Sɛb-sõw yielu 123:4 - A SƐB-SÕW

⁴ Tɩ sɛw na nɩ a tɛra dem kpɔwrʋ, nɩ a pɔ̀lʋ dem ɩ-lab.

Sɛb-sõw yielu 123:4 ပူးပေါင်းရင်းမြစ်များ

Neemi 2:19

Sanbalatɩ na yi Bɛtɩ-Horon nɩ a ʋ tuure Toviya na yi Amɔ̃ tẽw, nɩ Gɛsɛm na ɩ Arabʋ a tɩ wõ n a yel ŋa. Bɛ tɩ ɩrɛ tɩ na laar ɛ́ nyɛ̃ tɩ bɛ ɩ bom za ɩ. Bɛ tɩ sowri tɩ na: «Bʋ̃ʋ n'ʋ nyɩ ɩrɛ? A nãà n'ʋ nyɩ bɔbr kɛ́ nyɩ zawrɩ bɛr bɩɩ?»

A Zɔb sɛbɛ 12:5

A bɛlɩ dem bom na bɛ fɛrɛ a, bɛ mɩ́ yel'a: «Baw-bio sob so jewru!» À ŋá n'a bɛ mɩ̀ mɩ́ yel a sob nɛ a gbɛ́r na sar a.

A Zɔb sɛbɛ 16:4

Nyɩmɛ tɩ n'ɩ a mãa a, ɩ̃ mɩ̀ nãá ƴɛ̀rɛ na mɛ̃ a nyɩɩm a, ɩ̃ mɩ̀ nãá bãw nɩ a ƴɛ̀rʋ ƴɛ̀r kʋ̀ nyɩ, ɛ́ viire nɩbaal zu a nyɩ ƴãw.

Sɛb-sõw yielu 119:51

A pɔ̀lʋ dem ɩ m a la vla vla, ɛcɛ ɩ̃ bɛ gùr pùor cɔw a fʋ wulu ɛ.

Ɩzayi 32:11

Dɛ̃bɩ̃ɛ, a ɩrɛ nyɩ nyɩ màwr, nyɩɩm pɔwbɛ bom na bɛ damnɛ a, nyɩ màwr, nyɩɩm na ɓãa ƴãw bɛr tɩɛrʋ a. Nyɩ yaa a nyɩ bʋ̃-suuri bɛr, nyɩ gbol nyɩ tʋɔra ɛ́ sɛ gãw a sɩɛmɩ́.

Ɩzayi 32:9

Pɔwbɛ bom na bɛ damnɛ a, nyɩ ìr, nyɩ bɛrɛ wone a ɩ̃ ƴɛ̀rʋ! Powli na ɓãa ƴãw bɛr tɩɛrʋ a, nyɩ cɛlɛ a lɛ ɩ̃ na yere a zie!

Zeremi 48:11

«A Mowab pɔ̀lʋ daarɩ́ za a, ʋ tɩ vʋʋrɛ na nɩ ƴã-ɓaarʋ. Bɛ bɛ dãw diw ʋ cen nɩ tẽ-yoru ɛ. Ʋ tɩ vʋʋrɛ nɩ zoom, mɛ̃ divɛ̃ na tewli gã a divɛ̃-pɛr zu a. Bɛ bɛ dãw lɩɛb'ʋ ƴãw bʋ̃-yoru pʋɔ ɩ. Alɛ n'a so ʋ cãà tɛr a ʋ nʋ̃ɔ̀ ɛ́ a ʋ nyũu cãà ŋmɛ̃ ʋ ŋmɛ̃a.»

Zeremi 48:27

Mowab i, lɛb tɩɛrɩ a lɛ fʋ na tɩ ɩrɛ a Ɩsɩrayɛl laar a. Fʋ tɩ ɩ na mɛ̃ fʋ de ʋ na k'ʋ ɩ nyãnyuwe a. Bʋ̃ʋ n'ʋ vɛ̃, fʋ bɛ tʋ̃ɔ́ mɩ́ tɩ ƴɛ̀rɛ a ʋ ƴɛ̀rʋ, ɛ́ ɩrɛ ʋ laar gɔwrɛ nɩ zu ɛ?

Zeremi 48:29

Tɩ wõ n a Mowab pɔ̀lʋ yele. Nyɛ̃ pɔ̀l-ɩb na sɛw a! Nyɛ̃ nyɔka-ɩb a! Nyɛ̃ pɔ̀l-ɩb a! Nyɛ̃ ʋ na manɛ kɛ́ ʋlɛ n'ʋ bɛ wõ a! Nyɛ̃ ʋ na tɩɛrɛ k'ʋʋ zuo nɩ nɩr za a!

Amɔsɩ 6:1

Baw-bio dem'ɩ nyɩ, nyɩɩm na be a Sɩyɔ̃ bom za bɛ damnɛ nyɩ a. Nyɩɩm na ɓãá ƴãw kpɩɛr a Samaari tãw zu a. Nyɩɩm na ɩ a ten za pʋɔ tẽ-dãw-niwn sob niw-dierbɛ a, nyɩɩm zie n'a a Ɩsɩrayɛl yir nɩbɛ cere.

Nɩ-toni 17:21

A Atɛn tẽw dem za, nɩ a nɩ-sãanbɛ na kpɩɛr a Atɛn a, mɩ́ tɩ nɔnɛ nɩ a yel-paalɛ al na bɩɛrɩ yi a manʋ nɩ a bɛr-wob.

Nɩ-toni 17:32

Bɛ na tɩ wone a kũu-pʋɔ-lɛb-yibu ƴɛ̀r-bir wa báarɛ a, bɛ mɩnɛ tɩ ɩrɛ ʋ na laar, ɛ́ bɛ mɩnɛ yere: «A na ta ka a, bibir kãw n'a tɩ na lɛb bãw bɛr wõ a fʋ ƴɛ̀rʋ a yel ŋa ƴãw.»

Nɩ-toni 26:24

A ka n'a a Pol tɩ manɩ a ʋ yele wa ta, ɛ́ a Fɛsɩtɩsɩ ŋmãa de tanɩ yel: «Pol i, fʋ yarɛ na! Fʋ zànɩ nɩ a yele a tɩ ƴãw fʋ yãyaar!»

1 Korɛ̃tɩ 4:13

Bɛ ŋmarɛ nɩ ziri ƴãwn tɩ, ɛ́ tɩ mɔwlɛ bɛ. Cãà wa tɩ tɔ a ƴɛrɛŋa a, tɩ ɩ na mɛ̃ a tẽ-daa sagɛ a, nɩbɛ za tãpúo.

1 Samɩɛl 17:42

A Filisɩtɛ̃ dɔɔ tɩ nyɛ̃ nɩ a Daviir, ɛ́ jewr'ʋ: ʋ tɩ ɩ n bi-pɛm, na ɩ zɩɛ ɛ́ pɔl a.