Sɛb-sõw yielu 51:18 - A SƐB-SÕW

¹⁸ Fʋ bɛ bɔbr k'ɩ̃ɩ maalɩ bàwr kʋ̀ b ɛ, nyɩw-a-za-bàwr tɔr za kʋ̃ tʋ̃ɔ́ pɛlɩ a fʋ pʋɔ ɩ.

Sɛb-sõw yielu 51:18 ပူးပေါင်းရင်းမြစ်များ

Neemi 2:17

Ɩ̃ tɩ ƴɛ̀r'ɩ à ŋá a bɛ zie: «Nyɩ nyɛ̃ nɩ a wʋ̀ʋr tɩ na ɩrɛ a: a Zerizalɛm lo n ʋ za, ɛ́ a ʋ pamɛ dɩ vũu! Nyɩ ɩ tɩ lɛb mɛ a Zerizalɛm dacine, ta cãà nyɛrɛ a vĩ ɛ.»

Sɛb-sõw yielu 102:16

A nɩ-bʋʋr-yoru na ƴãwnɛ fʋ na, Sore e, a tẽw zu na-mɩnɛ za na ƴãwnɛ nɩ a fʋ yúor-vɩɛlʋ-danʋ.

Sɛb-sõw yielu 147:2

A Sore lɛb'a mɩɛr a Zerizalɛm, a Ɩsɩrayɛl nɩbɛ bɛ na diw yaarɩ a, ʋ lɛb'a kaalɛ bɛ ɓanɛ taa.

Sɛb-sõw yielu 25:22

Naaŋmɩn i, faa a Ɩsɩrayɛl! Faa ʋ a ʋ kpɩɛrʋ za pʋɔ!

Sɛb-sõw yielu 40:7

Fʋ ɩ na ɩ̃ bãw a pɛr vla, kɛ́ bàwr nɩ de-kʋ̀b bome bɛ n'a fʋ tɩ bɔbr ɛ, nyɩw-a-za-bàwr nɩ sãwna bàwr bɛ n'a fʋ tɩ bɔbr ɛ.

Sɛb-sõw yielu 69:35

Ɛ́ nyɩɩm, salom nɩ tẽw, nyɩ danɛ ʋ, lãwnɩ a kʋ̃ɔ-bɛrɛ nɩ bom za na damnɛ a pʋɔ a!

Ɩzayi 51:3

A Sore zɔrɛ nɩ a Sɩyɔ̃ nɩbaalʋ, ʋ zɔrɛ nɩ a ʋ deboru nɩbaalʋ. Ʋ na ɩ n a zie ŋa bɛ na bɛ cãà kpɩɛr a, ʋ lɩɛbɩ zi-vla vla. Ʋ na ɩ n a zi-kõw ŋa ʋ lɩɛbɩ Edɛn zaadɛ̃. Cɩlʋ nɩ nʋ̃ɔ̀ cɛlsɩ n'a na be a be, lãwnɩ danʋ yielu nɩ bʋ̃-ŋmɩɛrɩ ŋmɛb.

Ɩzayi 58:12

Lɛ n'a fʋ na lɛb libri a debo-kore, fʋ na lɛb mɛ a dacĩ-pɛ́ɛ bɛ na bɛr koro za a zu. Bɛ na bʋɔlɛ fʋ nɩ «Nɩ-bʋʋrɛ na fɔbr dacine vɛɛ ɛ́ maalɛ a tẽ-kpɛ̃ɛ sɛ́ɛ ƴãwn a».

Ɩzayi 62:1

A nɔ̃wfʋ ɩ̃ na nɔnɛ fʋ a ƴãw a, Zerizalɛm i, ɩ̃ bɛ ɩrɛ gbili ɛ. A nɔ̃wfʋ ɩ̃ na nɔnɛ fʋ a ƴãw a, Sɩyɔ̃ i, ɩ̃ bɛ zɩnɛ zoom ɛ, ɛ́ gù a fʋ mɩnʋ tɩ sãá mɛ̃ cãà a, ɛ́ a fʋ faafʋ 'lere mɛ̃ mɔ̃-'lena vũu a.

Zeremi 51:50

Nyɩɩm ʋ na bɛ páw kʋ a, nyɩ ìr lo a sɔ́r! Nyɩ ta be a ka ɩ. Nyɩ be a zi-zãána be, ɛ́ tɩɛrɛ a Sore, nyɩ tɛr a Zerizalɛm tɩɛrʋ.

Mise 6:7

Pʋ́rɩ na yãwmɛ bɛ tɛr nʋɔr a n'a a Sore bɔbr bɩɩ? Kãá na gbɔlɛ mɛ̃ mamɛ kʋ̃ɔ a n'a bɩɩ? A ɩ̃ bidɛb-dãw n'ʋ ɩ̃ na de tɩr a ɩ̃ sãwna ƴãw bɩɩ? A ɩ̃ bʋ̃-dɔwra n'ʋ ɩ̃ na tɩr a ɩ̃ yel-bier ƴãw bɩɩ?»

Mise 7:11

A bibir waar'a bɛ na na lɛb mɛ a nyɩ tẽ-kpɛ̃ɛ dacine a. A ʋlɩ bibir nɛ a, bɛ na taw nɩ a nyɩ tẽw tʋr-bɔwrɩ tɔl'ɩ nidaa.

Zakari 2:5

Ɩ̃ tɩ zɛw nɩ zu nyɛ̃ bʋ̃-nyɛra kãw: nɩr na tɛr miw-máná a.

Luka 12:32

«Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

Efɛɛzɩ 1:5

Ʋ tɩ de nɩ niwn bãwnɩ tɩ, k'ʋʋ wa de tɩ tɩ ɩ a ʋ bibiir a Yeezu Kɩrɩta ƴãw. À ŋá n'a ʋ tɩ nɔnɛ ɛ́ bɔbr.

Efɛɛzɩ 1:9

ʋ ɩ na tɩ bãw a ʋ yel-sɔwla za ʋ na tɩ dãw nɔnɛ cɔbrɩ, k'aa Kɩrɩta wa tu

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

2 Tesalonikɩ 1:11

Alɛ so tɩ puore kʋ̀rɛ nyɩ kʋralɛ, k'aa tɩ Naaŋmɩn ɩ nyɩ sɛw taa nɩ a nyɔ-vʋʋrʋ ʋl ƴãw ʋ na bʋɔlɩ nyɩ a, k'ʋʋ sõwne nyɩ nɩ a ʋ fãw, nyɩ mɩ́ maalɩ a vla za nyɩ na bɔbr a, ʋʋ ɩ a nyɩ sàw-deb tone vla vla za.