Sɛb-sõw yielu 12:3 - A SƐB-SÕW

³ Ziri tɛwr'a bɛ ŋmarɛ kʋ̀rɛ taa. A nʋɔr mɩ́ ɩ n nɔ-kãá, ɛ́ a tɩɛrʋ ɩ ziir ayi.

Sɛb-sõw yielu 12:3 ပူးပေါင်းရင်းမြစ်များ

A Zɔb sɛbɛ 32:22

Mɔ̃ mɩ̀, ɩ̃ bɛ bãw nɩr bɛ̀lʋ ɛ, alɛ bɛ ɩ lɛ a, a ɩ̃ Íre nãá kʋ m'ɩ fɔ̃wlɛ.

Sɛb-sõw yielu 116:11

Ɩ̃ bɛ tɩ cãà bãw ŋmɩŋmɩn za n'a ɩ, ɛ́ tɩ yere: «A nɩsaalbɛ za ɩ n zir-ŋmarbɛ!»

Sɛb-sõw yielu 140:12

A gɛgɛrɩ kʋ̃ kpɛ a tẽw ɛ, ɛ́ a faa na tuur'ɩ a po-to-fãw sob kʋralɛ!

Sɛb-sõw yielu 17:10

Bɛ ɩ n 'wɔra 'wɔra a, ɛ́ ƴɛ̀rɛ pɔ̀l-ƴɛ̀rʋ.

Sɛb-sõw yielu 55:22

A ʋ nʋɔr ƴɛ̀rɛ nɩ nɔ-kãá, ɛ́ zɛbr tɩɛrʋ be a ʋ socir pʋɔ. A ʋ ƴɛ̀r-bie mɩ́ nʋmɛ na gãw sɩwr, ɛcɛ sɔ̀rʋ bɛ na vɔ̃ a n'a.

Eziptɩ tẽw yib 15:9

A tɩ dɔ̃ dem tɩ yel'a: «Tɩ na diw na bɩɛrɩ bɛ, tɩ na pàw bɛ na, tɩ na põ nɩ a bɛ bome tɩ na fá a, a tɩ zuo a lɛ tɩ na bɔbr a. Tɩ na vɔ̃ n a tɩ zɛbr-sɔ-bɛrɛ, tɩ na lɛb'a nyɔw bɛ.»

Zʋkpaɩ 18:21

A ƴɛ̀rʋ pʋɔ n'a a kũu nɩ a nyɔ-vʋʋrʋ yire. Sob nɛ na nɔnɛ a ƴɛ̀rʋ a, a fɛr'a k'ʋʋ mɩ́ sàw a yele a ƴɛ̀rʋ na waar'ɩ a.

Zʋkpaɩ 26:24

A nɩr na tɛr'ɩ a ʋ taabɛ dɔ̃ a mɩ́ piwle nɩ ʋ tʋɔra a ʋ ƴɛ̀rʋ pʋɔ, ɛ́ cɔbrɛ yel-faa a ʋ pʋ̃ɔmɩ.

Ɩzayi 10:10

Ɩ̃ tʋ̃ɔ́ na zɛb de tɩbɛ naalʋ-ten, a be a dasuli na yãwmɛ zuo a Zerizalɛm nɩ a Samaari ten dem a.

Ɩzayi 59:4

A ƴɛ̀rʋ-dɩb zie a, nyɩ mɩ́ yel'ɩ sãwna na bɛ ɩ sɩza a. Nyɩ bɛ ƴɛ̀rɛ kpɩɛr a nɩbɛ tuur'ɩ yel-mɩŋa ɩ. Zi-vuo n'a nyɩ mɩ́ ƴãw a nyɩ tɩɛrʋ, nyɩ mɩ́ yere nɩ yele na ɩ ziri a, a yel-faa pʋɔ n'ʋ nyɩ mɩ́ tɛr wa dɔw a kpɩɛrʋ.

Zeremi 12:6

Bʋ̃ʋ n'ʋ vɛ̃, a fʋ dɔwlʋ nɩbɛ tɛɛ za, a fʋ yir dem tɛɛ za, mɩlɛ fʋ na. Bɛ bʋɔlɛ nɩ nɩbɛ ɓanɛ taa a fʋ ƴãw, ɛ́ fʋ bɛ bãwnɩ a ɩ. Gùre fʋ tʋɔra a bɛ ƴãw, bɛlɛ wa ƴɛ̀rɛ vla vla a fʋ zie a.»

