Sɛb-sõw yielu 18:2 - A SƐB-SÕW

² Ʋ tɩ yel a: Sore e, ɩ̃ nɔnɛ fʋ na, fʋ̃ʋ n'ɩ a ɩ̃ fãw.

Sɛb-sõw yielu 18:2 ပူးပေါင်းရင်းမြစ်များ

2 Samɩɛl 22:3

A ɩ̃ Naaŋmɩn ɩ n pìir, ɩ̃ na mɩ́ taw lanɩ a yel-faa daar a, Zɛbr-kur-pãgala na mɩ́ piw mɛ̃ a, zɛbr-yir-kpɛ̃w pʋɔ ɩ̃ na mɩ́ nyɛ̃ faafʋ a. Ʋl zie n'a ɩ̃ mɩ́ sɔwlɩ, a po-to-fãw dem bɛ tʋ̃ɔ́ páw mɛ̃ ɩ.

Sɛb-sõw yielu 116:1

Ɩ̃ nɔnɛ nɩ a Sore, ʋ na mɩ́ bɛr wõ m mãa wa bʋɔlɛ ʋ a.

Sɛb-sõw yielu 132:17

A Sɩyɔ̃ tẽw pʋɔ ka a, ɩ̃ na ɩ na nãà na tɛr kpɛnʋ a yi, ʋ yi a Daviir yir pʋɔ. Ɩ̃ na ɩ na a ɩ̃ nɩ-kabra lɩɛrɛ be a ʋ pʋɔ kʋralɛ, ɩ mɛ̃ fɩ̃tɩlɛ vũu na 'lere a.

Sɛb-sõw yielu 144:2

Ʋlɛ n'ɩ a ɩ̃ maal-maalɛ nɩ a ɩ̃ zɛbr-yir-kpɛ̃w, a zie na kɛrɩ ɩ̃ mɩ́ sɔwlɩ a, nɩ a ɩ̃ faarɛ, ʋlɛ n'ɩ a zɛbr-kur-pãgala na mɩ́ piw mɛ̃ a, nɩ a ɩ̃ taw-lanʋ zie. Ʋlɛ n'ʋ mɩ́ dĩ nɩ-bʋʋrɛ bin a ɩ̃ pile.

Sɛb-sõw yielu 19:14

Mɩ̀ gù a fʋ tõ-tõ-bie a pɔ̀lʋ dem ƴãw, bɛ taa wa nanɩ tʋ̃ɔ́nɛ mɛ̃ ɩ. Lɛ n'a ɩ̃ kʋ̃ tɛr sãwna ɩ, ɛ́ yel-bier-kpɛ̃ɛ dɛwr kʋ̃ be ɩ̃ zie ɩ.

Sɛb-sõw yielu 28:1

Daviir so ʋ. Sore e, fʋ̃ʋ n'ʋ ɩ̃ kone bʋɔlɛ. Fʋ̃ʋ, ɩ̃ pìir i, ta ɩ gbili ɛ! Fʋ̃ʋ wa ɩ gbili a ɩ̃ kon ƴãw a, ɩ̃ na ŋmɛ̃ na mɛ̃ a bɛlɩ dem na lɛb lɩɛbɛ uuru a.

Sɛb-sõw yielu 59:11

A ɩ̃ Naaŋmɩn na ɩ nɩ-vla vla a, tuore mɛ̃ na, ʋ na ɩ na ɩ̃ nyɛ̃ a bɛlɩ dem na jɩɛrɛ mɛ̃ a.

Sɛb-sõw yielu 62:2

Naaŋmɩn yõ zie n'a a ɩ̃ pɩ̃ɛnʋ be, ʋl zie n'a a ɩ̃ faafʋ yire,

Sɛb-sõw yielu 62:7

Ʋl yõ n'ɩ a ɩ̃ pìir, a ɩ̃ faafʋ, a ɩ̃ zɛbr-yir-kpɛ̃w, ɩ̃ kʋ̃ dam damnʋ ɛ.

Sɛb-sõw yielu 75:10

Ɛ́ mãa a, ɩ̃ na yiele nɩ a Zakɔb Naaŋmɩn ƴãw kʋralɛ, ɩ̃ na yere nɩ à à ŋá ʋ na yel a:

Sɛb-sõw yielu 91:2

ʋ mɩ́ yel'ɩ a Sore: «Fʋ̃ʋ n'ɩ a ɩ̃ zɛbr-yir-kpɛ̃w, a ɩ̃ sɔwlʋ zie, fʋ̃ʋ n'ɩ a ɩ̃ Naaŋmɩn, ɩ̃ ƴãw nɩ a ɩ̃ tɩ́ɛrʋ a fʋ ƴãw.»

Sɛb-sõw yielu 91:4

Ʋ mɩ́ yɛ́r'ɩ a ʋ pɩgɛ pàw fʋ, ɛ́ fʋ nyɛ̃ sɔwlʋ zie a ʋ zie. A ʋ yel-mɩŋa sɩrɩ na piw fʋ tɛr, mɛ̃ zɛbr-kur-pãgala a.

Eziptɩ tẽw yib 15:2

A Sore so a ɩ̃ fãw nɩ a ɩ̃ yielu, ʋl ƴãw n'a ɩ̃ nyɛ̃ a faafʋ. Ʋlɛ n'ɩ a ɩ̃ Naaŋmɩn, ɩ̃ na danɛ ʋ a na. Ʋlɛ n'ɩ a ɩ̃ sãà Naaŋmɩn, ɩ̃ na zɛwr ʋ na.

Zʋkpaɩ 18:10

A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

Zʋkpaɩ 2:7

Ʋ mɩ́ sõw nɩ a nɩsaal-dẽdẽ mɩnɛ. Ʋ ɩ na mɛ̃ zɛbr-kur-pãgala a, a bɛlɩ dem na ɩrɛ vla a zie.

Ɩzayi 32:2

A bɛ kãw za na ɩ na mɛ̃ pib zie a, a sɛsɛb ƴãw, mɛ̃ taw-lanʋ zie a, a saa ƴãw, mɛ̃ bàa kʋ̃ɔ na zɔrɛ tẽ-kõw pʋɔ a, mɛ̃ pì-kpɛ̃ɛ ɓaarʋ tẽ-tʋlʋ pʋɔ a.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Ebre 2:13

Ʋ mɩ̀ cãà na yel: «Ɩ̃ na ƴãw nɩ a ɩ̃ tɩɛrʋ a fʋ ƴãw.» Nɩ kɛ́: «Mãa n'ɩ ŋan, mãa nɩ a ɩ̃ bibiir a Naaŋmɩn na kʋ̀ m a.»