Sɛb-sõw yielu 11:4 - A SƐB-SÕW

⁴ — A Sore be n a ʋ Yir-kpɛ̃ɛ sõw pʋɔ. A Sore naalʋ-dà-kɔw be n a salom zu. Ʋ jɩ́rɛ nɩ a nɩsaalbɛ, ʋ mɩ́ jɩ́r'ɩ daadaa bãw bɛ ŋmɛ̃a.

Sɛb-sõw yielu 11:4 ပူးပေါင်းရင်းမြစ်များ

1 Bibie za yel-manɩ 17:5

Bʋ̃ʋ n'ʋ vɛ̃, a ʋlɩ bibir ɩ̃ na ɩ a Ɩsɩrayɛl nɩbɛ yi a Eziptɩ tẽw wa tɩ tɔ dɩ̃a a, ɩ̃ bɛ dãw kpɛ yir pʋɔ ɩ: pɛn-sɛw pʋɔ n'a ɩ̃ tɩ kpɩɛr, ɛ́ mɩ́ yi ka tɩ sãá ka.

2 Bibie za yel-manɩ 16:9

Sɩza n'a, a Sore jɩ́rɛ nɩ a tẽw zu ziir za k'ʋʋ sõw a bɛlɩ dem na nɔnɛ ʋ nɩ bɛ pʋɔ za a. Ɛcɛ ƴɛrɛŋa ʋl a, fʋ ɩ n dãbol-ɩb, alɛ so, dɩ̃a na ta a, zɛbr na lore nɩ a fʋ zu.»

A Zɔb sɛbɛ 24:23

Ɛcɛ, a Naaŋmɩn mɩ́ bɛr ʋ na ʋ tɩɛrɛ k'ʋʋ kʋ̃ bãw damnʋ ɛ, ʋʋ piwre a ʋ cenu.

Sɛb-sõw yielu 103:19

A Sore bin nɩ a ʋ naalʋ-dà-kɔw a salom zu, ʋ dɩrɛ nɩ naalʋ bom za zu.

Sɛb-sõw yielu 113:5

Ãa n'ʋ ŋmɛ̃ taa nɩ a Sore tɩ Naaŋmɩn? Ʋ wɩɛr'a tɩ zɩ̃ a ʋ naalʋ-dà-kɔw zu, a saa-zu,

Sɛb-sõw yielu 139:23

Naaŋmɩn i, jɛl a ɩ̃ pʋɔ bãw mɛ̃, ɩ m kaa, bãw a bom nɛ na ƴãwnɛ mɛ̃ tɩɛrʋ a.

Sɛb-sõw yielu 14:2

A Sore be n a salom zu ɛ́ vuoli k'ʋʋ jɩ́r a nɩsaalbɛ kaa, k'ʋʋ nyɛ̃ yã-bãwnɛ wa be be bɔbr ʋ a.

Sɛb-sõw yielu 18:6

A kpɩmɛ tẽw mie tɩ vili vili mɛ̃ na, a kũu bɛrɩ tɩ be n a ɩ̃ nisɔw.

Sɛb-sõw yielu 2:4

Ɛcɛ a Sore nyɔw nɩ laarʋ, a sob nɛ na zɩ̃ a salom zu a ɩrɛ bɛ na laar.

Sɛb-sõw yielu 33:13

A Sore be n a salom zu ɛ́ jɩ́rɛ, ʋ nyɛrɛ nɩ a nɩsaalbɛ za.

Sɛb-sõw yielu 44:21

Tɩmɛ tɩ yiiri a tɩ Naaŋmɩn yúor bɛr a, tɩmɛ tɩ zɛw a nuru cɔw ŋmɩn-yũo a,

Sɛb-sõw yielu 66:7

Naaŋmɩn dɩrɛ nɩ naalʋ kʋralɛ, a ʋ fãw zũú. Ʋ piwre nɩ a nɩ-bʋʋr-yoru: a nɩ-gaarɩ, bɛ taa wa ɩrɛ pɔ̀l-ɩb ɛ. Tɛw-àrʋ

Sɛb-sõw yielu 9:11

A bɛlɩ dem na bãw fʋ a, bɛ́ ɩrɛ ƴãwn a fʋ ƴãw! Sore e, fʋ bɛ zawrɛ a bɛlɩ dem na bɔbr fʋ a bɛrɛ ɩ.

