Sɛb-sõw yielu 51:12 - A SƐB-SÕW

¹² Naaŋmɩn i, ír socir parpar ƴãw mɛ̃, ɛ́ kʋ̀ m tɩɛr-paala na kpɛmɛ a.

Sɛb-sõw yielu 51:12 ပူးပေါင်းရင်းမြစ်များ

Sɛb-sõw yielu 119:133

A lɛ fʋ na yel a, a ɩ ɩ̃ ɓãá ƴãw cere, ta sàw yel-faa kãw za wa tʋ̃ɔ́ mɛ̃ ɩ.

Sɛb-sõw yielu 13:5

A ɩ̃ dɔ̃ sob na yel'a: «Ɩ̃ tʋ̃ɔ́ ʋ na», ɛ́ a bɛlɩ dem na ɩrɛ mɛ̃ a kpɩɛr a na cɩlɛ nɩ a ɩ̃ loba ƴãw.

Sɛb-sõw yielu 17:5

Ɩ̃ sawl'ɩ a ɩ̃ gbɛ́ɛ a fʋ gbɛ́ɛ bɔwrɩ pʋɔ, ɩ̃ bɛ ŋmɛ gbɛ́r ɛ.

Sɛb-sõw yielu 19:13

Ãa n'ʋ bɛ tule? Dɩ a ɩ̃ sãwna na sɔwlɩ a suur kʋ̀ m!

Sɛb-sõw yielu 21:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ.

Sɛb-sõw yielu 24:4

— Sob nɛ nuru na bɛ tõ tõ-faar ɛ́ a pʋɔ ɩ parpar a n'ʋ, sob nɛ na bɛ tu bʋ̃-zawlɛ pùor ɛ́ bɛ pɔ pɔ-ziri a n'ʋ.

Sɛb-sõw yielu 35:9

Ɛcɛ mãa a, nʋ̃ɔ̀ na kpɩɛr mɛ̃ nɩ yaga a Sore ƴãw, ɩ̃ na cɩlɛ nɩ a ʋ faafʋ ɩ̃ na nyɛ̃ a ƴãw.

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 49:13

Salom i, ŋmɩɛr nʋ̃ɔ̀ cɛlsɩ! Ɛ́ fʋ̃ʋ, tẽw i, cɩlɛ! Tan i, nyɩ cáarɛ nʋ̃ɔ̀ cáarʋ! Bʋ̃ʋ n'ʋ vɛ̃, a Sore mɔwlɛ nɩ a ʋ nɩbɛ, ʋ zɔrɛ nɩ a kpɩɛrʋ dem nɩbaalʋ.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Zeremi 10:23

Sore e, ɩ̃ bãwnɩ a na, a nɩsaal bɛ so a ʋ vʋʋrʋ ɛ. A sɔr-cene kʋ̃ tʋ̃ɔ́ ɩ a ʋ gbɛ-ceni a tori ɛ.

Luka 1:47

ɛ́ a ɩ̃ tɩɛrʋ za cɩlɛ a Naaŋmɩn ɩ̃ faarɛ ƴãw.

Ʋrɔm 14:4

A fʋ̃ʋ a, ãa nɛ b na bãwnɛ nɩ-yũo tõ-tõ-bie yele? Ʋ àr'ɩ saaƴẽwn bɩɩ ʋ lo na a, a ʋ tõ-tõ-nɩ-kpɛ̃ɛ n'ʋ a jɩ́rɛ. Ʋ na kpɛmɛ na àr mɩ̀, bʋ̃ʋ n'ʋ so, a Sore tɛr'ɩ fãw na tɩɛ ʋ tɛr.

Ʋrɔm 8:15

A Vʋʋrʋ nyɩ na páw a, ʋ bɛ ƴãwnɛ nyɩ gbãgbaar ɩb tɩɛrʋ nyɩ na lɛb maal zɔrɛ dɛ̃bɩ̃ɛ ɩ, Vʋʋrʋ Sõw na mɩ́ ɩ nyɩ lɩɛbɩ Naaŋmɩn bibiir a n'ʋ. Ʋlɛ n'ʋ tɩ mɩ́ lãw nɩ cɩɩrɛ bʋɔlɛ a Naaŋmɩn kɛ́: «Aba, ɩ̃ Sãà a!»

2 Korɛ̃tɩ 3:17

Bʋ̃ʋ n'ʋ vɛ̃, a Sore n'ɩ a Vʋʋrʋ Sõw, ɛ́ be a Sore Vʋʋrʋ na be a, be n'a a tʋɔra-sob be.

1 Pɩɛr 1:5

nyɩɩm a Naaŋmɩn na piw tɛr nɩ a ʋ fãw gùre nɩ a baarʋ daar a faafʋ na cɔbrɩ gã nãà wa sãá a, nyɩ na sàw de ʋ a ƴãw.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:24

A Sob nɛ na na tʋ̃ɔ́ gù nyɩ nyɩ ta lo towtow a, ɛ́ ɩ kɛ̀ nyɩ vɩɛl ɛ́ be nʋ̃ɔ̀ pʋɔ àr'ɩ a yúor-vɩɛlʋ-danʋ niŋé a,