Sɛb-sõw yielu 145:2 - A SƐB-SÕW

² Bibie za n'a ɩ̃ na puore fʋ a yãanɩ, ɛ́ íre a fʋ yúor kʋrakʋralɛ.

Sɛb-sõw yielu 145:2 ပူးပေါင်းရင်းမြစ်များ

Yel-wula 7:15

Alɛ so bɛ àr a Naaŋmɩn naalʋ-dà-kɔw niŋé, ɛ́ ƴãwnɛ a Naaŋmɩn mʋ̃tɔ̃w nɩ tɩ̃ɩsɔw, a ʋ yir pʋɔ. A sob nɛ na zɩ̃ a naalʋ-dà-kɔw zu a na piw bɛ na tɛr.

Sɛb-sõw yielu 71:6

Fʋ̃ʋ n'ʋ tɩɛ mɛ̃ a ɩ̃ dɔwfʋ daarɩ́ za, fʋ̃ʋ n'ʋ ɩ k'ɩ̃ yi a ɩ̃ mã púorí. Fʋ̃ʋ só a ɩ̃ danʋ kʋralɛ.

Sɛb-sõw yielu 119:164

Ɩ̃ mɩ́ danɩ fʋ nɩ gb'a ayopõi a bibi-ɓil, a fʋ ƴɛ̀rʋ fʋ na mɩ́ dɩ a tu yel-mɩŋa a ƴãw.

Sɛb-sõw yielu 72:15

A nãà, ʋ vʋʋrɛ! Bɛ na kʋ̀ ʋ nɩ a Saba tẽw salm-zɩɛ, bɛ na puore na kʋ̀rɛ ʋ kʋralɛ. A Naaŋmɩn, ʋ maalɛ ʋ bibi-vɩɛrɩ za!

1 Bibie za yel-manɩ 16:37

A Daviir tɩ bɛr'ɩ a Asafʋ nɩ a ʋ taabɛ a Sore wõ-taa daga niŋé be, kɛ́ bɛ tʋ̃ɔ́ tone a bɛ tome kʋralɛ, mɛ̃ a lɛ a na cɔbrɩ bin bibir za ƴãw a.

Sɛb-sõw yielu 96:2

Nyɩ yiele danɛ nɩ a Sore, nyɩ íre a ʋ yúor. Nyɩ hiere yere a ʋ faafʋ bibir za na vɩɛrɛ a.

Sɛb-sõw yielu 146:2

Ɩ̃ na danɛ nɩ a Sore a ɩ̃ nyɔ-vʋʋrʋ daar za, ɩ̃ na yiele na danɛ nɩ a ɩ̃ Naaŋmɩn, lɛn daar za ɩ̃ na na cãà a.