Sɛb-sõw yielu 14:2 - A SƐB-SÕW

² A Sore be n a salom zu ɛ́ vuoli k'ʋʋ jɩ́r a nɩsaalbɛ kaa, k'ʋʋ nyɛ̃ yã-bãwnɛ wa be be bɔbr ʋ a.

Sɛb-sõw yielu 14:2 ပူးပေါင်းရင်းမြစ်များ

Yele-za-pɛr-tib 11:5

A Sore tɩ yi n a salom zu siw k'ʋʋ tɩ nyɛ̃ a tẽ-kpɛ̃ɛ nɩ a yir-cõcowla a nɩsaalbɛ na mɩɛr a.

Yele-za-pɛr-tib 18:21

Ɩ̃ na siw na tɩ nyɛ̃ bɛlɛ wa sɩrɩ ɩ mɛ̃ a lɛ ɩ̃ na wone bɛ yere a. Lɛ bɛ wa n'a a, ɩ̃ mɩ̀ na cãà na bãw.»

Yele-za-pɛr-tib 6:12

A Naaŋmɩn tɩ jɩ́r'ɩ a tẽw nyɛ̃ k'ʋ sãw ʋ za. Bʋ̃ʋ n'ʋ vɛ̃, nɩsaal za tɩ ɩrɛ nɩ faa yaga.

2 Bibie za yel-manɩ 19:3

Ɛcɛ fʋ maal'ɩ yel-vɩɛlɩ, bʋ̃ʋ n'ʋ vɛ̃, fʋ nyɩw nɩ a ŋmɩn-pɔw Asera dà-barɩ za bɛr a tẽw pʋɔ, ɛ́ ƴãw fãw bɔbr a Naaŋmɩn nɩ fʋ pʋɔ za.»

2 Bibie za yel-manɩ 30:19

a bɛlɩ dem na ƴãw fãw bɔbr a Naaŋmɩn, a Sore, a bɛ sãà mɩnɛ Naaŋmɩn, nɩ bɛ pʋɔ za a, bɛlɛ saa bɛ tɛr a vɩɛlʋ al na sɛwnɩ a.»

A Zɔb sɛbɛ 15:14

Ãa n'ɩ a nɩsaal na tɩɛrɛ k'ʋʋ bɛ tɛr dɛwr? Ãa n'ɩ a pɔw bʋ̃-dɔwra na yel k'ʋʋ ɩ n nɩ-mɩŋa?

Sɛb-sõw yielu 107:43

Nɩr wa ɩ yã-bãwnɛ a, ʋ cɛlɛ a yele á ŋá zie vla, ʋʋ na nyɛ̃ na bãw a Sore nɔ̃wfʋ!

Sɛb-sõw yielu 11:4

— A Sore be n a ʋ Yir-kpɛ̃ɛ sõw pʋɔ. A Sore naalʋ-dà-kɔw be n a salom zu. Ʋ jɩ́rɛ nɩ a nɩsaalbɛ, ʋ mɩ́ jɩ́r'ɩ daadaa bãw bɛ ŋmɛ̃a.

Sɛb-sõw yielu 69:32

Sore e, à ŋá n'a nʋmɛ a fʋ zie zuo nadɛr na tɛr ɩ́lɛ́ nɩ nafɩlɛ a.

Sɛb-sõw yielu 82:5

Ɛcɛ, nyɩ bɛ bãw bom za ɩ, nyɩ bɛ tɛr yã ɩ, nyɩ be n lige pʋɔ bɔblɛ, alɛ so a zie bɔbr sãwfʋ.

Sɛb-sõw yielu 92:6

Sore e, a fʋ tome sɩrɩ na ɩ tõ-bɛrɛ, ɛ́ a fʋ tɩɛrʋ zulme!

Zʋkpaɩ 2:9

Fʋ̃ʋ wa bɛrɛ wone mɛ̃ a, fʋ na bãw na k'aa mɩnʋ, a ɩb na sɛw taa nɩ a, nɩ a ɩb na tori a, alɛ n'ɩ a nʋ̃ɔ̀ sɔ́r.

