Sɛb-sõw yielu 141:4 - A SƐB-SÕW

⁴ Piw mɛ̃ tɛr, ɩ̃ ta lãw nɩ a yel-fa-maalbɛ ƴɛ̀rɛ ƴɛ̀r-faar bɩɩ maalɛ faa ɩ. Ɩ̃ bɛ bɔbr k'ɩ̃ɩ pʋɔ a bɛ nɔrʋ pʋɔ ɩ.

Sɛb-sõw yielu 141:4 ပူးပေါင်းရင်းမြစ်များ

Yele-za-pɛr-tib 27:14

A Zakɔb tɩ cen na tɩ nyɔw a bʋli wa n wa kʋ̀ a ʋ mã. Ʋ tɩ de a na maal'ɩ a bʋ̃-dɩ-nʋʋr al kãw a Ɩzaakɩ na nɔnɛ a.

1 Na-mɩnɛ 13:8

Ɛcɛ a Naaŋmɩn nɩr tɩ sɔw nɩ a nãà: «Fʋ̃ʋ mɩ̀ saa na kʋ̀ m a fʋ bʋ̃-tɛrɩ põ-zɛ̃-taa zie a, ɩ̃ bɛ kpɩɛr a fʋ yir ɛ, ɩ̃ bɛ 'wɔbr dipɛ̃, bɛ nyuur kʋ̃ɔ a ka ɩ.

1 Na-mɩnɛ 22:22

Ʋ sɔw: “Ɩ̃ na cen na tɩ ɩ ziri vʋʋrʋ ƴãw a nãà naaŋmɩn-ƴɛ̀r-manbɛ za nɛ̃ɛ́.” A Sore yel ʋ: “Tub na vɩɛl a ʋ bɛlʋ ƴãw a n'ʋ. Cen tɩ ɩ a lɛ.”

1 Na-mɩnɛ 8:58

k'ʋʋ ɩ a tɩ tɩɛrʋ a lɩɛbɩ tu ʋ, kɛ̀ tɩ ɩrɛ mɛ̃ a lɛ ʋ na bɔbr a, sàwr a nɛ-ƴãwnɩ, a wulu nɩ a tub ʋ na kʋ̀ a tɩ sãàkʋm-kore a.

Sɛb-sõw yielu 119:36

Ɩ a ɩ̃ socir nɔ̃w a lɛ fʋ na mɩ́ yel a, ʋ ta nɔ̃w a tɔnɛ ɩ.

Sɛb-sõw yielu 28:3

Ta sɔ́r mɛ̃ ƴãw a nɩ-faar pʋɔ nɩ a yel-fa-maalbɛ pʋɔ ɩ. Bɛ mɩ́ ƴɛ̀rɛ nɩ ƴã-ɓaarʋ ƴɛ̀rʋ a bɛ tɔ zie, ɛ́ a bɛ pʋɔ kpɛ faa.

Ɩzayi 63:17

Sore e, bʋ̃ʋ n'ʋ so fʋ bɛr tɩ tɩ bɔr zãá nɩ a fʋ sɔ́r, tɩ kpawlɩ a tɩ socie a bɛ zɔrɛ fʋ? Lɛb wa, fʋ na nɔnɛ tɩ a zũú, tɩɩm na ɩ a fʋ tõ-tõ-biir a, a nɩ-bʋʋrɛ fʋ na so a.

Sɔr-nɛ́ɛ 25:2

A pɔwbɛ bɛ ŋa tɩ bʋɔl'ɩ a Ɩsɩrayɛl nɩbɛ a bɛ ŋmɩmɛ bàwr maalʋ zie, bɛ tɩ dɩ a bàwr-maal-bome, ɛ́ puori a bɛ ŋmɩmɛ.

Matie 6:13

Ta sàw a bɛlʋ ta tɩ ɛ, ɛ́ faa tɩ a Faalʋ sob nuru pʋɔ. [Fʋ̃ʋ sɩrɩ so naalʋ nɩ kpɛnʋ nɩ danʋ, a yome yome za. Amɛn.]”

1 Korɛ̃tɩ 10:31

A na ɩ à ŋá a, dɩb'a nyɩ dɩrɛ bɩɩ nyub'a nyɩ nyúur a, bom nɛ za nyɩ na ɩrɛ a, nyɩ ɩrɛ a za a Naaŋmɩn yúor-vɩɛlʋ-danʋ ƴãw.

1 Korɛ̃tɩ 15:33

Nyɩ ta bɛ̀lɛ nyɩ tʋɔra ɩ: a tu-taa na bɛ vɩɛl a sãwnɛ nɩ a nyɔ-vʋʋr-vla bɛrɛ.

2 Korɛ̃tɩ 6:17

Alɛ so a Sore yere: «Nyɩ yi zaa a nɩbɛ bɛ ŋa pʋɔ, nyɩ taw zãá nɩ bɛ. Nyɩ taa tʋɔr bom za na tɛr dɛwr a ɩ, ɩ̃ɩ na de nyɩ na.

Wulu-ayi-sob 2:30

Ɛcɛ a Hɛsɩbon nãà, Sihon, bɛ sàw tɩ tɔl a ʋ zie ɩ. Bʋ̃ʋ n'ʋ vɛ̃, a Sore nyɩ Naaŋmɩn tɩ ɩ na a ʋ tɩɛrʋ nɩ a ʋ socir kpawlɩ mɛ̃ kʋsɩɛr a, k'ʋʋ tʋ̃ɔ́ ƴãw ʋ a nyɩ nuru pʋɔ a ʋlɩ bibir nɛ.

Wulu-ayi-sob 29:4

Ʋ ƴãw na nyɩ cen a wɛja-kpalɛ pʋɔ yome lɩz'a ayi: a nyɩ bʋ̃-suuri nɩ a nyɩ nafawr-ɓɛwlɩkɛl bɛ zaw ɛ.

Zakɩ 1:13

Bɛlʋ wa ta nɩr a, ʋ ta yere: «Naaŋmɩn n'ʋ bɛlɩ mɛ̃ ɩ.» Bɛlʋ kʋ̃ tʋ̃ɔ́ bɛlɛ Naaŋmɩn yel-faa maalʋ ƴãw ɛ, ɛ́ Naaŋmɩn mɩ̀ bɛ bɛlɛ nɩr k'ʋʋ maalɩ yel-faa ɩ.

Yel-wula 18:4

Ɩ̃ lɛb tɩ wõ n kɔkɔ-yũo ʋ yire a salom zu yere: «Ɩ̃ nɩbɛ ɛ, nyɩ yi zaa a ʋ pʋɔ, taa pʋɔrɛ a ʋ yel-bebe pʋɔ ɩ, ɛ́ mɩ̀ taa pʋɔrɛ a ʋ dɔwrʋ na waar a pʋɔ ɩ.