Zeremi 9:8

A Sore yere na: A bɛ fɛr k'ɩ̃ɩ dɔwrɩ a nɩbɛ bɛ ŋa bɩɩ? A bɛ sɛw k'ɩ̃ɩ yáa a san a nɩ-bʋʋr-ŋa-tɔ zie bɩɩ?»

Ezekɩɛl 28:2

«A fʋ̃ʋ nɩsaal bie, yel a ƴɛ̀rʋ ŋa a mãa Sore Naaŋmɩn na yere kʋ̀rɛ a Tɩ́ɩ̀r tẽw nãà a kʋ̀ ʋ: A fʋ socir tɩ ɩ n pɔ̀lʋ̀ tɛwr fʋ yel: “Ɩ̃ ɩ n naaŋmɩn. Ɩ̃ tɛr'ɩ zie na sɛw taa nɩ ŋmɩmɛ tɛrʋ a, a kʋ̃ɔ-bɛrɛ sɔgɔ.” Fʋ tɩɛrɛ kɛ́ fʋ zɛ̃ n naaŋmɩn, ɛcɛ nɩsaal tɛwr nɛ b, fʋ bɛ ɩ naaŋmɩn ɛ!

Ezekɩɛl 28:9

A bɛlɩ dem na na kʋ b a niŋé a, fʋ na cãà na yere kɛ́ fʋ ɩ n naaŋmɩn ɩ? Fʋ na ɩ n nɩsaal tʋ̃tʋba, ɛ́ kʋ̃ ɩ naaŋmɩn a bɛlɩ dem na na kʋ b a niŋé ɩ.

Ezekɩɛl 29:3

Yel a ƴɛ̀rʋ á ŋá a mãa Sore Naaŋmɩn na yere a kʋ̀ ʋ: Ɩ̃ na ìr'ɩ a fʋ ƴãw, a fʋ̃ʋ Faarawɔ̃, a Eziptɩ tẽw nãà. Fʋ ɩ na mɛ̃ ɩb-kpɛ̃ɛ na gã a Nɩl kʋ̃ɔ pʋɔ a. Fʋ yel'a: “Mãa so a man, mãa n'ʋ maalɩ ʋ.”

Malasɩ 3:13

A Sore yere na: «A nyɩ ƴɛ̀rʋ nyɩ na càarɛ nɩ mɛ̃ a, a kpɛ̃w tɔ. Ɛ́ nyɩ mɩ́ sowre: “Bʋ̃ʋ ƴɛ̀rʋ n'a tɩ ƴɛ̀r càar'ɩ fʋ?”

2 Pɩɛr 2:18

Bɛ mɩ́ ƴɛ̀rɛ nɩ ƴɛ̀r-bɛrɛ ƴɛ̀r-zawlɛ, a pɩ̃ɔ-yele ƴã-gan nʋ̃ɔ̀-faar tɩɛrʋ na ɩrɛ vĩ a n'a bɛ mɩ́ bɛlɩ nyɔw nɩ a bɛlɩ dem na bʋ́r yi paalʋ a nɩbɛ bɛl pʋɔ na vʋʋrɛ a tulu pʋɔ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:16

A nɩbɛ bɛ ŋa mɩ́ zɛbr'ɩ kʋralɛ, ɛ́ a bɛ suur bɛ nʋmɛ bɛ a bɛ nyɔ-vʋʋrʋ ƴãw ɛ. Bɛ mɩ́ tɩɛrɛ nɩ a bɛ bʋ̃-bɔbrɩ tɛwr. Pɔ̀l-ƴɛ̀rʋ n'a bɛ mɩ́ ƴɛ̀rɛ, ɛ́ bɛlɛ wa mʋʋrɛ nɩr a, bɛl mɩŋa tɔnɛ ƴãw n'a.

Yel-wula 13:5

Bɛ tɩ kʋ̀ ʋ nɩ sɔ́r k'ʋʋ ƴɛ̀rɛ ƴɛ̀r-sɛblɛ tʋʋr'ɩ a Naaŋmɩn zʋmɛ. Bɛ tɩ kʋ̀ ʋ nɩ fãw k'ʋʋ ɩrɛ nɩ cuwr lɩz'a ayi nɩ ayi ƴãw.

1 Samɩɛl 2:3

Nyɩ ta ƴɛ̀rɛ pɔ̀l-ƴɛ̀rʋ pilpile nɩ ɛ, nyɔka-ƴɛ̀rʋ ta yi a nyɩ nʋɔrɩ́ ɛ, bʋ̃ʋ n'ʋ vɛ̃, a Sore ɩ n Naaŋmɩn na bãw bom za a, ʋ mɩ́ jɛl'ɩ a nɩsaalbɛ ɩ-ɩrɩ za.