Sɛb-sõw yielu 132:5 - A SƐB-SÕW

⁵ mãa bɛ wa nyɛ̃ zie kʋ̀ a Sore a ɩ, mãa bɛ wa nyɛ̃ kpɛb zie kʋ̀ a Zakɔb Naaŋmɩn na ɩ fãw sob a ɩ!»

Sɛb-sõw yielu 132:5 ပူးပေါင်းရင်းမြစ်များ

2 Samɩɛl 6:17

Bɛ tɩ wa n nɩ a wõ-taa daga wa bin a zie ʋl bɛ na tɩ cɔbrɩ a ʋ ƴãw a, a pɛn-sɛw ʋl pʋɔ a Daviir na tɩ ƴãw bɛ maalɩ a ʋ ƴãw a. Al pùorí, a Daviir tɩ maal'ɩ nyɩw-a-za-bagɛ nɩ ƴã-ɓaarʋ bagɛ kʋ̀ a Sore.

2 Samɩɛl 7:1

A nãà Daviir tɩ kpɛ n a ʋ yir baarɩ, ɛ́ a Sore faa ʋ a dɔ̃ dem na viiri koli a ʋ naalʋ-tẽw a nuru pʋɔ, ʋʋ tɛr ƴã-ɓaarʋ.

1 Na-mɩnɛ 8:17

Zɩ̃ kɛ́ a ɩ̃ sãà Daviir tɩ tɩɛrɛ na k'ʋʋ ŋmãa Ŋmɩn-yir-kpɛ̃ɛ, a Sore, a Ɩsɩrayɛl Naaŋmɩn, na na so a.

1 Na-mɩnɛ 8:27

«Ɛcɛ a Naaŋmɩn na tʋ̃ɔ́ na sɩrɩ kpɩɛr a tẽw zu u? A salom yɛlmɛ na bɛ dɩ vuo ɩ, ɛ́ a Naaŋmɩn kʋ̃ tʋ̃ɔ́ kpɛ a ʋ pʋɔ ɩ. Ɛ́ bʋ̃ʋ baa n'ɩ a Ŋmɩn-yir-kpɛ̃ɛ ŋa ɩ̃ na ŋmãa a!

1 Bibie za yel-manɩ 15:12

Ʋ tɩ yel bɛ na: «Nyɩɩm n'ɩ a levitɩ mɩnɛ yie nɩ-bɛrɛ, nyɩ so a nyɩ dɛwr bɛr, nyɩɩm nɩ a nyɩ yie dem, ɛ́ cen tɩ ɓáw a Sore, a Ɩsɩrayɛl Naaŋmɩn wõ-taa daga wa n a zie ʋl ɩ̃ na cɔbrɩ a ʋ ƴãw a.

1 Bibie za yel-manɩ 15:3

A Daviir tɩ bʋɔl'ɩ a Ɩsɩrayɛl nɩbɛ za ɓã taa a Zerizalɛm, kɛ́ bɛ tʋ̃ɔ́ cen tɩ ɓáw a Sore wõ-taa daga wa n a zie ʋl ʋ na cɔbrɩ a ʋ ƴãw a.

1 Bibie za yel-manɩ 22:7

A Daviir tɩ yel'ɩ a Salomɔ̃: «Ɩ̃ bie e, ɩ̃ tɩ bɔbr'a nɩ ɩ̃ pʋɔ za, kɛ́ mãa mɩŋa nãá ŋmãa yir kʋ̀ a Sore, a ɩ̃ Naaŋmɩn.

1 Bibie za yel-manɩ 28:2

A nãà Daviir tɩ ìr'a àr ɛ́ yel bɛ à ŋá: «Ɩ̃ nɩ-bʋʋrɛ nɩbɛ ɛ, ɩ̃ yɛbr i, nyɩ bɛr wõ m. Ɩ̃ tɩ bɔbr'a nɩ ɩ̃ pʋɔ za, k'ɩ̃ɩ ŋmãa yir bin a Sore wõ-taa daga, a tɩ Naaŋmɩn gbɛ́ɛ dɔwlʋ zie. Ɩ̃ cɔbr'ɩ a bome a ʋ ŋmãafʋ ƴãw,

2 Bibie za yel-manɩ 2:6

A na ɩ à ŋá a, kʋ̀ m bãw-bãwnɛ na tone a salm-pla, a salm-zɩɛ, a kur-zɩɛ nɩ a kure a, na bãw a lɛ bɛ na mɩ́ mʋɔlɩ a pɛnɛ a ɩ zɩɛ-ɓõɓõ, zɩɛ-wʋlʋlʋ bɩɩ zɩɛ-kãbala a, ɛ́ mɩ̀ bãw wib a. Ʋlɛ nɩ a ɩ̃ mɩŋa bãw-bãwnbɛ nɛbɛ na tone, a bɛl a ɩ̃ sãà Daviir na cɔbrɩ ɛ́ bɛ kpɩɛr a Zuda nɩ a Zerizalɛm a.

Ɩzayi 66:1

À ŋá n'a a Sore yere: «A salom ɩ n a ɩ̃ naalʋ-dà-kɔw ɛ́ a tẽsɔw ɩ a ɩ̃ gbɛ́ɛ dɔwlʋ zie. Yir bʋ̃ʋ n'ʋ nyɩ na tʋ̃ɔ́ ŋmãa kʋ̀ m? A zie n'ɩ buor ɩ na na tʋ̃ɔ́ kpɩɛr a?

Efɛɛzɩ 2:22

Nyɩ na lãw nɩ ʋ a n'a nyɩ mɩ̀ pʋɔ a mɩɛrʋ pʋɔ, kɛ́ nyɩ wa ɩ Naaŋmɩn kpɛb zie a Vʋʋrʋ Sõw ƴãw.