Sɛb-sõw yielu 146:4 - A SƐB-SÕW

⁴ Bɛlɛ wa kpi a, bɛ mɩ́ lɛb'a lɩɛbɩ tanɛ, ɛ́ a bɛ tɩɛrʋ mɩ̀ wɛ a ʋlɩ bibir.

Sɛb-sõw yielu 146:4 ပူးပေါင်းရင်းမြစ်များ

Yele-za-pɛr-tib 2:7

A Sore Naaŋmɩn tɩ de nɩ a tẽsɔw tã-buulu mɛ n a nɩsaal, ɛ́ pɛblɩ a nyɔ-vʋʋrʋ pɩɛlʋ ƴãw a ʋ nyɔbɔgɛ pʋɔ, a nɩsaal lɩɛbɩ bʋ̃-vʋʋra.

Yele-za-pɛr-tib 3:19

A fʋ niwn na mɩ́ ɩ n hanʋ mɛb, ɛ́ fʋ páw a fʋ nʋɔr-dɩb, ɛ́ gù fʋ wa tɩ lɛb kpɛ a tẽsɔw pʋɔ, ʋl pʋɔ na n'a fʋ yi a! Bʋ̃ʋ n'ʋ vɛ̃, fʋ ɩ n úuru, ɛ́ na lɛb lɩɛbɩ a úuru.»

Yele-za-pɛr-tib 6:17

Mãa ƴãw a, ɩ̃ na ɩ na a Kʋ̃ɔ-paalʋ-kpɛ̃ɛ kʋ̃ɔnɩ paalɩ pàw a tẽw, kʋ bʋ̃-vʋʋra za na be a salom pile a. Bom za na be a tẽw zu a na kpi na.

A Zɔb sɛbɛ 14:10

Ɛcɛ a nɩsaal mɩ́ kpi na a ʋ fãw baarɩ. Ʋlɛ wa ŋmãa vʋʋrʋ a, nyɩn lowr'a ʋ pãa mɩ́ be a?

A Zɔb sɛbɛ 14:21

A ʋ bibiir nyɛrɛ nɩ ƴãwfʋ bɩɩ? Ʋ bɛ bãwnɩ a. Bɛ ɩrɛ bɛ na laar bɩɩ? Ʋ bɛ bãw ɛ.

A Zɔb sɛbɛ 17:1

Vʋʋrʋ ŋmaar mɛ̃ na, a ɩ̃ nyɔ-vʋʋrʋ bibie báarɛ na, yàa-bɔw yuo na gã a ɩ̃ ƴãw.

A Zɔb sɛbɛ 17:11

A ɩ̃ nyɔ-vʋʋrʋ baar'a, a lɛ za ɩ̃ na tɩ bɔbr k'ɩ̃ɩ ɩ a sãw na, a ɩ̃ tɩɛrʋ wɛ na!

A Zɔb sɛbɛ 27:3

lɛn daar za ɩ̃ na na cãà tʋ́ɔr vʋʋrɛ a, ɛ́ a Naaŋmɩn pɩɛlʋ yire a ɩ̃ nyʋɔrɩ́ a,

Sɛb-sõw yielu 104:29

Fʋ mɩ́ sɔwl'ɩ a fʋ niwn, pʋl-vʋ̃ɔ nyɔw a. Fʋ mɩ́ lɛb'a de a vʋʋrʋ, a ŋmãa vʋʋrʋ, lɛb lɩɛbɩ a tanɛ a na dãw ɩ a.

Sɛb-sõw yielu 33:10

A Sore mɩ́ ŋmɛ n a lɛ a ten na bɔbr k'aa ɩ a lɔb, ʋ bɛ mɩ́ sàw a nɩ-bʋʋrɛ pʋ-tɩɛrʋ maalɩ ɛ.

Sɛb-sõw yielu 90:3

Fʋ mɩ́ ɩ na a nɩsaalbɛ lɛb lɩɛbɩ tanɛ, ɛ́ fʋ yel bɛ: «Nyɩ lɛb cen a be nyɩ na yi wa a.»

Ekilezɩasɩ 12:7

A nɩsaal ƴã-gan mɩ́ lɛb'a kpɛ a tẽw, a be ʋ na yi a, ɛ́ a vʋʋrʋ lɛb cen a Naaŋmɩn na n'ʋ tɩr ʋ a zie.

Ekilezɩasɩ 9:6

A bɛ nɔ̃wfʋ, a bɛ hɩ̃ɛnʋ, a bɛ nyuur lãwnɩ bɛ na bɔr. Bɛ bɛ be za na lɛb pʋɔ yel kãw za na ɩrɛ a tẽw zu ka a pʋɔ ɩ.

Ɩzayi 2:22

A na ɩ à ŋá a, nyɩ bɛr a nɩsaal, pɩɛlʋ tɛwr'ʋ a nyɔbɔwɛ pʋɔ. A ʋ pɛr pãa n'ɩ bo a?

A Lãw-mʋɔlɛ 4:20

A sob nɛ na tɩ so kɛ̀ tɩ vʋʋrɛ a, a nɩr nɛ a Sore na tɩ ƴãw bɛ cir a kãá ƴãw a zũú a lo n a bɛ bɛrɩ pʋɔ. A ʋl ƴɛ̀rʋ n'a tɩ mɩ́ tɩ ƴɛ̀r à ŋá: «A ʋ gub zũú a, tɩ na vʋʋrɛ nɩ a nɩ-bʋʋr-yoru sɔgɔ.»

1 Korɛ̃tɩ 2:6

Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.