nɔ̃wfʋ be n kʋralɛ, taa zawrɛ a fʋ nuru tome bɛrɛ ɩ.

Sɛb-sõw yielu 143:9

Sore e, faa mɛ̃ a ɩ̃ dɔ̃ dem nuru pʋɔ, a fʋ zie n'a ɩ̃ sɔwlɩ.

Sɛb-sõw yielu 17:8

Gùre mɛ̃, mɛ̃ a fʋ mimi-gbil a, sɔwlɩ mɛ̃ a fʋ pɩgɛ ɓaarʋ́,

Sɛb-sõw yielu 41:5

Mãa ƴãw a, ɩ̃ yel'ɩ a Sore: «Sore e, zɔ ɩ̃ nɩbaalʋ ɛ́ sanɩ mɛ̃, bʋ̃ʋ n'ʋ vɛ̃, ɩ̃ sãw fʋ na.»

Sɛb-sõw yielu 56:2

Naaŋmɩn i, zɔ ɩ̃ nɩbaalʋ! Nɩbɛ bɛ bɛrɛ mɛ̃ ɩ. Bibie za, bɛ mɩ́ zɛbr'ɩ mɛ̃ na ɛ́ dɔwrɛ mɛ̃.

Ɩzayi 26:12

Sore e, fʋ kʋ̀rɛ tɩ nɩ a ƴã-ɓaarʋ, fʋ̃ʋ n'ʋ mɩ́ maalɩ a alɩ bome nɛ za tɩ na ɩrɛ a kʋ̀ tɩ.

Ɩzayi 26:20

Ɩ̃ nɩbɛ ɛ, nyɩ kpɛ a nyɩ yie pʋɔ ɛ́ taw a pamɛ pàw nyɩ tʋɔra. Nyɩ sɔwlɩ blã, a Sore suur tɔl baarɩ.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Filib 1:6

Ɩ̃ bɛ bʋ́nɛ nɩ a yel ŋa ɩ: a Naaŋmɩn na tĩ a tõ-vla ʋl a nyɩ zie a, ʋ na cãà na cow ʋ tɩ baarɩ a Yeezu Kɩrɩta lɛb-waa bibir.

Filib 2:12

A na ɩ à ŋá a, ɩ̃ nɩ-nɔnɩ i, nyɩɩm na sàwr a ɩ̃ nʋɔr kʋralɛ a, nyɩ cãà ɩrɛ a lɛ ɩ̃ na mɩ́ wa be a nyɩ sɔgɔ a, ɛ́ mɩ̀ ɩrɛ gãw lɛ a ƴɛrɛŋa ɩ̃ na bɛ ka be a. Nyɩ tɛr zɔba nɩ mawfʋ tone nɩ a nyɩ faafʋ tome.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.