Zʋkpaɩ 15:3

A Sore mimie be n a ziir za, ʋ mɩ́ jɩ́rɛ nɩ a nɩ-faar nɩ a nɩ-vɩɛlɩ.

Ɩzayi 66:1

À ŋá n'a a Sore yere: «A salom ɩ n a ɩ̃ naalʋ-dà-kɔw ɛ́ a tẽsɔw ɩ a ɩ̃ gbɛ́ɛ dɔwlʋ zie. Yir bʋ̃ʋ n'ʋ nyɩ na tʋ̃ɔ́ ŋmãa kʋ̀ m? A zie n'ɩ buor ɩ na na tʋ̃ɔ́ kpɩɛr a?

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Zeremi 23:24

A Sore sowre na: «Nɩr saa sɔwlɩ a, a mãa, ɩ̃ kʋ̃ nyɛ̃ ʋ bɩɩ? Ɩ̃ be n zie za, a salom zu nɩ a tẽw zu.» À à ŋá n'a a Sore yel.

Mise 1:2

Nyɩɩm nɩ-bʋʋrɛ za a, nyɩ bɛrɛ wone. Tẽw i, cɛlɛ vla, fʋ̃ʋ nɩ bom za na paalɩ fʋ a! A Sore Naaŋmɩn na be n a ʋ kpɛb zie na ɩ sõw a pʋɔ, ɛ́ yere a nyɩ sãwna.

Habakukɩ 2:20

Ɛcɛ a Sore ʋl be n a ʋ yir-sõw pʋɔ. A tẽ-daa za nɩbɛ, bɛ ŋmãa vʋʋrʋ a ʋ niŋé!»

Zakari 2:13

Sɩza, ɩ̃ na wa n a nɩ-bʋʋr-yoru ƴãw: a bɛ gbãgbaar mɩ̀ na fá n a bɛ bome.» A yele á ŋá wa ɩ a, nyɩ na bãw na k'aa Sore Kpɛnʋ-za-sob sɩrɩ n'ʋ tõ m.

Matie 23:21

Nɩr na pɔ n a Ŋmɩn-yir-kpɛ̃ɛ a, ʋ pɔ n nɩ a Ŋmɩn-yir-kpɛ̃ɛ nɩ a Naaŋmɩn na kpɩɛr a ʋ pʋɔ a.

Matie 5:34

Ɛcɛ mãa yere na kʋ̀rɛ nyɩ: nyɩ ta mɩ́ pɔ towtow ɛ! Nyɩ ta mɩ́ pɔ n a salom ɛ, a Naaŋmɩn naalʋ-dà-kɔw n'ʋ.

Nɩ-toni 7:49

“A Sore yel'a: a salom ɩ n a ɩ̃ naalʋ-dà-kɔw, ɛ́ a tẽsɔw ɩ a ɩ̃ gbɛ́ɛ dɔwlʋ zie. Yir buor'ʋ nyɩ na ŋmãa kʋ̀ m? Nyɩnɛ n'a na ɩ a ɩ̃ pɩ̃ɛnʋ zie?

2 Tesalonikɩ 2:4

Bom nɛ za a nɩsaalbɛ na bʋɔlɛ kɛ́ naaŋmɩn, ɛ́ puore ʋ a, a Faalʋ nɩr na ìr'ɩ nɩ pɔ̀lʋ ɩ a ʋ dɔ̃ sob, ʋʋ na tɛr'ɩ lɛɛɛ tɩ kpɛ zɩ̃ a Naaŋmɩn yir-kpɛ̃ɛ pʋɔ, ɛ́ yel k'ʋʋ ɩ n Naaŋmɩn.

Ebre 4:13

Bʋ̃-íra kãw bɛ be be sɔwlɩ a ʋ zie ɩ. Bom za mɩ́ sãá nɩ nyɩraalɛ a ʋ niŋé, ʋ na sowri tɩ nɩ bom.

Yel-wula 4:2

A Naaŋmɩn Vʋʋrʋ tɩ siw mɛ̃ nɩ daadaalɛ. Ɛ́ naalʋ-dà-kɔw n'ɩ ŋan tɩ be a tẽ-vla pʋɔ be. Nɩr kãw tɩ zɩ̃ n a naalʋ-dà-kɔw zu.