Sɛb-sõw yielu 2:12 - A SƐB-SÕW

¹² Nyɩ ƴãwnɛ ʋ, alɛ bɛ ɩ lɛ, ʋ nãà mab'a nyɛ̃ suur nyɩ kpi a sɔ́r zu, bʋ̃-bile blã, ɛ́ a ʋ suur mɩ́ 'lere na mɛ̃ vũu a. Zu-nʋ̃ɔ̀ dem'ɩ a bɛlɩ dem za na zɔrɛ kpɩɛr a ʋ naayir a!

Sɛb-sõw yielu 2:12 ပူးပေါင်းရင်းမြစ်များ

Yele-za-pɛr-tib 41:40

Fʋ̃ʋ n'ʋ na kaarɛ a ɩ̃ naalʋ-tẽw zie, a ɩ̃ nɩbɛ za na sàwr'ɩ a fʋ nɛ́ɛ. A nãà ɩ̃ na ɩ a, al tɛwr'a na ɩ ɩ̃ zuo fʋ.

1 Na-mɩnɛ 19:18

Ɛcɛ ɩ̃ na bɛr'ɩ Ɩsɩrayɛl nɩbɛ túr ayopõi (7 000) bɛ cãà vʋʋrɛ, a bɛl za nãà bɛ wa gbĩ dume a ŋmɩn Báàl niŋé a, ɛ́ bɛ nyɔw a ʋ dasuli weri a.»

Sɛb-sõw yielu 1:6

A Sore bãw nɩ a nɩ-mɩn sɔ́r, ɛcɛ a nɩ-faar sɔ́r wɩɛr'ɩ bɛ nɩ kũu zie.

Sɛb-sõw yielu 109:20

À ŋá n'a a Sore na ya a bɛlɩ dem na yere k'ɩ̃ɩ sãw na a, na ƴɛ̀rɛ po-to-ƴɛ̀rʋ a ɩ̃ ƴãw a.

Sɛb-sõw yielu 2:5

Al pùorí, ʋ ƴɛ̀rɛ nɩ suur a bɛ zie, ɛ́ ƴãwnɛ bɛ pʋl-vʋ̃ɔ nɩ a ʋ su-yãyaar:

Sɛb-sõw yielu 2:7

Nyɩ vɛ̃ ɩ̃ lɛb yel a lɛ a Sore na yel a, ʋ yel mɛ̃ na: «Fʋ̃ʋ n'ɩ a ɩ̃ bidɛb, dɩ̃a bio na vɩɛ a, mãa n'ʋ ɩ a fʋ sãà.

Sɛb-sõw yielu 31:20

Ɛcɛ Sore e, a maalʋ bɛ dɩ vuo ɩ, fʋ na bin gùre nɩ a bɛlɩ dem na zɔrɛ fʋ a! Nɩr za na tʋ̃ɔ́ na nyɛ̃ a maalʋ fʋ na kʋ̀rɛ a bɛlɩ dem za na zɔrɛ kpɩɛr a fʋ naayir a.

Sɛb-sõw yielu 34:8

A Sore malkɩ mɩ́ àr'a gù a bɛlɩ dem na zɔrɛ a Sore a, ɛ́ mɩ́ faa bɛ.

Sɛb-sõw yielu 34:9

Nyɩ ɩ kaa nyɛ̃ a lɛ a Sore na vɩɛl a. Zu-nʋ̃ɔ̀ sob'ɩ a nɩr ʋl na zɔrɛ kpɩɛr a ʋ naayir a.

Sɛb-sõw yielu 40:4

Ʋ ƴãw nɩ yiel-paala a ɩ̃ nʋɔrɩ́, a tɩ Naaŋmɩn danʋ yielu. Nɩ-yaga na nyɛ̃ na, bɛ na zɔrɛ nɩ a Sore, ɛ́ bɛ na ƴãw nɩ a bɛ tɩɛrʋ a ʋ ƴãw.

Sɛb-sõw yielu 84:12

Yel-mɩŋa, a Sore ɩ n mʋ̃tɔ̃w nɩ zɛbr-kur-pãgala. A Sore mɩ́ tɩr'ɩ a maalʋ nɩ a yúor, ʋ bɛ sɩbr bʋ̃-vla kãw za, a bɛlɩ dem na ɩrɛ vla a ɩ.

