Sɛb-sõw yielu 15:3 - A SƐB-SÕW

³ Ʋ bɛ manɛ a ʋ taabɛ yel-faar ɛ, ʋ bɛ malɛ a ʋ tɔ ɩ, ɛ́ bɛ ƴãwnɛ a ʋ kpɛ-pɩɛl vĩ ɛ.

Sɛb-sõw yielu 15:3 ပူးပေါင်းရင်းမြစ်များ

Zʋkpaɩ 22:10

Diw a bɛlɩ dem na mɩ́ ɩrɛ bom za laar a, ɛ́ a zɛb-taa na tɛw na. Taw-taa nɩ tʋ-taa kʋ̃ cãà be ɩ.

Zʋkpaɩ 25:3

Tɩ kʋ̃ tʋ̃ɔ́ bãw a salom kɛrʋ nɩ a tẽsɔw zulu ɛ. Lɛ mɩ̀ n'a tɩ mɩ̀ kʋ̃ tʋ̃ɔ́ bãw a na-mɩnɛ socie ɩ.

Ɩzayi 56:2

Zu-nʋ̃ɔ̀ sob'ɩ a nɩr ʋl na ɩrɛ a lɛ ɩ̃ na yel a, a nɩr ʋl na tɛr ʋ kpɛ̃w kpɛ̃w za a, a nɩr ʋl na mɩ́ maal tɛr a pɩ̃ɛnʋ-bibir vla, ɛ́ bɛ sàw a ʋ nũu na tõ tõ-faa kãw za a!»

Levitɩ mɩnɛ 19:16

Nyɩ taa tɛrɛ gɛgɛrʋ a nyɩ tẽ-bi-taabɛ zie ɩ. Nyɩ taa ŋmarɛ ziri ƴãwnɛ nɩr bɛ ƴãwnɛ ʋ kũu dɔwrʋ ɛ. Mãa n'ɩ a Sore.»

Matie 7:12

A na ɩ lɛ a, bom nɛ za nyɩ na bɔbr k'aa nɩbɛ ɩrɛ a nyɩ zie a, nyɩ mɩ̀ ɩrɛ a bɛ zie: a Wulu na be a Moyiir wulu sɛbɛ pʋɔ nɩ a naaŋmɩn-ƴɛ̀r-manbɛ sɛbr pʋɔ a n'ɩ à ŋà.»

Ʋrɔm 1:30

ɛ́ manɛ a bɛ taabɛ yele. Naaŋmɩn dɔ̃ dem nɛbɛ, zɛb-ŋmarbɛ, pɔ̀lʋ dem, nɩbɛ na mɩ́ pɔrɛ zawlalɛ a, nɩbɛ na tɛr yã a yel-faar maalʋ ƴãw a, na bɛ sàwr a bɛ dɔwrbɛ nʋɔr a.

Ʋrɔm 12:17

Nyɩ ta yarɛ nɩr kãw za yel-faa san ɛ. Nyɩ ƴãw fãw ɩrɛ a vla a nɩsaalbɛ za niŋé.

Ʋrɔm 13:10

Nɔ̃wfʋ bɛ maalɛ faa kãw za tɔ zie ɩ. Lɛ so, fʋ̃ʋ wa nɔnɛ a fʋ tɔ a, fʋ sàw nɩ a Naaŋmɩn wulu ʋ za.

Títɩ̀ 3:2

Kɛ́ bɛ ta tʋʋr nɩr za ɩ, kɛ́ bɛ ciir nɔhaarʋ ɛ́ tɛr su-ɓaarʋ ɩb, ɛ́ ɩ nɩsaal-bàalʋ kʋralɛ a nɩbɛ za zie.

Zakɩ 4:11

Yɛbr i, nyɩ ta mɩ́ manɛ taa yel-faar ɛ. Ʋlɩ sob na manɛ a ʋ yɛb yel-faar, ɛ́ bãwnɛ a ʋ sãwna a, ʋ sãwnɛ nɩ a Naaŋmɩn wulu yúor, ɛ́ bãwnɛ a Naaŋmɩn wulu yele. Ɛcɛ fʋ̃ʋ wa dɩrɛ nɩ a Naaŋmɩn nʋɔr ƴɛ̀rʋ a, fʋ bɛ ɩ a Naaŋmɩn nʋɔr nɔ-sàwrɛ ɩ, fʋ ɩ n a ʋ ƴɛ̀r-dɩrɛ.

3 Zã 1:11

Ɩ̃ bá-nɔna a, ta cɔwrɛ a yel-faa ɩ, cɔwrɛ a yel-vla. Sob nɛ na ɩrɛ vla a ɩ n Naaŋmɩn nɩ-sora, ɛ́ sob nɛ na maalɛ faa a bɛ bãw a Naaŋmɩn ɛ.

1 Samɩɛl 24:11

A dɩ̃a a, fʋ mɩŋa za nyɛ̃ a na nɩ fʋ mimir, k'aa Sore tɩ de b'a ƴãw a ɩ̃ nuru pʋɔ a tãw bɔw ŋa pʋɔ. Bɛ tɩ yel k'ɩ̃ɩ kʋ b, ɛcɛ ɩ̃ zɔ n fʋ nɩbaalʋ ɛ́ yel: “Ɩ̃ bɛ zɛwr nũu tʋɔr'ɩ a ɩ̃ nãà ɩ, bʋ̃ʋ n'ʋ vɛ̃, a Sore nɩ-kabra n'ʋ.”