Sɛb-sõw yielu 18:3 - A SƐB-SÕW

³ A ɩ̃ Naaŋmɩn ɩ n pìir, ɩ̃ na mɩ́ taw lanɩ a yel-faar daar a, zɛbr-kur-pãgala na mɩ́ piw mɛ̃ a, fãw na faarɛ mɛ̃ a, zɛbr-yir-kpɛ̃w pʋɔ ɩ̃ na mɩ́ nyɛ̃ faafʋ a. Ʋl zie n'a ɩ̃ mɩ́ sɔwlɩ, a po-to-fãw dem bɛ tʋ̃ɔ́ páw mɛ̃ ɩ.

Sɛb-sõw yielu 18:3 ပူးပေါင်းရင်းမြစ်များ

2 Samɩɛl 22:4

A Sore, ʋ tɛr danʋ! Mãa wa bʋɔlɛ ʋ wa báarɛ a, ʋ mɩ́ faa mɛ̃ nɩ a ɩ̃ dɔ̃ dem nuru pʋɔ.

Neemi 9:5

Al pùorí, a levitɩ bɛ ŋa: Yesua, Kadɩmɩɛl, Bani, Hasavɩneya, Serevɩa, Hodiya, Sevanɩa nɩ Petaya tɩ yel'ɩ kpɛ̃w kpɛ̃w za: «Nyɩ ìr àr! Nyɩ puore a Sore nyɩ Naaŋmɩn yãanɩ kʋralɛ, ɛ́ taa bɛrɛ ɩ!» «Sore e, ŋa za, ʋ mɩ́ puore fʋ yãanɩ, fʋ na ɩ yúor-vɩɛlʋ-danʋ tɛwr'a ƴãw, fʋ ɩ n kpɛ̃ɛ zuo yãanɩ puoru za nɩ danʋ za!

Sɛb-sõw yielu 144:1

Daviir so ʋ. A Sore, ɩ̃ pìir, ʋlɛ so yãanɩ, ʋl na zanɛ nɩ mɛ̃ a mɔb ɛ́ cɔbrɛ mɛ̃ a zɛbr ƴãw a.

Sɛb-sõw yielu 145:3

A Sore ɩ n kpɛ̃ɛ ɛ́ sɛwnɩ danʋ yaga za, nɩr kʋ̃ tʋ̃ɔ́ bãw a lɛ ʋ na ɩ kpɛ̃ɛ sɛw a ɩ.

Sɛb-sõw yielu 3:4

Ɛcɛ fʋ̃ʋ a, Sore e, fʋ̃ʋ n'ɩ a ɩ̃ zɛbr-kur-pãgala na piw mɛ̃ tɛr a, fʋ̃ʋ n'ɩ a ɩ̃ yúor bom, a sob nɛ na mɩ́ ɩ ɩ̃ zɛw zu a.

Sɛb-sõw yielu 31:4

Fʋ̃ʋ sɩrɩ n'ɩ a ɩ̃ pìir nɩ a ɩ̃ zɛbr-yir-kpɛ̃w. Fʋ na tɛr mɛ̃ na cere nɩ, ɛ́ wule mɛ̃ a sɔ́r, a fʋ yúor zũú.

Sɛb-sõw yielu 48:1

Yielu. Koore bibiir yielu. Sɛb-sõw yielu.

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

Sɛb-sõw yielu 55:16

A ɩ̃ dɔ̃ dem, bɛ ùr kpi! Bɛ cãà vʋʋrɛ ɛ́ siw a kpɩmɛ tẽw, a po-tuolu na be a bɛ zie nɩ a bɛ yie pʋɔ a ƴãw.

Sɛb-sõw yielu 62:3

ʋl yõ n'ɩ a ɩ̃ pìir, a ɩ̃ faafʋ, a ɩ̃ zɛbr-yir-kpɛ̃w, ɩ̃ kʋ̃ dam damnʋ ɛ.

Sɛb-sõw yielu 62:8

A ɩ̃ faafʋ nɩ a ɩ̃ vɩɛlʋ yi n a Naaŋmɩn zie. A ɩ̃ pì-kpɛ̃w nɩ a ɩ̃ sɔwlʋ zie a, a Naaŋmɩn n'ʋ.

Sɛb-sõw yielu 71:3

Ɩ a pì-kpɛ̃w ɩ̃ na mɩ́ taw lanɩ a, zɛbr-yir-kpɛ̃w pʋɔ ɩ̃ na mɩ́ nyɛ̃ a faafʋ a. Fʋ̃ʋ sɩrɩ n'ɩ a ɩ̃ pìir, a ɩ̃ zɛbr-yir-kpɛ̃w.

Sɛb-sõw yielu 76:4

Be n'a ʋ kár a zɛbr bome bɛr: a pime, a zɛbr-kur-pãgalɩ nɩ a kafine. Tɛw-àrʋ

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

Sɛb-sõw yielu 91:2

ʋ mɩ́ yel'ɩ a Sore: «Fʋ̃ʋ n'ɩ a ɩ̃ zɛbr-yir-kpɛ̃w, a ɩ̃ sɔwlʋ zie, fʋ̃ʋ n'ɩ a ɩ̃ Naaŋmɩn, ɩ̃ ƴãw nɩ a ɩ̃ tɩ́ɛrʋ a fʋ ƴãw.»

Sɛb-sõw yielu 96:4

A Sore sɩrɩ na ɩ kpɛ̃ɛ ɛ́ sɛwnɩ kɛ́ bɛ danɛ ʋ, bɛ́ zɔrɛ ʋ, ʋ na gãw a ŋmɩmɛ za a.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Luka 1:71

k'ʋʋ na faa tɩ nɩ a tɩ dɔ̃ dem nuru pʋɔ, nɩ a nɩbɛ na hɩ̃ɛn tɩ a nuru pʋɔ.

Nɩ-toni 2:21

Lɛ n'a, sob nɛ za nãà wa bʋɔlɛ a Sore a na nyɛ̃ a faafʋ.”»

Yel-wula 4:11

«Sore tɩ Naaŋmɩn i, fʋ sɛw na na nyɛ̃ danʋ, ƴãwfʋ nɩ kpɛnʋ. Bʋ̃ʋ n'ʋ vɛ̃, fʋ̃ʋ n'ʋ ír a bome za, fʋ sàw na k'aa be, ɛ́ ír a.»