Zʋkpaɩ 16:20

Sob nɛ na mɩ́ tɩɛrɩ yel kãw cɛlɩ a, a mɩ́ wa ɩ n vla a ʋ zie. Sob nɛ na mɩ́ ƴãw a ʋ tɩ́ɛrʋ a Sore ƴãw a, zu-nʋ̃ɔ̀ sob'ʋ.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Zeremi 17:7

Ɛcɛ maalʋ, a páw a sob nɛ na ƴãw a ʋ tɩɛrʋ a ɩ̃ ƴãw, ɩ̃ɩ lɩɛbɩ a ʋ tɩ̀ɛrɛ a.

A naaŋmɩn-ƴèr-manɛ Oze sɛbɛ 13:2

A ƴɛrɛŋa mɩ̀ a, bɛ cãà na maalɛ a yel-bier: bɛ nyɩlɛ nɩ salm-zɩɛ maalɛ nɩ bome, bɛ nyɩlɛ nɩ salm-zɩɛ maalɛ nɩ tɩbɛ, nɩ a bɛ bãwfʋ, nɩsaal bʋ̃-maalɩ n'ɩ à á ŋá za. Ɛcɛ a al ƴãw n'a bɛ mɩ́ yel: «A fɛr'a kɛ́ tɩ maalɩ bàwr kʋ̀ a!» Nɩsaalbɛ pãa mɩ́ wa nyɔw nadeli kɔ́rɛ mɔwrɛ, nyɩ maal'a ŋmɛ ɛ!

Sofoni 2:2

ɛ́ wa bãw ɩ mɛ̃ a ùr na mɩ́ bɔr bibi-been a, ɛ́ a Sore su-tʋlʋ-kpãkpã wa bãw páw nyɩ, ɛ́ a bibir ʋl a suur ŋa na na ìr a, wa bãw vɩɛ.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Zã 5:23

kɛ́ nɩbɛ za ƴãwnɛ a Bie, mɛ̃ a lɛ bɛ na ƴãwnɛ a Sãà a. Nɩr bɛ wa ƴãwnɛ a Bie a, ʋ mɩ̀ bɛ ƴãwnɛ a Sãà na tõ a Bie a ɩ.

Ʋrɔm 10:11

Bʋ̃ʋ n'ʋ vɛ̃, a Sɛb-sõw yere nɩ à ŋá: «Sob nɛ za na sàw de ʋ a, ʋ kʋ̃ nyɛ̃ vĩ ɛ.»

Ʋrɔm 9:33

a kʋsɩɛr ʋl a Sɛb-sõw na yere à ŋá a: «Mãa n'ɩ ŋan ƴãwnɛ gbɛ-ŋmɛ-kʋsɩɛr a Sɩyɔ̃ tẽw pʋɔ, pìir kʋsɩɛr na ɩrɛ bɛ lore a. Ɛcɛ sob nɛ na sàw de ʋ a, ʋ kʋ̃ nyɛ̃ vĩ ɛ.»

Efɛɛzɩ 1:12

A na ɩ à ŋá a, nyɩ ɩ tɩ danɛ a Naaŋmɩn yúor-vɩɛlʋ-danʋ, tɩɩm na ɩ a de niwn dem na ƴãw a tɩ tɩɛrʋ a Kɩrɩta ƴãw a.

1 Pɩɛr 1:21

A ʋl ƴãw n'a nyɩ sàw de a Naaŋmɩn na ɩ k'ʋ lɛb yi a kũuni pʋɔ ɛ́ kʋ̀ ʋ a yúor-vɩɛlʋ-danʋ a. À ŋá n'a nyɩ sàw de a Naaŋmɩn ɛ́ ƴãw a nyɩ tɩɛrʋ za a ʋ ƴãw.

1 Pɩɛr 2:6

Lɛ so bɛ sɛb a Sɛb-sõw pʋɔ kɛ́: «Mãa n'ɩ ŋa n ƴãwnɛ dacĩ-goraa kʋsɩɛr a Sɩyɔ̃ tẽw pʋɔ, kʋsɛ-yúor ɩ̃ na kaa ír a. Ʋlɩ sob na de a ʋ tɩɛrʋ ƴãw a ʋ ƴãw a, ʋ kʋ̃ nyɛ̃ vĩ ɛ.»

1 Samɩɛl 10:1

A Samɩɛl tɩ de nɩ a kãá nɩ a kole ʋ na tɩ tɛr a, cir ƴãw a Sawul zũú, ɛ́ nyɔw ʋ weri ɛ́ yel: «A Sore tɔr za bɛ n'ʋ ka a nũu ƴãw fʋ, kɛ́ fʋ ɩ a ʋ nɩ-bʋʋrɛ nɩ-kpɛ̃ɛ ɩ?