Sɛb-sõw yielu 19:7 - A SƐB-SÕW

⁷ Ʋ mɩ́ pur'ɩ tẽw-tʋra ŋa ƴãw, ɛ́ zɔ tɩ sãá tẽw-tʋra ŋa ƴãw, ɛ́ a ʋ tʋlʋ bɛ jɩɩrɛ bom za bɛrɛ ɩ.

Sɛb-sõw yielu 19:7 ပူးပေါင်းရင်းမြစ်များ

Sɛb-sõw yielu 119:130

A fʋ ƴɛ̀rʋ bãwfʋ waar'ɩ nɩ cãà, ʋ mɩ́ kʋ̀ n yã a nɩbɛ na bɛ tɛr a mɩnɛ kãw a.

Sɛb-sõw yielu 111:7

Yel za ʋ na maalɛ a mɩ́ ɩ n yel-mɩŋa ɛ́ tu sɔ́r, a ʋ nɛ-ƴãwnɩ za sɛwnɩ nɩ deb.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

Zʋkpaɩ 1:4

A mɩ́ ɩ n a bɛlɩ dem na bɛ bãw bom a, bɛ tɛr maal-ɩrɛ. A mɩ́ kʋ̀ n bãwfʋ a pɔlbili ɛ́ mɩ́ sõw bɛ bɛ tɛr tɩɛrʋ.

Sɛb-sõw yielu 23:3

Ʋ mɩ́ lɛb'a kʋ̀ m fãw, sɛ́ɛ na vɩɛl a pʋɔ n'a ʋ tuur'ɩ mɛ̃, ʋ na nɔ̃w a lɛ a ƴãw.

Sɛb-sõw yielu 119:105

A fʋ ƴɛ̀rʋ ɩ n fɩ̃tɩlɛ na caalɛ a ɩ̃ gbɛ́ɛ binu zie a, nɩ cãà na caalɛ a ɩ̃ sɔ́r a.

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

Sɛb-sõw yielu 93:5

A fʋ nɛ-ƴãwnɩ ɩ n yel-mɩŋa a za. A sonu n'a sɛw taa nɩ a fʋ yir, Sore e, lɛn daar za a tẽ-daa na na cãà a.

2 Timote 1:8

Lɛ so, ta zɔrɛ vĩ a tɩ Sore dãsɩɛ dɩb ƴãw ɛ. A mãa mɩ̀ na be a gaso pʋɔ a ʋ yúor ƴãw a, a ta ɩrɛ fʋ vĩ ɛ. Nɩ̃ɛ vɛ̃ kɛ́ sàw lãw nɩ mɛ̃ wone a tuo nɩ Naaŋmɩn fãw, a Yel-nʋ̃ɔ̀ ƴãw.

Ɩzayi 8:20

nyɩ na sɔw na: «A wulu nɩ a Sore ƴɛ̀rʋ lɛb-deb'a fɛrɛ.» Nɩr bɛ wa ƴɛ̀r à à ŋá a, ʋ kʋ̃ nyɛ̃ a zi-wɛl-paala ɩ.

Zakɩ 1:17

bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.

Ʋrɔm 15:4

A yele al za na sɛb a Sɛb-sõw pʋɔ a koro za a, tɩɩm wulu ƴãw n'a a sɛb, k'aa su-nyɔwra nɩ a mɔwlʋ a na kʋ̀rɛ tɩ a zũú, tɩ tʋ̃ɔ́ tɛr a tɩɛrʋ a Naaŋmɩn ƴãw.

Sɛb-sõw yielu 119:111

A lɛ fʋ na yel a ɩ n na-bom kʋralɛ a ɩ̃ zie, a mɩ́ ɩ na k'ɩ̃ tɛr su-nʋ̃ɔ̀.

Zozue 1:8

A wulu sɛbɛ ŋa ƴɛ̀r-bie kʋ̃ yi zaa a fʋ nʋɔrɩ́ ɛ. Tɛr a tɩ́ɛrɛ mʋ̃tɔ̃w nɩ tɩ̃ɩsɔw za, kɛ́ fʋ tʋ̃ɔ́ ƴãw fãw ɩrɛ mɛ̃ a lɛ na sɛb a wulu sɛbɛ pʋɔ a, lɛ n'a a fʋ yele za na mɩ́ tu vla vla za.

