Sɛb-sõw yielu 14:1 - A SƐB-SÕW

¹ A yiel-yielbɛ nɩ-kpɛ̃ɛ sɛbɛ pʋɔ yielu nɩ Daviir yielu n'ʋ. A dãbole mɩ́ tɩɛrɛ nɩ nɩ bɛ pʋɔ yere: «Naaŋmɩn bɛ ka ɩ!» A nɩbɛ bɛ ŋa sãw nɩ bɛ za, a bɛ ɩ-ɩrɩ bɛ maal'ɩ wob ɛ, been kãw za bɛ ɩrɛ vla ɩ.

Sɛb-sõw yielu 14:1 ပူးပေါင်းရင်းမြစ်များ

Sɛb-sõw yielu 10:4

A ʋ pɔ̀l-ɩb pʋɔ a, a nɩ-faa bɛ cãà sowre bom za ɩ. «Naaŋmɩn bɛ ka ɩ», a ʋ tɩɛrʋ za n'ɩ a lɛ.

Sɛb-sõw yielu 53:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Ʋ yiele na mɛ̃ nɩbaal-yielu a. Daviir yielu na wule yã a.

Sɛb-sõw yielu 92:6

Sore e, a fʋ tome sɩrɩ na ɩ tõ-bɛrɛ, ɛ́ a fʋ tɩɛrʋ zulme!

Yele-za-pɛr-tib 6:5

A Sore tɩ nyɛ̃ na k'aa nɩsaalbɛ faalʋ bɛrmɛ nɩ a tẽw zu, kɛ́ bibir za a, tɩɛr-faar tɛwr tɩɛrʋ n'a mɩ́ be a bɛ socie pʋɔ.

Matie 12:34

Dɔpan bʋʋrɛ bɛ ŋa! Ŋmɩŋmɩn n'a nyɩ na tʋ̃ɔ́ yere yel-vɩɛlɩ nyɩɩm na kpɛ faar a? A alɩ bome nɛ na mɩ́ paalɩ a nɩsaal pʋɔ a, alɛ n'a mɩ́ yire a ʋ nʋɔrɩ́.

Luka 12:20

Ɛcɛ a Naaŋmɩn tɩ yel ʋ na: “Dãbol ŋa! A dɩ̃a tɩ̃ɩsɔw tɔr za, a fʋ nyɔ-vʋʋrʋ na baar'a. À á ŋá fʋ na bɔ gbõ taa a, ãa na so a?”»

Matie 15:19

A nɩsaal socir pʋɔ sɩrɩ n'a a tɩɛr-faar, nɩbɛ kʋb, pɔw-gaa, nɩ-fa-ɩb, nyãnyuwlu, dãsɩ-ziri nɩ zʋmɛ mɩ́ yire.

Zʋkpaɩ 1:7

A Sore zɔba n'ɩ a yã-bãwfʋ tib zie. Dãbole tɛwr nɛbɛ mɩ́ ɩrɛ a yã-bãwfʋ nɩ a wulu laar.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

Efɛɛzɩ 2:12

Nyɩ lɛb tɩɛrɩ bãwnɩ a k'aa lɛn daar nyɩ bɛ tɩ bãw a Kɩrɩta ɩ, bɛ bɛ tɩ sɔ́r nyɩ ƴãw a Ɩsɩrayɛl bʋʋrɛ pʋɔ ɩ, nyɩ tɩ ɩ n sãanbɛ a Wõ-taa ƴãw a Naaŋmɩn na ƴãw nʋɔr maal'ɩ a ʋ nɩ-bʋʋrɛ a, nyɩ bɛ tɩ ƴãw a nyɩ tɩɛrʋ bom kãw za ƴãw ɛ, ɛ́ bɛ tɛr Naaŋmɩn a tẽw zu ɛ.

Zʋkpaɩ 27:22

Fʋ̃ʋ saa tɔ a dãbol nɩ tùlú, mɛ̃ a lɛ bɛ na mɩ́ tɔ a bʋ̃-bie a tʋɔr pʋɔ a, a ʋ dãbolu kʋ̃ yi ɛ.

Zʋkpaɩ 1:22

«A nyɩɩm na bɛ bãw bom za a, debor'a nyɩ na nɔ̃w a nyɩ bom bɛ-bãwfʋ tɩ ta? A nyɩɩm nɩ-ɩ-laarbɛ, debor'a nyɩ na ɩ m la tɩ ta? A nyɩɩm dãbole, debor'a nyɩ na zawrɩ a bãwfʋ bɛr tɩ ta?

