Sɛb-sõw yielu 132:11 - A SƐB-SÕW

¹¹ A Sore pɔ n a Daviir zie à ŋá, ɛ́ bɛ be za na lɩɛbɩ bɛr ɛ: «A fʋ bʋ̃-dɔwra kãw n'ʋ ɩ̃ na zɩɩlɩ a fʋ naalʋ-dà-kɔw zu.

Sɛb-sõw yielu 132:11 ပူးပေါင်းရင်းမြစ်များ

2 Samɩɛl 7:12

A fʋ daar wa ta fʋ lɛb cen tɩ páw a fʋ sãà mɩnɛ a, a fʋ bidɛb kãw n'ʋ ɩ̃ na kaa ír, ʋ lɩɛrɩ fʋ ɩ a nãà, ɩ̃ɩ na zɩɩl'ɩ a ʋ naalʋ, ɛ́ ʋ kʋ̃ bãw damnʋ ɛ.

2 Samɩɛl 7:14

Ɩ̃ na ɩ n sãà a ʋ zie, ʋʋ ɩ a ɩ̃ bidɛb. Ʋlɛ wa sãw a, ɩ̃ na kpãa ʋ na mɛ̃ a lɛ a nɩsaalbɛ na mɩ́ kpãa a, mɛ̃ sãà na mɩ́ kpãa bie a.

2 Samɩɛl 7:16

A fʋ bʋ̃-dɔwra kãw na dɩrɛ nɩ a naalʋ a fʋ pùorí, bʋ̃ʋ n'ʋ vɛ̃, a fʋ yir naalʋ-dɩb kʋ̃ tɛr baarʋ ɛ.”»

1 Na-mɩnɛ 1:48

ɛ́ yel: “Ɩ̃ puore nɩ a Sore, a Ɩsɩrayɛl Naaŋmɩn, yãanɩ, ʋ na kʋ̀ m lɩɛrɛ a dɩ̃a bibir a, ɛ́ baa zuo a za, ʋ na sàw ɩ̃ nyɛ̃ ʋ nɩ ɩ̃ mimie a!”»

1 Na-mɩnɛ 8:25

Ƴɛrɛŋa a, Sore e, Ɩsɩrayɛl Naaŋmɩn i, mɩ̀ maalɩ a lɛ fʋ na tɩ ƴãw a nʋɔr a fʋ tõ-tõ-bie ɩ̃ sãà Daviir zie a, a lɛn daar fʋ na tɩ yel ʋ à ŋá a: “A fʋ bʋʋrɛ wa ɩrɛ vla a ɩ̃ zie mɛ̃ a lɛ a fʋ̃ʋ mɩŋa na ɩ a, a bɛ kãw na mɩ́ be n a ɩ̃ niŋé kʋralɛ, dɩrɛ naalʋ a Ɩsɩrayɛl nɩbɛ zu, a fʋ pùorí.”

2 Bibie za yel-manɩ 6:16

Ƴɛrɛŋa a, Sore e, Ɩsɩrayɛl Naaŋmɩn i, mɩ̀ maalɩ a lɛ fʋ na tɩ ƴãw a nʋɔr a fʋ tõ-tõ-bie ɩ̃ sãà Daviir zie a, a lɛn daar fʋ na tɩ yel ʋ à ŋá a: “A fʋ bʋʋrɛ wa ɩrɛ vla a ɩ̃ zie mɛ̃ a lɛ a fʋ̃ʋ mɩŋa na ɩ a, a bɛ kãw na mɩ́ be n a ɩ̃ niŋé kʋralɛ, dɩrɛ naalʋ a Ɩsɩrayɛl nɩbɛ zu, a fʋ pùorí.”

2 Bibie za yel-manɩ 7:18

ɩ̃ na ɩ na fʋ dɩrɛ naalʋ kʋralɛ, mɛ̃ à à ŋá ɩ̃ na yel a fʋ sãà Daviir zie a: “A fʋ bʋʋrɛ nɩr kãw na mɩ́ be n be kʋralɛ dɩrɛ naalʋ a Ɩsɩrayɛl nɩbɛ zu, a fʋ pùorí.”

Sɛb-sõw yielu 110:4

Pɔb ŋa n'ʋ a Sore pɔ, ʋʋ bɛ lɩɛbɛ bɛrɛ ɩ: «Fʋ ɩ n bàwr-maalɛ kʋralɛ, mɛ̃ a lɛ a Mɛlkɩsedɛkɩ na tɩ ɩ a.»

Sɛb-sõw yielu 89:33

dabɔl'ʋ ɩ̃ na de kpãa nɩ bɛ a bɛ nʋɔr-zawrʋ ƴãw, ŋmɛb'a ɩ̃ na ŋmɛ bɛ wul a bɛ sãwna.

Sɛb-sõw yielu 89:35

Ɩ̃ kʋ̃ sãw a ɩ̃ wõ-taa bɛr ɛ, a lɛ ɩ̃ na yel a, ɩ̃ bɛ lɩɛbɛ bɛrɛ ɩ.

Sɛb-sõw yielu 89:37

A ʋ bʋʋrɛ na be n be kʋralɛ, a ʋ naalʋ-dɩb na cɛlɩ nɩ a ɩ̃ niŋé mɛ̃ a mʋ̃tɔ̃w a.

Sɛb-sõw yielu 89:5

A fʋ pùorí a, a fʋ bʋʋrɛ kãw n'ʋ na mɩ́ dɩ a naalʋ kʋralɛ. À ŋá n'a ɩ̃ na mɛ a fʋ naalʋ-dà-kɔw ʋ gã yome yome za.» Tɛw-àrʋ

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Luka 1:32

Ʋ na ɩ n kpɛ̃ɛ, bɛ na bʋɔlɛ ʋ nɩ Naaŋmɩn-na-do-saa-bɛ-pɩɛl-a Bie. A Sore Naaŋmɩn na de nɩ a ʋ sãà Daviir naalʋ-dà-kɔw kʋ̀ ʋ.

Nɩ-toni 2:30

Ɛcɛ, ʋ tɩ ɩ n naaŋmɩn-ƴɛ̀r-manɛ, ɛ́ tɩ bãwnɩ a kɛ́ Naaŋmɩn tɩ pɔ na yel k'ʋʋ na zɩɩlɩ nɩ a ʋ bʋ̃-dɔwra kãw a ʋ naalʋ-dà-kɔw zu.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

1 Samɩɛl 15:29

A Sore na ɩ a Ɩsɩrayɛl yúor-vɩɛlʋ-danʋ a bɛ ŋmarɛ ziri ɛ, bɛ tɛr ƴɛ̀r-nɛ́ɛ ayi mɛ̃ nɩsaal a ɩ.»