Zʋkpaɩ 8:5

A nyɩɩm na bɛ bãw bom a, nyɩ zanɩ a maal-ɩb. A nyɩɩm dãbole, nyɩ zanɩ a yã.

Zʋkpaɩ 9:16

«Nyɩɩm na bɛ bãw bom a, nyɩ wa ka lowr!» Ʋ yere nɩ a bɛlɩ dem na bɛ tɛr yã a zie à ŋá:

Zʋkpaɩ 9:4

«Nyɩɩm na bɛ bãw bom a, nyɩ wa ka lowr!» Ʋ ƴãw na bɛ yel à ŋá a bɛlɩ dem na bɛ tɛr a yã a:

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Ɩzayi 55:6

Nyɩ bɔbr a Sore a ƴɛrɛŋa ʋ na mɩ́ bɛr bɛ nyɛ̃ ʋ a. Nyɩ bʋɔlɛ ʋ a ƴɛrɛŋa ʋ na pɩɛlɩ nyɩ a.

Ɩzayi 63:15

Sore e, be a salom zu, a zi-sõw-vla vla fʋ na kpɩɛr a, ɛ́ jɩ́r a ʋlɩ bom nɛ na ɩrɛ tɩ a nyɛ̃. Nyɩnɛ n'a a fʋ nɔ̃wfʋ na dɩrɛ a tɩ ƴãw mɛ̃ vũu a cen? Nyɩnɛ n'a a fʋ kpɛnʋ be? Tɩ bɛ mɩ́ cãà nyɛ̃ a fʋ ƴã-cɩrʋ nɩ a fʋ nɔ̃wfʋ a tɩ ƴãw ɛ.

Ɩzayi 64:1

Fʋ nãá ɩ na mɛ̃ vũu na mɩ́ dɩ a tuwr a, bɩɩ na mɩ́ ɩ a kʋ̃ɔ a karɛ a. À ŋá n'a fʋ nãá ɩ a fʋ dɔ̃ dem bãw a fʋ yúor. A nɩ-bʋʋr-yoru nãá màwr'ɩ a fʋ niŋé,

Ɩzayi 8:19

Bɛ mɩnɛ yere na: «Nyɩ sowri a kpɩmɛ na mɩ́ waalɛ ɛ́ 'hũ'hune yere a nɩdaar yele a. A tɛr'ɩ sɔ́r kɛ́ nɩ-bʋʋrɛ kãw mɩ́ sowre a ʋ ŋmɩmɛ ɛ́ kabrɛ a kũuni a nɩ-vʋʋrɩ ƴãw.» Bɛlɛ wa yere à à ŋá a nyɩ zie a,

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Zeremi 5:1

Nyɩ cɔlɩ a Zerizalɛm tẽw sɛ́ɛ, nyɩ jɩ́r vla, nyɩ sowri kaa nyɛ̃, nyɩ bɔ a nɩ-yaga tuor-taa ziir. Nyɩmɛ wa nyɛ̃ nɩr, ʋ ɩrɛ a lɛ-na-tu-sɔr-a, ʋ bɔbr k'ʋʋ mɩ́ yel a yel-mɩŋa a, a lɛ pʋɔ a, ɩ̃ na dɩ n suur kʋ̀ a Zerizalɛm.

A Lãw-mʋɔlɛ 3:50

ɛ́ gù k'aa Sore na be a salom zu a wa gũu bɛl nyɛ̃.

Matie 13:15

A nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie, kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ alɛ bɛ ɩ lɛ, ɩ̃ nãà sanɩ bɛ na.”

Ʋrɔm 3:11

yã-bãwnɛ bɛ ka be ɩ, nɩr kãw za bɛ su zu bɔbr a Naaŋmɩn ɛ.

Ebre 11:6

Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.