Sɛb-sõw yielu 110:3 - A SƐB-SÕW

³ A bibir ʋl fʋ na mɩ́ bʋɔlɛ a fʋ zɛbr-nɩbɛ ɓanɛ taa a, a fʋ nɩbɛ mɩ́ waar'a, tʋlɛ bɛ za. A pɔlbili mɩ́ waar'ɩ a fʋ zie a tan-son zu, ɩ mɛ̃ a ɓɩɛlʋ a biɓaara a.

Sɛb-sõw yielu 110:3 ပူးပေါင်းရင်းမြစ်များ

1 Bibie za yel-manɩ 16:29

Nyɩ íre a ʋ yúor-vɩɛlʋ-danʋ, nyɩ wa n a nyɩ de-kʋ̀b bome a ʋ niŋé. Nyɩ mɩ́ gũu tɩ tɔ tẽw a Sore niŋé, a lɛn daar ʋ na mɩ́ wul a ʋ sonu a.

Neemi 11:2

A nɩbɛ tɩ puor'ɩ a bɛlɩ dem na tɩ nɔnɛ cen tɩ kpɩɛr a Zerizalɛm a yãanɩ.

Sɛb-sõw yielu 29:2

Nyɩ wa íre a Sore yúor, nyɩ mɩ́ gbĩ dume gũu tɩ tɔ tẽw a ʋ niŋé, a lɛn daar ʋ na mɩ́ wul a ʋ sonu a.

Sɛb-sõw yielu 96:9

Nyɩ mɩ́ gbĩ dume gũu tɩ tɔ a tẽw a Sore niŋé, a lɛn daar ʋ na mɩ́ wul a ʋ sonu a, tẽ-daa za nɩbɛ ɛ, nyɩ màwr a ʋ niŋé.

Ezekɩɛl 43:12

A nɔ-kpɛ̃ɛ na càarɩ a Ŋmɩn-yir-kpɛ̃ɛ a n'ɩ ŋa: vuo za na viiri koli ʋ a tãw nyʋɔrɩ́ a na ɩ n sõw yaga za.»

Mise 5:6

A Ɩsɩrayɛl nɩbɛ na cɛ nɩ-bʋʋr-yoru viiri koli a, na ɩ na mɛ̃ Sore ɓɩɛlʋ a, mɛ̃ saa na mɩ́ wa ƴãw a mʋ̃ɔ a. Bɛ bɛ gùre bom za nɩsaal zie ɩ, bɛ bɛ tɩɛrɛ bom páwfʋ nɩsaal zie ɩ.

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Nɩ-toni 19:20

À ŋá n'a a Sore fãw zũú, a Naaŋmɩn ƴɛ̀rʋ tɩ yɛ́rɛ pàwr a be za. Ɛ́ a mɩ́ tɩ sãá kɛ́ a ƴɛ̀rʋ ŋa tɛr'ɩ fãw.

Nɩ-toni 2:33

A Naaŋmɩn dʋrʋ zɛw ʋ na ʋ do. Lɛ so ʋ páw a Vʋʋrʋ Sõw a Naaŋmɩn na ƴãw nʋɔr k'ʋʋ na tɩr'a a. Ʋlɛ n'ʋ ɩ a Vʋʋrʋ Sõw siw põ yaarɩ a tɩ zu, ɛ́ alɛ n'a nyɩ nyɛrɛ ɛ́ wone.

Nɩ-toni 2:41

A bɛlɩ dem na tɩ sàw a Pɩɛr ƴɛ̀rʋ a tɩ de nɩ a suob. A ʋlɩ bibir nɛ a, a nɩbɛ na tɩ sàw de pʋɔ a bɛ pʋɔ a, tɩ faar'a na ta túr-ata (3 000).

