Sɛb-sõw yielu 24:5 - A SƐB-SÕW

⁵ Ʋ na páw nɩ a maalʋ a Sore zie, a mɩnʋ a Naaŋmɩn ʋ faarɛ zie.

Sɛb-sõw yielu 24:5 ပူးပေါင်းရင်းမြစ်များ

Sɛb-sõw yielu 50:23

Sob nɛ barka puoru na ɩ bàwr ʋ maalɛ kʋ̀rɛ mɛ̃ a, ʋlɛ n'ʋ ƴãwnɛ mɛ̃. Sob nɛ ɩb na vɩɛl a, ɩ̃ na ɩ na k'ʋ nyɛ̃ mãa na n'ɩ a Faarɛ a.

Sɛb-sõw yielu 68:19

Sore Naaŋmɩn i, fʋ do n a zie na kɛrɩ a zu, kɛ́ fʋ tɩ kpɩɛr a be, fʋ zɛb'a nyɔw nɩbɛ, a nɩsaalbɛ kʋ̀ b ɩ bʋ̃-kʋ̀rɩ, tɩ lãwnɩ a bɛ-wonbɛ za mɩ̀ na kʋ̀ b bome a.

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Sɛb-sõw yielu 88:1

Yielu. Sɛb-sõw yielu Koore bibiir na maalɩ a. Yiel-yielbɛ nɩ-kpɛ̃ɛ sɛbɛ pʋɔ yielu. Ʋ yiele na mɛ̃ nɩbaal-yielu a. Tẽ-bie Heman yielu na wule yã a.

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Ɩzayi 46:13

A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ. A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃. Ɩ̃ na kʋ̀ n a Ɩsɩrayɛl a ɩ̃ vɩɛlʋ.

Ɩzayi 51:8

Bʋ̃ʋ n'ʋ vɛ̃, a zãzule na dɩ bɛ na mɛ̃ mɔwr na mɔw kparʋ a, ɛ́ a gùme dɩ bɛ mɛ̃ píir kɔblʋ pɛn a. Ɛcɛ a mɩnʋ ɩ̃ na waar'ɩ a kʋ̃ tɛr baarʋ ɛ, ɛ́ a ɩ̃ faafʋ be be yome yome za.»

Ɩzayi 54:17

Zɛbr bom kãw za bɛ na maalɩ a fʋ ƴãw a, kʋ̃ tʋ̃ɔ́ ɩ b faa ɩ. Nɩr za nãà wa yere a fʋ sãwna a ƴɛ̀rʋ-dɩb zie a, fʋ na tʋ̃ɔ́ na ƴɛ̀r wul k'ʋʋ sãw na. A bom ɩ̃ na bin gùre nɩ a ɩ̃ tõ-tõ-biir a n'ɩ à ŋà, à ŋá n'a ɩ̃ wule a bɛ mɩnʋ, a Sore n'ʋ yere.»

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Zã 7:17

Nɩr wa bɔbr k'ʋʋ maalɛ a Naaŋmɩn pʋ-tɩɛrʋ a, ʋ na bãw nɩ a ɩ̃ kanʋ yib zie: a yi n Naaŋmɩn zie bɩɩ mãa n'ʋ nyɛ̃ ɩ̃ tʋɔra ƴɛ̀rɛ.

Ʋrɔm 3:22

Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ:

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Galasi 3:14

À ŋá n'a a ɩ, k'aa maalʋ a Naaŋmɩn na yel k'ʋʋ na kʋ̀ n a Abraham a, mɩ̀ ta a nɩ-bʋʋr-yoru a Yeezu Kɩrɩta ƴãw, ɛ́ a sàw-deb zũú, tɩ za páw a Vʋʋrʋ a Naaŋmɩn na yel k'ʋʋ na tɩr'a a.

Galasi 3:9

A Abraham tɩ sàw na de ɛ́ páw a maalʋ. Lɛ mɩ̀ n'a a bɛlɩ dem na sàw de a, mɩ́ páw a maalʋ mɛ̃ a Abraham.

Galasi 5:5

Ɛcɛ a tɩɩm a, tɩ ƴãw nɩ a tɩ tɩɛrʋ a Naaŋmɩn ƴãw, ʋl na na ɩ tɩ ɩ nɩ-mɩn a ʋ niŋé a. A yel ŋa n'ʋ tɩ gùre nɩ a Vʋʋrʋ Sõw fãw, ʋl na tone a tɩ naaŋmɩn-sàw-deb pʋɔ a.

Efɛɛzɩ 1:3

A Naaŋmɩn, tɩ Sore Yeezu Kɩrɩta Sãà, tɛr'ɩ puoru. Tɩ na lãw nɩ a Kɩrɩta a, ʋ maalɩ tɩ nɩ a tẽ-vla pʋɔ nɩ maal-pɛ-bʋʋrɛ za a Vʋʋrʋ Sõw na tɩrɛ a.

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.

1 Pɩɛr 3:9

Nyɩ ta mɩ́ yáa a yel-faa san ɛ, bɩɩ yáa a zʋm san ɛ. Nyɩ nɩ̃ɛ mɩ́ ƴɛ̀r nɔ-vla, bʋ̃ʋ n'ʋ vɛ̃, maalʋ n'ʋ a Naaŋmɩn yel k'ʋʋ na kʋ̀ nyɩ na, a lɛn daar ʋ na bʋɔlɩ nyɩ a.