Sɛb-sõw yielu 146:8 - A SƐB-SÕW

⁸ a Sore mɩ́ ɩ na a zɔn lɛb nyɛrɛ, a Sore mɩ́ nyɔw nɩ a bɛlɩ dem na bɛ tɛr fãw a, bɛ lɛb ìr, a Sore nɔnɛ nɩ a nɩ-mɩn.

Sɛb-sõw yielu 146:8 ပူးပေါင်းရင်းမြစ်များ

Sɛb-sõw yielu 11:7

Bʋ̃ʋ n'ʋ vɛ̃, a Sore ɩ n nɩ-mɩŋa, ʋ nɔnɛ nɩ yel-mɩnʋ za, ɛ́ a nɩsaal-dẽdẽ mɩnɛ na nyɛ̃ nɩ a ʋ niwn.

Sɛb-sõw yielu 145:14

A Sore mɩ́ tɩɛ nɩ a bɛlɩ dem na lore a tɛr, ɛ́ nyɔw a bɛlɩ dem na bɛ tɛr fãw a bɛ lɛb ìr.

Sɛb-sõw yielu 147:6

A Sore mɩ́ nyɔw nɩ a bãbàalbɛ bɛ lɛb ìr, ɛ́ siwri a nɩ-faar tɩ tɔ n a tẽw.

Ɩzayi 35:5

Lɛ n'a a zɔn na nyɛrɛ, ɛ́ a won wone.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Ɩzayi 42:18

Nyɩɩm won i, nyɩ bɛrɛ wone! Nyɩɩm zɔn i, nyɩ jɩ́r nyɛ̃!

Matie 11:5

a zɔn nyɛrɛ na, a wʋbr cere dẽdẽ, a kɔn lɛb vɩɛl, ɛ́ a won wone, a kũuni lɛbr yire, ɛ́ a Yel-nʋ̃ɔ̀ hieri ta a nan dem.

Matie 9:30

Ɛ́ a bɛ mimie tɩ nyɛrɛ. Al pùorí, a Yeezu tɩ yel bɛ na lãwnɩ tanʋ za: «Nyɩ gù vla taa ɩrɛ nɩr za wa bãwnɩ a ɩ!»

Zã 16:27

a Sãà tɔr za nɔnɛ nyɩ na, nyɩ na nɔ̃w mɛ̃ ɛ́ sàw de k'ɩ̃ɩ yi n a Naaŋmɩn zie a ƴãw.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

2 Korɛ̃tɩ 7:6

Ɛcɛ Naaŋmɩn na mɔwlɛ a bɛlɩ dem na mɩ́ siwre bɛ tʋɔra a, ʋ mɔwlɩ tɩ nɩ a Títɩ̀ waa pʋɔ.

Efɛɛzɩ 1:18

Ʋ sàw caalɩ a nyɩ socie nɩ a ʋ cãà, nyɩ tʋ̃ɔ́ bãw a tɩɛrʋ ʋl a ʋ bʋɔlʋ na ɩ kɛ́ nyɩ tɛr a, nɩ a ʋ gbã-dɩ-bom na vɩɛl bɛ tɛr tɔ, ʋ na cɔbrɩ cɛlɛ nɩ a ʋ nɩ-sori a.

Wulu-ayi-sob 33:3

A Sore nɔnɛ nɩ a Ɩsɩrayɛl dɔwlʋ, ʋ gùre nɩ a bɛlɩ dem za ʋ na so, ɛ́ bɛ mɩ́ ɓã taa a ʋ pile, kɛ́ bɛ de a ʋ wulu a.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.