Sɛb-sõw yielu 37:9 - A SƐB-SÕW

⁹ Bʋ̃ʋ n'ʋ vɛ̃, bɛ na ír'ɩ a yel-fa-maalbɛ bɛr, ɛcɛ a bɛlɩ dem na tɩɛrɛ a Sore a na so nɩ a tẽw.

Sɛb-sõw yielu 37:9 ပူးပေါင်းရင်းမြစ်များ

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Sɛb-sõw yielu 25:13

A nɩr ŋa na wone nɩ nʋ̃ɔ̀, ɛ́ a ʋ bʋʋrɛ na so nɩ a tẽw.

Ɩzayi 57:13

Fʋ̃ʋ wa kone bɔbr'ɩ sõwfʋ a, a fʋ tɩbɛ fʋ na wob ɓã taa a, a faa fʋ! A sɛsɛb na wob a nɩ a za cen nɩ, pɩɛlʋ na pɛbl'a na tɔl'ɩ. Ɛcɛ sob nɛ na na zɔ kpɛ a ɩ̃ naayir a na páw nɩ a tẽw ʋ ɩ a ʋ sób, ʋʋ na so nɩ a ɩ̃ tãw-sõw.

Sɛb-sõw yielu 37:29

A nɩ-mɩn na so nɩ a tẽw, bɛ na kpɩɛr ʋ nɩ kʋralɛ.

Sɛb-sõw yielu 55:23

Lɩɛbɩ a fʋ niw-sʋba ƴãw a Sore, ʋ na tɩɛ fʋ na tɛr, ʋ bɛ sàwr a nɩ-mɩŋa dẽdere towtow ɛ.

Yel-wula 5:10

Fʋ ɩ na bɛ ɩ na-mɩnɛ nɩ-bʋʋrɛ nɩ bàwr-maalbɛ a tɩ Naaŋmɩn ƴãw, ɛ́ bɛ na dɩrɛ nɩ naalʋ a tẽw zu.»

Zʋkpaɩ 2:21

Bʋ̃ʋ n'ʋ vɛ̃, a nɩ-dẽdẽ mɩnɛ na kpɩɛr'ɩ a tẽw ŋa pʋɔ, a nɩ-vɩɛlɩ nɛbɛ na zɩ̃ a ʋ pʋɔ.

Ɩzayi 58:14

a lɛn daar a, mãa zie n'a fʋ na mɩ́ nyɛ̃ a fʋ nʋ̃ɔ̀. Ɩ̃ na tɛr fʋ na mɛ̃ nɩr na zɛb tʋ̃ɔ́ a do n a tẽw tan zu. Ɩ̃ na ɩ na fʋ dɩ a tẽw a fʋ sãàkʋm-kʋra Zakɔb na páw a bome.» À ŋá n'a a Sore yel k'ʋʋ na ɩ na.

Ebre 11:16

Ɛcɛ alɛ ɩrɛ mɛ̃ bom'ʋ a, sãà-tẽw na vɩɛl zuo a n'ʋ bɛ tɩ bɔbr, a pɛr lɛ k'aa tẽ-vla pʋɔ dem. Lɛ so a bɛ ɩrɛ a Naaŋmɩn vĩ bɛ na bʋɔlɛ ʋ a bɛ Naaŋmɩn a ɩ, bʋ̃ʋ n'ʋ vɛ̃, ʋ cɔbr'ɩ tẽ-kpɛ̃ɛ a bɛ ƴãw.

Sɔr-nɛ́ɛ 26:65

Bʋ̃ʋ n'ʋ vɛ̃, a Sore tɩ yel'a kʋ̀ bɛ kɛ́ bɛ na kpi n a wɛja-kpalɛ pʋɔ. A lɛ n'a bɛ been kãw za bɛ tɩ cɛ, alɛ bɛ ɩ Yefune bidɛb Kalɛb, nɩ Nun bidɛb Zozue ɩ.

Wulu-ayi-sob 5:33

A sɔ́r a Sore nyɩ Naaŋmɩn na wul nyɩ a, nyɩ cere a ʋ zu kʋralɛ. Lɛ n'a nyɩ na vʋʋrɛ, ɛ́ a nyɩ nyɔ-vʋʋrʋ wõwme ɛ́ nʋmɛ a tẽw nyɩ na na de so a pʋɔ.

Zozue 14:9

A ʋlɩ bibir a, a Moyiir tɩ pɔ n à ŋá: “Ɩ̃ pɔ na k'aa tẽw fʋ na cɔlɩ a na ɩ n a zie fʋ na so a, nɩ a zie a fʋ bibiir na na so kʋralɛ a, fʋ na tu a Sore fʋ Naaŋmɩn bɛ lɛb pùor a ƴãw.”