Sɛb-sõw yielu 20:6 - A SƐB-SÕW

⁶ Lɛ n'a tɩ na cáarɛ a faafʋ fʋ na nyɛ̃ a ƴãw, tɩ na zɛw a dɩrapo a tɩ Naaŋmɩn yúor ƴãw. A Sore, ʋ tu a fʋ zɛlʋ za pùor maalɩ fʋ!

Sɛb-sõw yielu 20:6 ပူးပေါင်းရင်းမြစ်များ

Sɛb-sõw yielu 28:8

A Sore n'ɩ a ʋ nɩbɛ fãw, ʋlɛ n'ɩ a zɛbr-yir-kpɛ̃w na ɩ a ʋ nɩ-kabra faafʋ zie a.

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

Nɩ-toni 4:10

a fɛr'a kɛ́ nyɩ za bãw vla, lãwnɩ a Ɩsɩrayɛl nɩbɛ za: a Yeezu Kɩrɩta na yi Nazarɛtɩ a yúor ƴãw n'a a nɩr ŋa lɛb ɩ nɩ-kpɛ̃w àr a nyɩ niŋé, a Yeezu Kɩrɩta ŋa nyɩ na kpa a da-gara zu, ɛ́ a Naaŋmɩn ɩ ʋ lɛb yi a kũuni pʋɔ a.

Matie 6:9

A na ɩ lɛ a, a nyɩɩm, nyɩ mɩ́ puore à ŋá: “Tɩ Sãà na be a tẽ-vla pʋɔ, a nɩbɛ za, bɛ bãw kɛ́ fʋ̃ʋ n'ɩ a Naaŋmɩn na ɩ sõw a,

Ɩzayi 63:15

Sore e, be a salom zu, a zi-sõw-vla vla fʋ na kpɩɛr a, ɛ́ jɩ́r a ʋlɩ bom nɛ na ɩrɛ tɩ a nyɛ̃. Nyɩnɛ n'a a fʋ nɔ̃wfʋ na dɩrɛ a tɩ ƴãw mɛ̃ vũu a cen? Nyɩnɛ n'a a fʋ kpɛnʋ be? Tɩ bɛ mɩ́ cãà nyɛ̃ a fʋ ƴã-cɩrʋ nɩ a fʋ nɔ̃wfʋ a tɩ ƴãw ɛ.

Sɛb-sõw yielu 18:50

Lɛ so ɩ̃ danɛ fʋ a nɩ-bʋʋr-yoru sɔgɔ, Sore e, ɛ́ yiele íre nɩ a fʋ yúor.

Sɛb-sõw yielu 2:2

A tẽw na-mɩnɛ cɔbrɛ na na zɛb, ɛ́ a nɩ-bɛrɛ bʋ̀rɛ taa kɛ́ bɛ zɛb'ɩ a Sore nɩ a ʋ nɩ-kabra.

Nɩ-toni 2:36

A Ɩsɩrayɛl bʋʋrɛ za, bɛ bãwnɩ a vla: a Yeezu ŋa tɔr za nyɩ na kpa a da-gara zu a, Naaŋmɩn ɩ na ʋ ɩ Sore nɩ Kɩrɩta.»

Ɩzayi 58:9

Fʋ̃ʋ mɩ́ wa bʋɔlɛ a lɛn daar a, a Sore na mɩ́ sàw na. Fʋ̃ʋ mɩ́ wa kõ bʋɔlɩ a, ʋ na mɩ́ yel'a: «Mãa n'ɩ ŋan!» Fʋ̃ʋ wa ír a fɛrʋ na fɛrɛ a nɩbɛ a bɛr a fʋ tẽw pʋɔ a, fʋ̃ʋ wa bɛr a nobir vɛlʋ nɩ a po-to-ƴɛ̀rʋ a,

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Sɛb-sõw yielu 41:11

Ɛcɛ fʋ̃ʋ a, Sore e, zɔ ɩ̃ nɩbaalʋ ɛ́ nyɔw mɛ̃ ɩ̃ lɛb ìr, ɩ̃ɩ na yáa nɩ a san a bɛ zu.

Sɛb-sõw yielu 18:35

Ʋlɛ n'ʋ mɩ́ zanɛ nɩ mɛ̃ a zɛbr, ɛ́ mɩ́ sõw mɛ̃ ɩ̃ dúori tam na kpɛmɛ jɩjɩ a.

Sɛb-sõw yielu 17:7

Wul a fʋ nɔ̃wfʋ ɩb na bɛ tɛr manʋ a, fʋ̃ʋ na mɩ́ faa a bɛlɩ dem na zɔrɛ kpɩɛr a fʋ naayir, a bɛ fɛr-fɛrbɛ nuru pʋɔ a.

1 Na-mɩnɛ 8:43

a fʋ̃ʋ a, Sore e, be a salom zu fʋ na kpɩɛr a, ɛ́ bɛr wõ a sãan ŋa puoru, ɛ́ kʋ̀ ʋ a ʋlɩ bom nɛ ʋ na zɛlɛ a. À ŋá n'a a tẽw zu nɩ-bʋʋrɛ za na bãw fʋ. Bɛ na zɔrɛ fʋ na, mɛ̃ a lɛ a fʋ nɩ-bʋʋrɛ Ɩsɩrayɛl na zɔrɛ fʋ a. Bɛ mɩ̀ na bãw na kɛ́ fʋ̃ʋ sɩrɩ so a Ŋmɩn-yir-kpɛ̃ɛ ŋa ɩ̃ na ŋmãa a.»

1 Na-mɩnɛ 8:30

Mɩ́ bɛr wõ mãa nɩ a fʋ nɩ-bʋʋrɛ Ɩsɩrayɛl yãayãa zɛlʋ, tɩmɛ mɩ́ wa puore fʋ a ka a. Sore e, mɩ́ bɛr wõ a salom zu be fʋ na kpɩɛr a, mɩ́ bɛr wõ ɛ́ dɩ suur kʋ̀ tɩ.»

Nɩ-toni 2:33

A Naaŋmɩn dʋrʋ zɛw ʋ na ʋ do. Lɛ so ʋ páw a Vʋʋrʋ Sõw a Naaŋmɩn na ƴãw nʋɔr k'ʋʋ na tɩr'a a. Ʋlɛ n'ʋ ɩ a Vʋʋrʋ Sõw siw põ yaarɩ a tɩ zu, ɛ́ alɛ n'a nyɩ nyɛrɛ ɛ́ wone.

Sɛb-sõw yielu 9:15

Lɛ n'a ɩ̃ na danɩ fʋ a dan-bʋʋrɛ za, a Sɩyɔ̃ tẽw pʋɔ, ɛ́ cɩlɛ ƴawr'ɩ, fʋ na faa mɛ̃ a ƴãw.

Mise 4:5

A nɩ-bʋʋrɛ za mɩ́ ɩrɛ na k'aa pɛlɩ a bɛ ŋmɩmɛ pʋʋr, tɩɩm'a, a Sore tɩ Naaŋmɩn n'ʋ tɩ bɔbr kɛ́ tɩ ɩrɛ a ʋ pʋɔ pɛlɩ kʋralɛ nɩ bibie za.