Sɛb-sõw yielu 24:6 - A SƐB-SÕW

⁶ A nɩbɛ bɛl bʋʋrɛ na bɔbr a Sore a n'ɩ a bɛ ŋa, a bɛl na bɔbr a Naaŋmɩn niwn a, bɛlɛ sɩrɩ n'ɩ a Zakɔb bʋʋrɛ. Tɛw-àrʋ

Sɛb-sõw yielu 24:6 ပူးပေါင်းရင်းမြစ်များ

Sɛb-sõw yielu 105:4

Nyɩ bɔbr a Sore lãwnɩ a ʋ fãw, nyɩ bɔbr a ʋ niwn nyɛ́b kʋralɛ.

Sɛb-sõw yielu 22:30

A tẽw nũ-kpɛn dem za na dɩ na ɛ́ gbĩ dume gũu tɩ tɔ tẽw a ʋ niŋé. Bɛlɩ dem za na lɛb lɩɛbɛ uuru a, na gbĩ n dume gũu tɩ tɔ tẽw a ʋ niŋé — a bɛlɩ dem na kpiir a.

Sɛb-sõw yielu 27:8

Ɩ̃ tɩ́ɛrɛ nɩ a ƴɛ̀rʋ ŋa fʋ na ƴɛ̀r a: «Nyɩ bɔbr a ɩ̃ niwn». Sore e, a fʋ niwn n'ʋ ɩ̃ bɔbr k'ɩ̃ɩ nyɛ̃.

Sɛb-sõw yielu 73:15

Ɛcɛ mãa tɩ yel k'ɩ̃ɩ na ƴɛ̀rɛ na mɛ̃ a bɛl a, Naaŋmɩn i, ɩ̃ nãà mɩl'ɩ a fʋ bibiir.

Ɩzayi 53:10

Ɛcɛ a Sore kʋ̀ n yel-mɩŋa a ʋ tõ-tõ-bie a kpɩɛrʋ na dĩ a. Ɛ́ a sob nɛ na lɩɛrɩ nɩbɛ de a ʋ nyɔ-vʋʋrʋ tɩr a, ʋ ɩ na k'ʋ lɛb nyɛ̃ àrʋ zie. A ʋ tõ-tõ-bie na tɛr'ɩ bʋʋrɛ ɛ́ cãà vʋʋrɩ cɛlɩ. Ʋlɛ n'ʋ na ɩ a Sore pʋ-tɩɛrʋ maalɩ.

Zã 1:47

A Yeezu tɩ jɩ́r'ɩ a Natanayɛl na waar a ʋ zie a, ɛ́ yel a ʋ ƴãw: «Ɩsɩrayɛl bie tɔr za n'ɩ à ŋà, ʋ bɛ bãw ziri ɛ.»

Ʋrɔm 4:16

A na ɩ à ŋá a, a ʋlɩ bom nɛ a Naaŋmɩn na yel k'ʋʋ na tɩr a a, a sàw-deb zũú n'a, k'ʋʋ tʋ̃ɔ́ ɩ maalʋ ʋ na tɩrɛ zawla a, ɛ́ a mɩ̀ ɩ a Abraham bʋʋrɛ za ƴãw a, a bɛlɩ dem na sàwr a Wulu a, nɩ a bɛlɩ dem na sàw de, mɛ̃ a lɛ a Abraham na tɩ sàw de a, ʋl na ɩ a tɩ za sãà a.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.