Sɛb-sõw yielu 101:3 - A SƐB-SÕW

³ Ɩ̃ bɛ sàwr jɩ́rɛ bom na ɩ faa a ɩ. Ɩ̃ bɛ nɔnɛ a bɛlɩ dem na mɩ́ bɛr a sɔ́r a ɩ-ɩrɩ ɛ, ɩ̃ bɛ pʋɔ be ɩ.

Sɛb-sõw yielu 101:3 ပူးပေါင်းရင်းမြစ်များ

A Zɔb sɛbɛ 31:1

Ɩ̃ tɩ yel'ɩ a ɩ̃ mimie k'aa ta mɩ́ jɩ́r pɔwsɩrale nɩ vʋla ɩ.

Sɛb-sõw yielu 119:113

Ɩ̃ bɛ nɔnɛ a nɩbɛ a tɩɛrʋ na mɩ́ põ a ɩ, a fʋ wulu n'ʋ ɩ̃ nɔnɛ.

Sɛb-sõw yielu 119:37

Ta sàw a ɩ̃ mimie jɩ́rɛ a yel-foli ɛ, ɩ k'ɩ̃ vʋʋrɛ mɛ̃ a lɛ fʋ na bɔbr a.

Sɛb-sõw yielu 125:5

Ɛcɛ a bɛlɩ dem na tuur a sɛ-gõlõgõlõ a, Sore e, diw bɛ bɛr lãw nɩ a yel-fa-maalbɛ! A ƴã-ɓaarʋ, ʋ be a Ɩsɩrayɛl zie!

Sɛb-sõw yielu 139:22

Ɩ̃ hɩ̃ɛn bɛ nɩ tʋ̃tʋba, bɛ lɩɛb'ɩ a mãa mɩŋa dɔ̃ dem.

Sɛb-sõw yielu 14:3

Bɛ za bɛr'ɩ a sɔ́r, bɛ lãw na sãw bɛ za. Kãw za bɛ ɩrɛ vla ɩ, ʋ bɛ ka be ɩ been mɩ̀ ɛ.

Sɛb-sõw yielu 36:3

Ʋ nɔnɛ nɩ ʋ tʋɔra zuo, nɩ ʋ na na sàw a ʋ sãwna, ɛ́ hɩ̃ɛn a sãwna ŋa a.

Sɛb-sõw yielu 39:1

Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ, nɩ Yedutun yielu. Sɛb-sõw yielu Daviir na maalɩ a.

Sɛb-sõw yielu 40:4

Ʋ ƴãw nɩ yiel-paala a ɩ̃ nʋɔrɩ́, a tɩ Naaŋmɩn danʋ yielu. Nɩ-yaga na nyɛ̃ na, bɛ na zɔrɛ nɩ a Sore, ɛ́ bɛ na ƴãw nɩ a bɛ tɩɛrʋ a ʋ ƴãw.

Sɛb-sõw yielu 41:9

«Yel-faa na bɛ tɛr ɩb a n'ʋ páw ʋ, ʋ na gã à ŋá a, ʋ bɛ lɛb ìre ɩ.»

Sɛb-sõw yielu 78:41

Bɛ tɩ lɛb'a maal tĩ ɩrɛ a Naaŋmɩn kaar, ɩrɛ a Ɩsɩrayɛl Naaŋmɩn, na ɩ sõw a, ʋ tɛr pʋ-sãwna.

Sɛb-sõw yielu 78:57

Bɛ tɩ lo n sɔr-faa mɛ̃ a bɛ sãàkʋm-kore a, bɛ bɛ tɩ tu a Naaŋmɩn ɛ, ɛ́ ƴaw lɩɛbɩ mɛ̃ tam na pʋnɩ a.

Sɛb-sõw yielu 97:10

Nyɩɩm na nɔnɛ a Sore a, nyɩ hɩ̃ɛn a faalʋ, ʋ mɩ́ gù n a nɩbɛ na sàw de ʋ a nyɔ-vʋʋrʋ, ʋ mɩ́ faa bɛ nɩ a nɩ-faar nuru pʋɔ.

Eziptɩ tẽw yib 20:17

«Fʋ kʋ̃ bɔbr kɛ́ fʋ̃ʋ nãá so a fʋ tɔ sob yir ɛ. Fʋ kʋ̃ bɔbr kɛ́ fʋ̃ʋ nãá so a ʋ pɔw, a ʋ tõ-tõ-bi-dɛb, a ʋ tõ-tõ-bi-pɔw, a ʋ náab, a ʋ bõw nɩ a ʋ bʋ̃-sora kãw za ɩ.»

Eziptɩ tẽw yib 32:8

A sɔ́r ɩ̃ na tɩ wul bɛ a, bɛ bɛr ʋ nɩ pɛtɛlʋlɛ: bɛ nyɩl'ɩ kure maal'ɩ nále, bɛ gbĩ n dume a ʋ niŋé, ɛ́ maalɩ bagɛ kʋ̀ ʋ, ɛ́ yel: “Nyɛ̃ a tɩ Naaŋmɩn na ɩ kɛ̀ tɩ yi a Eziptɩ a.”

Zʋkpaɩ 6:12

A nɩr na mɩ́ ŋmarɛ a ziri a ɩ n nɩ-bɛ-tɛr-bir, ɩ-fa-maalɛ.

Zʋkpaɩ 6:13

Ʋ mɩ́ kpