Sɛb-sõw yielu 2:4 - A SƐB-SÕW

⁴ Ɛcɛ a Sore nyɔw nɩ laarʋ, a sob nɛ na zɩ̃ a salom zu a ɩrɛ bɛ na laar.

Sɛb-sõw yielu 2:4 ပူးပေါင်းရင်းမြစ်များ

2 Na-mɩnɛ 19:21

Wone a ƴɛ̀rʋ ɩ̃ na ƴɛ̀rɛ cáarɛ nɩ ʋ a: A Sɩyɔ̃ tẽw tobr bɛ ka fʋ ƴãw ɛ, ʋ ɩrɛ fʋ na laar. A Zerizalɛm tẽw na vɩɛl'a, kpɔwrɛ fʋ na, ŋmɩwrɛ nɩ ƴãwn.

Sɛb-sõw yielu 11:4

— A Sore be n a ʋ Yir-kpɛ̃ɛ sõw pʋɔ. A Sore naalʋ-dà-kɔw be n a salom zu. Ʋ jɩ́rɛ nɩ a nɩsaalbɛ, ʋ mɩ́ jɩ́r'ɩ daadaa bãw bɛ ŋmɛ̃a.

Sɛb-sõw yielu 115:3

A tɩ Naaŋmɩn be n a salom zu, ʋ mɩ́ maal'ɩ bom za ʋ na bɔbr'a.

Sɛb-sõw yielu 123:1

Zerizalɛm dob daar yielu. Sore e, ɩ̃ dʋɔ nɩ a zu jɩ́rɛ nɩ fʋ, fʋ̃ʋ na zɩ̃ a fʋ naalʋ-dà-kɔw zu, a salom zu a.

Sɛb-sõw yielu 37:13

Ɛcɛ a Sore laar ʋ na, ʋ na nyɛ̃ a ʋ san-yaafʋ bibir ʋ tarɛ a ƴãw.

Sɛb-sõw yielu 53:5

A Naaŋmɩn yere na: «Bɛ sɩrɩ bɛ bãw bom za ɩ, a yel-fa-maalbɛ bɛ ŋa za na nɛbr a ɩ̃ nɩbɛ dɩrɛ nɩ a bɛ bʋ̃-dɩrɩ, ɛ́ bɛ lɩɛbɛ kaar mɛ̃ towtow a!»

Sɛb-sõw yielu 59:8

Po-to-ƴɛ̀rʋ tɛwr'a bɛ mɩ́ tɛr, cɔ̀rɛ karɛ ƴãwn a nɩbɛ, ɛ́ mɩ́ tɩɛrɛ bɛ pʋɔ: «Ãa n'ʋ wone a?»

Sɛb-sõw yielu 59:9

Ɛcɛ fʋ̃ʋ a, Sore e, fʋ laar bɛ na, fʋ ɩrɛ nɩ a nɩ-bʋʋr-yoru bɛ ŋa za laar.

Sɛb-sõw yielu 68:33

Tẽw zu na-mɩnɛ ten dem i, nyɩ yiele a Naaŋmɩn danʋ ƴãw, nyɩ íre a Sore yúor, Tɛw-àrʋ

Zʋkpaɩ 1:26

Alɛ so, nyɩmɛ wa be a kpɩɛrʋ pʋɔ a lɛn daar a, ɩ̃ na laar'a. A pʋl-vʋ̃ɔ wa tɛr nyɩ a lɛn daar a, ɩ̃ na ɩrɛ nyɩ na laar.

Ɩzayi 40:22

A Sore naalʋ-dà-kɔw be n a tẽw tʋra zu-sɔw, ɛ́ a nɩsaalbɛ mɩ́ sãá a ʋ zie ɩ mɛ̃ sãsowe a. Ʋ yɛ́r'ɩ a salom mɛ̃ pɛn-kpɛ̃ɛ a, ʋ dɔl ʋ na mɛ̃ pɛn-sɛw a, a ʋ kpɛb ƴãw.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 66:1

À ŋá n'a a Sore yere: «A salom ɩ n a ɩ̃ naalʋ-dà-kɔw ɛ́ a tẽsɔw ɩ a ɩ̃ gbɛ́ɛ dɔwlʋ zie. Yir bʋ̃ʋ n'ʋ nyɩ na tʋ̃ɔ́ ŋmãa kʋ̀ m? A zie n'ɩ buor ɩ na na tʋ̃ɔ́ kpɩɛr a?