4 Ɩ̃ bàl'a, a bɛ lɛb tɛr mɛ̃ ɩb za ɩ.
Nyɩ na tʋ̃ɔ́ na ŋmɛ gbãw de bi-kpieb, ɛ́ sàw nyɔw a nyɩ bá kʋɔrɩ!
Bãbàal na bɛ cãà tɛr fãw a puoru. A Sore n'ʋ ʋ kone a ʋ kpɩɛrʋ kʋ̀rɛ.
Lɛ n'a a kʋ̃ɔ miwr nãá ɓáw tɩ cen nɩ, a bà-fʋɔla kʋ̃ɔ nãá paalɩ pàw tɩ.
Ɩ̃ kone na kʋ̀rɛ ʋ, ɩ̃ manɛ nɩ a ɩ̃ kpɩɛrʋ kʋ̀rɛ ʋ.
Ɩ̃ na mɩ́ wa bàl bɛ cãà laar a, a fʋ̃ʋ a, fʋ mɩ́ bãw nɩ a be ɩ̃ na cere a. A sɔ́r ʋl zu ɩ̃ na cere a, bɛ ƴãw nɩ bɛra a ɩ̃ ƴãw.
Lɩɛb kaa mɛ̃ ɛ́ zɔ ɩ̃ nɩbaalʋ, Sore e, ɩ̃ yõ daadaa n'ʋ, ɛ́ lɛb ɩ bãbàal.
A ɩ̃ pʋ̀lá vʋ̃ɔ na, ɛ́ a kũu dɛ̃bɩ̃ɛ ɩrɛ mɛ̃.
Naaŋmɩn i, bɛr wõ a ɩ̃ cɛlsɩ, ƴãw tobr a ɩ̃ puoru ƴãw.
A ɩ̃ kpɩɛrʋ daar a, ɩ̃ mɩ́ bɔbr'ɩ a Sore, ɩ̃ mɩ́ ture nɩ a nuru cɔwr ʋ a tɩ̃ɩsɔw, ɛ́ kʋ̃ʋ bàl ɛ, ɛ́ bɛ sàwr bɛ na mɔwlɩ mɛ̃ ɩ.
Ɩ̃ tɩɛrɛ nɩ a koro kãw za bibie yele, ɩ̃ lɛb'a tɩɛrɛ a yome na tɔl a yele.
A pʋl-vʋ̃ɔ na tɩ nyɔw ʋ a, ʋ tɩ lɛb'a bãw puore kpɛ̃w za, ɛ́ a ʋ hanʋ tɩ ɩ mɛ̃ zɩ̃ɩ na ŋmarɛ lore a tẽsɔw a.]