Nɩ-toni 10:43

A naaŋmɩn-ƴɛ̀r-manbɛ za dɩ n a dãsɩɛ ŋa a ʋ ƴãw: nɩr za, na sàw de a ʋ yele a, na páw nɩ a yel-bebe suur a ʋ yúor ƴãw.»

Sɛb-sõw yielu 119:72

A wulu na yi a fʋ nʋɔrɩ́ a, vɩɛl'ɩ a ɩ̃ zie zuo salm-zɩɛ nɩ salm-pla libie tu-tu-túr.

Sɛb-sõw yielu 18:30

Fʋ̃ʋ n'ʋ ɩ̃ mɩ́ lãwnɩ ƴaw gãw a bɔw, a fʋ̃ʋ ɩ̃ Naaŋmɩn zũú n'a ɩ̃ na tʋ̃ɔ́ ƴaw gãw a dacĩ-kpɛ̃ɛ.

A Zɔb sɛbɛ 23:12

Ɩ̃ tu n a ʋ nɛ-ƴãwnɩ bɛ cɛ ɩ, ɩ̃ nɔ̃w nɩ a lɛ ʋ na mɩ́ yel a, zuo a lɛ a mãa na mɩ́ bɔbr a.

Ʋrɔm 12:2

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

Sɛb-sõw yielu 119:24

A lɛ fʋ na mɩ́ yel a ɩrɛ mɛ̃ nɩ nʋ̃ɔ̀, alɛ n'a wule mɛ̃ a yã.

Sɛb-sõw yielu 119:14

Nʋ̃ɔ̀ mɩ́ ɩrɛ mɛ̃ na, ɩ̃ na mɩ́ tuur a lɛ fʋ na yel a, a mɩ́ ɩ na mɛ̃ ɩ̃ tɛr'ɩ a tẽ-daa na-bome za a.

Zã 5:39

Nyɩ ƴãw nɩ fãw vuole a Sɛb-son pʋɔ, nyɩ na tɩɛrɛ kɛ́ be n'a nyɩ na páw a nyɔ-vʋʋrʋ na be kʋralɛ a, ɛ́ alɛ n'a dɩrɛ a ɩ̃ dãsɩɛ.

Ɩzayi 8:16

Ɩ̃ maal'a bine a ɩ̃ ƴɛ̀rʋ sɛbrʋ, ɩ̃ kpàrɛ nɩ a wulu a na sɛw k'ɩ̃ɩ lʋɔrɩ tɩr a bɛrɛ: a ɩ̃ po-tuurbɛ tɛwr nɛbɛ ɩ̃ dier a kʋ̀rɛ.

Sɛb-sõw yielu 119:152

Koro za n'a ɩ̃ bãwnɩ k'aa lɛ fʋ na yel a be n be kʋralɛ.

Sɛb-sõw yielu 119:9

Ŋmɩŋmɩn n'a pɔlbile na ɩrɛ a ʋ cenu vɩɛl? — Ʋlɛ wa sàwr a fʋ ƴɛ̀rʋ a n'a, Sore e.

2 Samɩɛl 23:5

Nyɛ̃ a lɛ a Naaŋmɩn na ɩ a ɩ̃ yir ƴãw a: ʋ bin nɩ wõ-taa na bɛ tɛr baarʋ a, mãa nɩ a ʋl cará, ʋ bin ʋ na nɩ tub na gù ʋ a. A yele za pʋɔ a, ʋ mɩ́ ɩ na ɩ̃ zɛb tʋ̃ɔ́, ʋ mɩ́ maal'ɩ a ɩ̃ pʋ-tɩɛrʋ.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Ʋrɔm 3:2

A tɔnɛ bɛ dɩ vuo ɩ, a za lɛ pʋɔ. A dãw-niwn sob a, Zifʋ mɩnɛ nɛbɛ a Naaŋmɩn ƴɛ̀r a ʋ ƴɛ̀rʋ kʋ̀ kɛ́ bɛ maal tɛr.