Sɛb-sõw yielu 101:5 - A SƐB-SÕW

⁵ Sob nɛ na mɩ́ sɔwlɛ yere a ʋ tɔ a, ɩ̃ na mɩ́ pàw ʋ nɩ a nʋɔr. Sob nɛ tobr na bɛ ka a ʋ taabɛ ƴãw, ʋʋ ɩrɛ pɔ̀l-ɩb a, mãa nɩ ʋl kʋ̃ tʋ̃ɔ́ taa ɩ.

Sɛb-sõw yielu 101:5 ပူးပေါင်းရင်းမြစ်များ

Sɛb-sõw yielu 138:6

A Sore na saa be a saa-zu a, ʋ nyɛrɛ nɩ a bãbàalbɛ, ɛ́ a pɔ̀lʋ dem mɩ́ zãá, ʋʋ nyɛ̃ bɛ bãw.»

Sɛb-sõw yielu 15:3

Ʋ bɛ manɛ a ʋ taabɛ yel-faar ɛ, ʋ bɛ malɛ a ʋ tɔ ɩ, ɛ́ bɛ ƴãwnɛ a ʋ kpɛ-pɩɛl vĩ ɛ.

Sɛb-sõw yielu 18:27

Fʋ vɩɛl'ɩ parpar, nɩr na vɩɛl parpar a zie, ɛ́ wul kɛ́ fʋ cɩ n a yã-faa sob zie.

Sɛb-sõw yielu 50:20

Fʋ mɩ́ zɩ̃ na nyɔw a fʋ yɛb yere, fʋ mɩ́ sãwnɛ nɩ a fʋ yɛb nyɩ na lãw sãà nɩ mã a yúor.

Eziptɩ tẽw yib 20:16

«Fʋ kʋ̃ dɩ dãsɩ-ziri màl a fʋ tɔ ɩ.»

Eziptɩ tẽw yib 23:1

«Nyɩ ta mɩ́ ŋmɛ yele na bɛ ɩ sɩza a yaarɩ nɩ ɛ. Nyɩ ta mɩ́ dɩ dãsɩ-ziri kpɛ sãwna sob ɛ.

Zʋkpaɩ 10:18

A dɔ̃ sɔwlʋ ɩ n nɩsaal-libelibe ɩb, ɛ́ sob nɛ na gɛrɛ a ʋ taabɛ a ɩ n dãbol.

Zʋkpaɩ 20:19

Nɩr na mɩ́ manɛ a ʋ taabɛ yel-faar a mɩ́ ɩ na kɛ̀ yel-sɔwla yi. A na ɩ lɛ a, ta tuur a nɩbɛ na ƴɛ̀rɛ zuo a ɩ.

Zʋkpaɩ 21:4

A jɩɛlʋ, a pɔ̀l-ɩb, alɛ n'a wule a nɩ-faar yel-bier.

Zʋkpaɩ 25:23

A saa-pɛrɩ́-gʋba-lowr sɛsɛb waar'ɩ nɩ saa, ɛ́ a ziri waar'ɩ a taabɛ suur.

Zʋkpaɩ 30:13

Nɩbɛ be n be ɩ pɔ̀lʋ tɛwr, mɩ́ jɩ́rɛ a bɛ taabɛ pɔ̀l-jɩ́rʋ.

Ɩzayi 2:11

A nɩsaal na mɩ́ jɩ́r a pɔ̀l-jɩ́rʋ a, a na fɛr'a ʋ mɩ́ jɩ́r pile, ɛ́ a fɛr a pɔ̀lʋ sob ʋ gũu zu. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Ezekɩɛl 22:9

A fʋ pʋɔ a, bɛ mɩnɛ ŋmarɛ nɩ ziri ƴãwnɛ a bɛ mɩnɛ a bɛ kʋb ƴãw. A bɛlɩ dem na kpɩɛr a fʋ pʋɔ a dɩrɛ nɩ bàwr-maal bʋ̃-dɩrɩ a tan zu, ɛ́ vʋʋrɛ sãsaralɛ.

Levitɩ mɩnɛ 19:16

Nyɩ taa tɛrɛ gɛgɛrʋ a nyɩ tẽ-bi-taabɛ zie ɩ. Nyɩ taa ŋmarɛ ziri ƴãwnɛ nɩr bɛ ƴãwnɛ ʋ kũu dɔwrʋ ɛ. Mãa n'ɩ a Sore.»

Luka 18:14

Mãa n'ʋ yere kʋ̀rɛ nyɩ, a zuru-yar-diere ŋa tɩ páw nɩ a vɩɛlʋ lɛb siw kul'ɩ a ʋ yir, ɛ́ bɛr a Faarizɩ̃ɛ. Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

1 Korɛ̃tɩ 5:11

Ɩ̃ sɛb nyɩ na kɛ́ nyɩ ta pɩɛlɛ nɩr na dɩ kɛ́ kɩrɩta-nɩr a, ʋlɛ wa ɩ pɩ̃ɔ-yel-maalɛ, nɩr na mɩ́ nyɛ̃ a ʋ tɔ bom a mimir zaalɛ a, bɩɩ ʋlɛ wa maalɛ tɩbɛ bɩɩ ɩ gɛgɛra, dã-kuole nɩ nyãnyuge a. Nyɩ mɩ̀ ta mɩ́ lãw nɩ a nɩr ŋa tɔ dɩ bom ɛ.

1 Timote 3:11

A bɛl na ɩ a pɔwbɛ a, a mɩ̀ sɛw na kɛ́ bɛ ƴãwnɛ bɛ tʋɔra. Bɛ ta manɛ a nɩbɛ yel-faar ɛ, ɛ́ mɩ́ nyɔw bɛ tʋɔra a dɩb nɩ a nyub ƴãw, ɛ́ tu a yele za vla taa lɛbr pùor ɛ.

Títɩ̀ 2:3

Lɛ mɩ̀ n'a, yel kʋ̀ a pɔw-nyamɛ kɛ́ bɛ vʋʋrɛ mɛ̃ nɩ-son a. Bɛ ta ɩ gɛgɛrɩ ɛ, ɛ́ ta ɩ dã-nyúurbɛ ɩ. Kɛ́ bɛ wule a vla,

1 Samɩɛl 2:3

Nyɩ ta ƴɛ̀rɛ pɔ̀l-ƴɛ̀rʋ pilpile nɩ ɛ, nyɔka-ƴɛ̀rʋ ta yi a nyɩ nʋɔrɩ́ ɛ, bʋ̃ʋ n'ʋ vɛ̃, a Sore ɩ n Naaŋmɩn na bãw bom za a, ʋ mɩ́ jɛl'ɩ a nɩsaalbɛ ɩ-ɩrɩ za.