Sɛb-sõw yielu 26:10 - A SƐB-SÕW

¹⁰ A bɛ nuru tõ n tõ-faar na bɛ maal'ɩ wob a, a paal'ɩ bʋ̃-kʋ̀rɩ a nɩbɛ na ŋmɛ n bɛ a nʋɔr a.

Sɛb-sõw yielu 26:10 ပူးပေါင်းရင်းမြစ်များ

Sɛb-sõw yielu 10:14

Fʋ̃ʋ a, fʋ nyɛrɛ nɩ a nã́w sob kpɩɛrʋ nɩ a ʋ wʋ̀ʋr, fʋ cɛlɛ nɩ be na tu a ʋ yele pùor. Fʋ zie n'a a bãbàal mɩ́ ƴãw a ʋ tɩɛrʋ za, ɛ́ fʋ̃ʋ n'ʋ mɩ́ sõw a bi-kpieb.

Sɛb-sõw yielu 11:2

— A nɩ-faar'ɩ bɛ ŋan dúore a tam, bɛ càrɛ nɩ a pĩi, kɛ́ bɛ tɛ n a soci-dẽdẽ dem a lige pʋɔ.

Sɛb-sõw yielu 36:4

Ziri nɩ bɛlʋ nʋɔr tɛwr'ʋ ʋ ƴãw, ʋ bɛ cãà tɛr a yel-vla maalʋ yã ɩ.

Sɛb-sõw yielu 52:2

A Edɔm tẽw Dowɛgɩ na tɩ cen tɩ yel kʋ̀ a Sawul, k'aa Daviir cen nɩ a Ahimelɛkɩ zie a yele n'a.

Eziptɩ tẽw yib 23:8

Nyɩ taa sàwr bɛ ŋmɩɛr nyɩ nʋɔr ɛ, bʋ̃ʋ n'ʋ vɛ̃, a nʋɔr-ŋmɛb liwr'ɩ a bɛlɩ dem na nyɛrɛ a tɩ́ɛrʋ, ɛ́ mɩ́ ɩ a nɩ-vɩɛlɩ ƴɛ̀rʋ-dɩb a bɛ tori ɛ.»

Zʋkpaɩ 1:16

Bʋ̃ʋ n'ʋ vɛ̃, bɛ mɩ́ maal'ɩ a faa fɔ̃wlɛ, bɛ mɩ́ pawr'ɩ a nɩr kʋb ƴãw.

Zʋkpaɩ 4:16

A nɩbɛ bɛ ŋa bɛ wa maalɩ yel-faa a, bɛ bɛ gúre ɩ. Bɛlɛ bɛ wa ɩ nɩr lo sãwna pʋɔ a, a gʋ̃ɔ mɩ́ zawrɩ bɛ na.

Ɩzayi 33:15

— Sob nɛ na tuur a mɩnʋ ɛ́ yere a yel-mɩŋa a n'ʋ. Ʋ mɩ́ zawr'ɩ a tɔnɛ bɛ na mɩ́ ɩ a po-to-fãw-ɩb páw a, ʋ bɛ sàwr a bɛlɩ dem na bɔbr kɛ́ bɛ ŋmɛ ʋ nʋɔr a ɩ. Ʋ mɩ́ pàw nɩ a tobe tɛr, k'ʋʋ ta wõ nɩ-kʋ ƴɛ̀rʋ ɛ. Ʋ mɩ́ pàw nɩ a ʋ mimie, k'ʋʋ ta jɩ́r a yel-faa ɩ.

Amɔsɩ 5:12

Bʋ̃ʋ n'ʋ vɛ̃, ɩ̃ bãw nɩ a lɛ a nyɩ ɩ-fa-yaga yaga nɩ a lɛ a nyɩ yel-bebe na kpɛ faa sɛw a. Nyɩ dɔwrɛ nɩ a nɩ-mɩn, ɛ́ mɩ́ bɛr bɛ bɛlɩ nyɔw nyɩ nɩ libie. Nyɩ bɛ mɩ́ sàw bɛ na dɩ a ƴɛ̀rʋ kʋ̀ a nã́w sob a ƴɛ̀rʋ-dɩb zie ɩ.»

Mise 7:3

Bɛ de nɩ jalɩ a ɩ-faar maalʋ ƴãw. A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr. A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ, ɛ́ a bɛ za ɓã taa tɛr a bɛ gõlõgõlõ ɩb.

Nɩ-toni 23:12

A zie na wa vɩɛ a, a Zifʋ mɩnɛ bʋ n taa ɛ́ pɔ kɛ́ bɛlɛ bɛ wa kʋ a Pol a, bɛ kʋ̃ dɩ bom kʋ̃ nyũ kʋ̃ɔ ɩ.

Wulu-ayi-sob 16:19

Nyɩ taa dɩrɛ ƴɛ̀r-ziri ɛ, nyɩ taa owre a nɩbɛ a ƴɛ̀rʋ-dɩb pʋɔ ɩ. Nyɩ taa sàwr bɛ ŋmɩɛr nyɩ nʋɔr ɛ, bʋ̃ʋ n'ʋ vɛ̃, a nʋɔr-ŋmɛb liwr'ɩ a nɩbɛ na nyɛrɛ a tɩɛrʋ, ɛ́ mɩ́ ɩ a nɩ-mɩn ƴɛ̀rʋ-dɩb bɛ tu sɔ́r ɛ.

1 Samɩɛl 8:3

Ɛcɛ a ʋ bidɛbr bɛ tɩ tu ʋ ɛ. A libie tɩ bɛ̀lɩ na nyɔw bɛ, bɛ dier a bome a nɩbɛ na kʋ̀rɛ bɛ a, ɛ́ mɩ́ dɩ a ƴɛ̀rʋ a bɛ tori ɛ.