Sɛb-sõw yielu 27:1 - A SƐB-SÕW

¹ Daviir so ʋ. A Sore n'ɩ a ɩ̃ cãà nɩ a ɩ̃ faarɛ, ãa dɛ̃bɩ̃ɛ n'a ɩ̃ na zɔrɛ? A Sore n'ʋ gùre a ɩ̃ nyɔ-vʋʋrʋ, ãa niŋé n'a ɩ̃ na màwr?

Sɛb-sõw yielu 27:1 ပူးပေါင်းရင်းမြစ်များ

A Zɔb sɛbɛ 29:3

a lɛn daar a ʋ fɩ̃tɩlɛ na tɩ cãà caalɛ a ɩ̃ zu-sɔw, ɛ́ a ʋ cãà caalɛ mɛ̃ a tɩ̃ɩsɔw ɩ̃ cere a!

Sɛb-sõw yielu 11:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ. — A Sore n'ɩ a ɩ̃ taw-lanʋ zie, ŋmɩŋmɩn n'a nyɩ na tʋ̃ɔ́ yere a ɩ̃ zie: «Zɔ kpɛ a tan pʋɔ mɛ̃ lile a»?

Sɛb-sõw yielu 118:21

Ɩ̃ na puore fʋ nɩ yãanɩ, Sore e, fʋ na sɔw mɛ̃, ɛ́ faa mɛ̃ a ƴãw.

Sɛb-sõw yielu 118:6

A Sore mɩ́ kpɛ m'a, ɩ̃ bɛ zɔrɛ bom za ɩ, bʋ̃ʋ n'ʋ nɩsaal na tʋ̃ɔ́ ɩ m?

Sɛb-sõw yielu 18:28

Fʋ̃ʋ n'ʋ mɩ́ faa a su-siwri dem, ɛ́ ɩ a pɔ̀lʋ dem su zuru.

Sɛb-sõw yielu 18:29

Sore e, mãa zie a, fʋ ɩ n fɩ̃tɩlɛ na 'lere a, ɩ̃ Naaŋmɩn i, fʋ̃ʋ n'ʋ caalɛ a ɩ̃ tɩ̃ɩsɔw lige.

Sɛb-sõw yielu 18:46

a bɛ fãw báarɛ na, bɛ màwr'a wa yire nɩ a bɛ sɔwlʋ ziir.

Sɛb-sõw yielu 19:14

Mɩ̀ gù a fʋ tõ-tõ-bie a pɔ̀lʋ dem ƴãw, bɛ taa wa nanɩ tʋ̃ɔ́nɛ mɛ̃ ɩ. Lɛ n'a ɩ̃ kʋ̃ tɛr sãwna ɩ, ɛ́ yel-bier-kpɛ̃ɛ dɛwr kʋ̃ be ɩ̃ zie ɩ.

Sɛb-sõw yielu 3:8

Sore e, ìr! Ɩ̃ Naaŋmɩn i, faa mɛ̃! Fʋ̃ʋ na mɩ́ ɓa ɓa a ɩ̃ dɔ̃ dem a kɔrɩ́, ɛ́ kár a nɩ-faar nyɩmɛ bɛr a.

Sɛb-sõw yielu 43:2

Bʋ̃ʋ n'ʋ vɛ̃, fʋ̃ʋ n'ɩ a ɩ̃ Naaŋmɩn, a ɩ̃ zɛbr-kur-pãgala. Bʋ̃ʋ n'ʋ so fʋ zawrɩ mɛ̃ bɛr, bʋ̃ʋ ƴãw n'a ɩ̃ na ɩ pʋ-sãwna sob cere, ɛ́ a ɩ̃ dɔ̃ sob bɛ bɛrɛ mɛ̃?

Sɛb-sõw yielu 62:2

Naaŋmɩn yõ zie n'a a ɩ̃ pɩ̃ɛnʋ be, ʋl zie n'a a ɩ̃ faafʋ yire,

Sɛb-sõw yielu 62:6

Naaŋmɩn yõ zie n'a a ɩ̃ pɩ̃ɛnʋ be, ʋl zie n'a a tɩɛrʋ ɩ̃ na ƴãw a ʋ ƴãw a yire.

Sɛb-sõw yielu 84:11

Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

Eziptɩ tẽw yib 15:2

A Sore so a ɩ̃ fãw nɩ a ɩ̃ yielu, ʋl ƴãw n'a ɩ̃ nyɛ̃ a faafʋ. Ʋlɛ n'ɩ a ɩ̃ Naaŋmɩn, ɩ̃ na danɛ ʋ a na. Ʋlɛ n'ɩ a ɩ̃ sãà Naaŋmɩn, ɩ̃ na zɛwr ʋ na.

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Ɩzayi 2:5

Nyɩ wa, Zakɔb yir dem i! Nyɩ ɩ tɩ cere a Sore cãà pʋɔ.