Nɩ-toni 21:20

Bɛ na tɩ wõ a ʋ manʋ a, bɛ danɩ nɩ a Naaŋmɩn ɛ́ yel a Pol: «Yɛb i, nyɛ̃, Zifʋ mɩnɛ ta n túre túre na lɩɛbɩ a kɩrɩta-nɩbɛ a. Bɛ za tu n a Naaŋmɩn wulu pùor sɩza.

Nɩ-toni 4:4

A nɩbɛ bɛl na tɩ bɛr wõ a Pɩɛr mɩnɛ ƴɛ̀rʋ a, bɛ yaga zie tɩ sàw na de. Bɛ tɩ faar'a na ta nɩbɛ túr-anũu (5 000).

2 Korɛ̃tɩ 13:4

Sɩza n'a, ʋ tɩ ɩ n bãbàal a lɛn daar bɛ na tɩ kpa ʋ a da-gara zu a, ɛcɛ a Naaŋmɩn fãw ɩ na ʋ vʋʋrɛ. Ɛ́ a tɩɩm na lãw nɩ ʋ a, tɩ mɩ̀ ɩ n bãbàalbɛ, ɛcɛ tɩ na wul nyɩ na a sãá, a Naaŋmɩn fãw na ɩ na tɩ lãw nɩ ʋ ɩ nɩ-vʋʋrɩ.

2 Korɛ̃tɩ 8:12

Bʋ̃ʋ n'ʋ vɛ̃, a fʋ tɩɛrʋ wa sɩrɩ vɩɛl a, Naaŋmɩn mɩ́ sàw na de a bʋ̃-kʋ̀ra ɛ́ bɛ sowre bom fʋ na bɛ tɛr a ɩ, a lɛ fʋ na tɛr a n'a ʋ mɩ́ jɩ́rɛ.

2 Korɛ̃tɩ 8:16

Naaŋmɩn tɛr'ɩ puoru, ʋl na ƴãw a Títɩ̀ ʋ mɩ̀ tʋlɛ a nyɩ ƴãw a.

Efɛɛzɩ 1:4

Ʋ bɛ tɩ ír a tẽ-daa sɛr ɛ, ɛ́ de niwn kaa ír tɩ a Kɩrɩta ƴãw, kɛ́ tɩ wa lɩɛbɩ nɩ-son na bɛ tɛr sãwna bɛ yere a, a ʋ nɔ̃wfʋ pʋɔ, a ʋ niŋé.

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

1 Tesalonikɩ 4:7

Naaŋmɩn bɛ bʋɔlɩ tɩ faalʋ ƴãw ɛ, sonu ƴãw n'a ʋ bʋɔlɩ tɩ.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

Yel-wula 7:9

À á ŋá pùorí, ɩ̃ tɩ jɩ́r'a nyɛ̃ zu-sɛbla nɩr na kʋ̃ tʋ̃ɔ́ sɔ́r bãw bɛ nʋɔr a. Ten za, dɔwlʋ za, nɩ-bʋʋrɛ za nɩ ƴɛ̀r-pɛ-bʋʋrɛ za nɩbɛ tɩ nɛbɛ. Bɛ tɩ àr'ɩ a naalʋ-dà-kɔw nɩ a Pele niŋé, su kpar-wowr pɛlɛ ɛ́ tɛr kpãkparmɛ wuli a nuru pʋɔ.

Ƴɛ̀r-dɩrbɛ 5:2

«A Ɩsɩrayɛl tẽw pʋɔ a, ŋa za cɔbr'a gù a zɛbr, a Naaŋmɩn nɩ-bʋʋrɛ de nɩ bɛ tʋɔra tɩr a zɛbr ƴãw: nyɩ puore a Sore yãanɩ!

Ƴɛ̀r-dɩrbɛ 5:9

A Ɩsɩrayɛl zɛbr-nɩbɛ nɩ-bɛrɛ nɛbɛ ɩ̃ lãw nɩ, nɩ a Naaŋmɩn nɩ-bʋʋrɛ bɛl na sàw de bɛ tʋɔra tɩr a zɛbr ƴãw a. Nyɩ puore a Sore yãanɩ!