Sɛb-sõw yielu 113:5 - A SƐB-SÕW

⁵ Ãa n'ʋ ŋmɛ̃ taa nɩ a Sore tɩ Naaŋmɩn? Ʋ wɩɛr'a tɩ zɩ̃ a ʋ naalʋ-dà-kɔw zu, a saa-zu,

Sɛb-sõw yielu 113:5 ပူးပေါင်းရင်းမြစ်များ

Sɛb-sõw yielu 103:19

A Sore bin nɩ a ʋ naalʋ-dà-kɔw a salom zu, ʋ dɩrɛ nɩ naalʋ bom za zu.

Sɛb-sõw yielu 11:4

— A Sore be n a ʋ Yir-kpɛ̃ɛ sõw pʋɔ. A Sore naalʋ-dà-kɔw be n a salom zu. Ʋ jɩ́rɛ nɩ a nɩsaalbɛ, ʋ mɩ́ jɩ́r'ɩ daadaa bãw bɛ ŋmɛ̃a.

Sɛb-sõw yielu 35:10

Ɩ̃ na yel'a nɩ ɩ̃ pʋɔ za: «Sore e, a fʋ tɔ bɛ ka ɩ: fʋ mɩ́ faa nɩ a bãbàal, nɩbɛ na kpɛmɛ zuo ʋ a nuru pʋɔ. Fʋ mɩ́ faa nɩ a nã́w sob nɩ a bãbàal a bɛlɩ dem na farɛ bɛ a nuru pʋɔ.»

Sɛb-sõw yielu 89:6

Sore e, a salom zu malkɩ mɩnɛ, bɛ danɛ fʋ, a fʋ nɔ-ɓãa-yele fʋ na maalɛ a ƴãw, a bɛ lãw, ʋ danɛ a fʋ na ŋmɛ̃ fʋ ŋmɛ̃a a.

Sɛb-sõw yielu 89:7

Ãa n'ʋ zɛ̃ taa nɩ a Sore a saa-zu? A naaŋmɩmɛ pʋɔ a, ãa n'ʋ na tʋ̃ɔ́ de ʋ tʋɔra manɛ nɩ ʋ?

Sɛb-sõw yielu 89:8

A malkɩ mɩnɛ lãw pʋɔ a, a Naaŋmɩn bɛ tɛr dɩ̃ɛnʋ ɛ, ʋ bɛ tɛr dɩ̃ɛnʋ a bɛlɩ dem za na jil koli ʋ a zie ɩ.

Sɛb-sõw yielu 89:9

Sore Naaŋmɩn Kpɛnʋ-za-sob i, ãa n'ʋ ŋmɛ̃ mɛ̃ a fʋ̃ʋ a? Fãw nɩ fʋ na ŋmɛ̃ fʋ ŋmɛ̃a a viir'a koli fʋ.

Eziptɩ tẽw yib 15:11

A ŋmɩmɛ pʋɔ a, ãa n'ʋ ɩ mɛ̃ a fʋ̃ʋ a, Sore e? Ãa n'ʋ ɩ mɛ̃ a fʋ̃ʋ na nyɩwrɛ nɩ sonu a? Na bɛ tɛr dɩ̃ɛnʋ, ɛ́ sɛwnɩ danʋ a? Na maalɛ nɔ-ɓãa-yele a?

Ɩzayi 16:5

a lɛn daar a, a fʋ nɔ̃wfʋ zũú a, naalʋ-dà-kɔw na kpɛmɛ ɛ́ cɛlɛ a na be n be a Daviir bʋʋrɛ ƴãw. Ʋ na zɩ̃ na mɛ̃ ƴɛ̀r-dɩrɛ a, a ʋ tɩ́ɛrʋ za ƴãw a yel na-tu-sɔr-a ƴãw, ʋʋ tʋlɛ a mɩnʋ ƴãw.»

Ɩzayi 40:18

Ãa n'ʋ nyɩ na de a Naaŋmɩn man nɩ? Bʋ̃ʋ n'ʋ nyɩ na de ʋ ŋmɛ̃ taa nɩ ʋ?

Ɩzayi 40:25

A Naaŋmɩn na ɩ sõw a sowre na: «Ãa n'ʋ nyɩ na tʋ̃ɔ́ de m man nɩ? Mãa nɩ ãa nɛbɛ na tʋ̃ɔ́ ɩ been?»

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Zeremi 10:6

Sore e, fʋ bɛ tɛr a fʋ tɔ ɩ! Fʋ ɩ n kpɛ̃ɛ, ɛ́ a fʋ kpɛnʋ ɩ a fʋ yúor ʋ yi.

Wulu-ayi-sob 33:26

A Moyiir tɩ cãà na lɛb yel: «Yesurun i, ŋmɩn kãw za bɛ ŋmɛ̃ taa nɩ a fʋ Naaŋmɩn ɛ! Ʋ tʋ̃ɔ̀nɛ nɩ nɩ fãw a salom zu, waar a fʋ sõwfʋ, ɛ́ zɔm a zũzuwe.