Sɛb-sõw yielu 5:4 - A SƐB-SÕW

⁴ Sore e, fʋ mɩ́ wõ n a ɩ̃ kɔkɔr a biɓaara, a biɓaara a, ɩ̃ mɩ́ cɔbr'ɩ bom za a fʋ ƴãw, ɛ́ gùre.

Sɛb-sõw yielu 5:4 ပူးပေါင်းရင်းမြစ်များ

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

Sɛb-sõw yielu 101:7

Sob nɛ na bãw a ʋ taabɛ bɛlʋ a, ʋ bɛ kpɩɛr a ɩ̃ yir pʋɔ ɩ. A zir-ŋmarɛ a, ʋ bɛ àrɛ ɩ̃ niŋé ɩ.

Sɛb-sõw yielu 11:5

A Sore nɔnɛ nɩ a nɩ-mɩŋa yele, ɛcɛ ʋ bɛ nɔnɛ a nɩ-faa yele ɩ, nɩ a nɩr na ɩrɛ po-to-fãw-ɩb a.

Sɛb-sõw yielu 140:13

Ɩ̃ bãwnɩ a na, a Sore mɩ́ bãw nɩ a bãbàalbɛ yele kʋ̀ bɛ, ʋ mɩ́ kpɛ n a nan dem.

Sɛb-sõw yielu 50:21

À ŋá n'a fʋ ɩrɛ, ɩ̃ɩ na ɩ gbili i? Fʋ tɩ́ɛrɛ k'ɩ̃ɩ ŋmɛ̃ na mɛ̃ a fʋ̃ʋ a bɩɩ? Ɩ̃ na yere fʋ na, ɛ́ manɩ a fʋ sãwna za a fʋ niŋé.

Sɛb-sõw yielu 63:2

Naaŋmɩn i, fʋ̃ʋ n'ɩ a ɩ̃ Naaŋmɩn, ɩ̃ bɔbr fʋ na, a fʋ vʋla kpɩɛr mɛ̃ na. Ɩ̃ kʋɔlɛ nɩ ɩ̃ za bɔbr'ɩ fʋ, mɛ̃ tẽsɔw na bɛ páw kʋ̃ɔ ko a, ko welwel a.

Sɛb-sõw yielu 88:14

Mãa a, ɩ̃ kone na bʋɔlɛ fʋ, Sore e, a biɓaara a, a ɩ̃ puoru mɩ́ ta b'a.

Sɛb-sõw yielu 92:15

Ʋ tɛr'a tɩ kor, ɛ́ cãà wɔnɛ, ʋ cãà na ɩ ɓaarɓaar, ɛ́ a váar ɩ va-sɛbl,

Sɛb-sõw yielu 94:20

Fʋ̃ʋ nɩ a ƴɛ̀r-dɩ-faar dem na tʋ̃ɔ́ na wõ taa a? A bɛl na bɛ tuur a nɛ́ɛ, ƴãw a kpɩɛrʋ a nɩbɛ a?

Habakukɩ 1:13

A fʋ mimie vɩɛl'a zuo, nɩ a yel-faa fʋ na na jɩ́rɛ a, fʋ kʋ̃ tʋ̃ɔ́ sàw jɩ́rɛ a kpɩɛrʋ ɛ. Ɛ́ bʋ̃ʋ n'ʋ so fʋ sàw bɛlɛ a gɛgɛrɩ bɛ ŋa ɩb, ɛ́ bɛ ƴɛ̀rɛ ƴɛ̀rʋ? Bʋ̃ʋ n'ʋ so a nɩ-faar mɩ́ báarɛ nɩbɛ na ɩ nɩ-mɩn zuo bɛ a, ɛ́ fʋ ɩ gbili?

Malasɩ 2:17

«Nyɩ bàlɛ nɩ a Sore nɩ a nyɩ ƴɛ̀rʋ. Ɛcɛ nyɩ sowre na: “Nyɩn lowr'a tɩ bàlɛ ʋ?” Nyɩ na mɩ́ yere: “Yel-fa-maalɛ za ɩ n nɩ-vla a Sore zie, a nɩ-bɛ-ŋa-taabɛ yele n'a ʋ nɔnɛ.” Bɩɩ nyɩ na mɩ́ yere: “Nyɩnɛ n'a a Naaŋmɩn na mɩ́ dɩ a ƴɛ̀rʋ nɩ mɩnʋ a be?”»

Zã 14:23

A Yeezu tɩ sɔw ʋ na: «Nɩr wa nɔnɛ mɛ̃ a, ʋ na tɛr'ɩ a ɩ̃ ƴɛ̀rʋ vla, a ɩ̃ Sãà na nɔnɛ ʋ na, ɛ́ tɩ na wa na wa kpɩɛr a ʋ sob zie.

Ebre 12:14

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

2 Pɩɛr 3:13

Mɛ̃ a lɛ a Naaŋmɩn na ƴãw a nʋɔr a, salom-paala nɩ tẽsɔw-paala pʋɔ mɩnʋ na be a, alɛ n'a tɩ gùre.

Yel-wula 21:23

A tẽw bɛ tɛr a mʋ̃tɔ̃w nɩ a cuw cãà yel-ɩra ɩ, a Naaŋmɩn yúor-vɩɛlʋ-danʋ na caalɛ ʋ a ƴãw, nɩ a Pele na ɩ a ʋ fɩ̃tɩlɛ a ƴãw.

Yel-wula 21:27

Ɛcɛ, dɛwr za bɛ kpɩɛr a tẽw pʋɔ ɩ, nɩr za na ɩrɛ ɩ-faar na bɛ maal'ɩ wob a, ɛ́ ŋmarɛ ziri a mɩ̀ bɛ kpɩɛr a ʋ pʋɔ ɩ. Bɛlɩ dem a yée na sɛb ƴãw a Pele nyɔ-vʋʋrʋ sɛbɛ pʋɔ a, bɛl tɛwr nɛbɛ na kpɛ a ʋ pʋɔ.