Ɩzayi 45:24

«A Sore yõ zie n'a a mɩnʋ nɩ a kpɛnʋ be.» Bɛlɩ dem za na zɛb'ɩ mɛ̃ a na wa n a ɩ̃ zie, ɛ́ vĩ ɩrɛ bɛ.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Zeremi 20:11

Ɛcɛ a Sore lãw nɩ mɛ̃ na mɛ̃ zɛbr-nɩr na kpɛmɛ a. A bɛlɩ dem za na dɔwrɛ mɛ̃ a na lo na, bɛ kʋ̃ tʋ̃ɔ́ ɩ a lɛ bɛ na tɩ́ɛrɛ a ɩ. Vĩ na nyɔw bɛ na, bɛ na gúu a. A na ɩ bɛ nɩ vĩ kʋralɛ, ɛ́ nɩr za kʋ̃ yiiri ʋ bɛr ɛ.

Matie 8:26

Ʋ tɩ yel bɛ na: «Bʋ̃ʋ n'ʋ so nyɩ zɔrɛ dɛ̃bɩ̃ɛ, nyɩɩm a naaŋmɩn-sàwfʋ na bɛ saalɩ a?» Lɛ n'a ʋ tɩ ìr àr ɛ́ tanɩ a sɛsɛb nɩ a kʋ̃ɔ-kpɛ̃ɛ, a zie ŋmãa vʋʋrʋ cɩ̃ɩɩ!

Luka 2:30

A ɩ̃ mimie sɩrɩ na nyɛ̃ a fʋ faafʋ,

Luka 3:6

ɛ́ bʋ̃-vʋʋra za na nyɛ̃ nɩ a Naaŋmɩn faafʋ.»

Zã 1:9

A Ƴɛ̀rʋ tɩ n'ɩ a cãà mɩŋa na waar a tẽ-daa zu ɛ́ caalɛ nɩsaal za a.

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

2 Korɛ̃tɩ 12:9

Ɛcɛ ʋ tɩ yel mɛ̃ na: «A ɩ̃ maalʋ sɛw fʋ na, a bãbàalʋ pʋɔ n'a a ɩ̃ fãw mɩ́ sãá ʋ za bɛ nyɛ̃.» Lɛ so ɩ̃ na nɩ̃ɛ zɛwr ɩ̃ tʋɔra a ɩ̃ bãbàalʋ ƴãw, k'aa Kɩrɩta fãw tʋ̃ɔ́ be a ɩ̃ zie.

Wulu-ayi-sob 7:18

Nyɩ ta zɔrɛ bɛ ɩ! Nyɩ lɛb tɩɛrɩ a lɛ a Sore nyɩ Naaŋmɩn na ɩ a Faarawɔ̃ nɩ a Eziptɩ tẽw za a:

Wulu-ayi-sob 7:21

Nyɩ taa màwr a nɩ-bʋʋrɛ bɛ ŋa niŋé ɩ: a Sore nyɩ Naaŋmɩn be n a nyɩ zie, ɛ́ ɩ Naaŋmɩn na ɩ kpɛ̃ɛ ɛ́ bɛ tɛr dɩ̃ɛnʋ a.

Filib 4:13

Ɩ̃ mɩ́ tʋ̃ɔ́ nɩ bom za, a Kɩrɩta na kʋ̀rɛ mɛ̃ a fãw a zũú.

Ebre 13:6

Lɛ so tɩ na tʋ̃ɔ́ bɛr tɩɛrʋ ɛ́ yel: «A Sore n'ɩ a ɩ̃ sõwne, ɩ̃ kʋ̃ zɔrɛ bom za dɛ̃bɩ̃ɛ ɩ. Bʋ̃ʋ n'ʋ nɩsaal na tʋ̃ɔ́ ɩ m?»

Yel-wula 21:23

A tẽw bɛ tɛr a mʋ̃tɔ̃w nɩ a cuw cãà yel-ɩra ɩ, a Naaŋmɩn yúor-vɩɛlʋ-danʋ na caalɛ ʋ a ƴãw, nɩ a Pele na ɩ a ʋ fɩ̃tɩlɛ a ƴãw.

Yel-wula 22:5

Tɩ̃ɩsɔw kʋ̃ lɛb cãà be ɩ, bɛ kʋ̃ cãà tɛr fɩ̃tɩlɛ cãà nɩ mʋ̃tɔ̃w cãà yel-ɩra ɩ, a Sore Naaŋmɩn na na caalɛ bɛ nɩ a ʋ cãà a ƴãw, ɛ́ bɛ na dɩrɛ nɩ naalʋ yome yome za.

Yel-wula 7:10

Bɛ tɩ cɩɩrɛ nɩ kpɛ̃w za yere: «A faafʋ yi n a tɩ Naaŋmɩn na zɩ̃ a naalʋ-dà-kɔw zu a zie, nɩ a Pele zie!»