A Zɔb sɛbɛ 22:13

Alɛ n'a so fʋ yel kɛ́: «Bʋ̃ʋ n'ʋ a Naaŋmɩn na tʋ̃ɔ́ bãw? Ʋ na tʋ̃ɔ́ na jɩ́r a zũzuw-sɛbla pʋɔ bãw a tɩ yele bɩɩ?

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Títɩ̀ 1:16

Bɛ mɩ́ yel'a kɛ́ bɛ bãw nɩ a Naaŋmɩn, ɛcɛ a bɛ ɩ-ɩrɩ wule kɛ́ lɛ bɛ n'a ɩ. Bɛ kpɛ n faa bɛ pɩɛl ɛ, zu-kpɛn dem na kʋ̃ tʋ̃ɔ́ yel-vla kãw za maalɩ a nɛbɛ.

Ɩzayi 1:4

Nyɛ̃ baw-bio a! Nɩ-bʋʋr-yel-bebe dem, nɩ-bʋʋrɛ na tuo sãwna a, yel-fa-maalbɛ bʋʋrɛ, bibiir na sãw bɛ za a! Nyɩ̀ zawr'ɩ a Sore bɛr, nyɩ̀ jewr'ɩ a Ɩsɩrayɛl Naaŋmɩn na ɩ sõw a, nyɩ̀ lɩɛb'ɩ zikur cɔw ʋ.

Sɛb-sõw yielu 107:17

Bɛ mɩnɛ tɩ ɩ n a ɩ-faar tɩ gem'ɩ, bɛ tɩ lɛb'a ŋmɛlɩ ɩrɛ a kpɩɛr a bɛ tʋɔra nɩ a bɛ sãwna.

A Zɔb sɛbɛ 15:16

ŋmɩŋmɩn n'a a na ŋmɛ̃ a nɩsaal na ɩ bʋ̃-jewra a ƴãw, a nɩ-faa ŋa na mɩ́ maalɩ a yel-faa mɔlɛ lɛ mɛ̃ ŋmale nʋɔr kʋ̃ɔ ʋ na nyũ a?

1 Samɩɛl 25:25

Ta bɛlɛ a nɩ-bɛ-tɛr-bir ŋa ɩ, a Naval, ʋ sɛwnɩ nɩ a ʋ yúor: ʋ dɩ na kɛ́ Naval, a pɛr lɛ kɛ́: Yãyaar-sob, ɛ́ a yãyaar sɩrɩ tuur ʋ. Ɛcɛ, a mãa fʋ tõ-tõ-bi-pɔw a, ɩ̃ bɛ tɩ nyɛ̃ a fʋ tõ-tõ-biir ɛ, a bɛl fʋ na tõ a tɩ zie a.

Zʋkpaɩ 13:19

Tɩ́ɛrʋ na maalɩ a ɩrɛ nɩ nʋ̃ɔ̀. Alɛ so a dãbole bɛ nɔnɛ kɛ́ bɛ mɩ́ zãá nɩ a yel-faa ɩ.

Sɛb-sõw yielu 73:3

Bʋ̃ʋ n'ʋ vɛ̃, ɩ̃ tɩ nyɛ̃ nɩ a ƴã-ɓaarʋ a pɔ̀lʋ dem na tɛr a, ɛ́ tɩ nyùur'ɩ a nɩ-faar bɛ ŋa.

Ekilezɩasɩ 7:20

A tẽw zu a, nɩ-mɩŋa bɛ be be na tʋ̃ɔ́ maalɛ vla ɛ́ faa bɛ jɛr ɛ.

Zeremi 5:12

A Zuda tẽw dem bɛ bãw a Sore ɩ, ɛ́ yere: «Ʋ bɛ tɛr fãw kãw za ɩ. A faa kʋ̃ lo a tɩ zu ɛ, tɩ kʋ̃ bãw zɛbr nɩ kɔ̃ ɩ.

Zeremi 6:28

Bɛ za ɩ n nɩ-gaarɩ na kpawlɩ socie a, gɛgɛrɩ nɛbɛ. Bɛ kpɛmɛ na mɛ̃ a kur-zɩɛ bɩɩ mɛ̃ a kure a. Bʋ̃-sãwnbɛ nɛbɛ bɛ za.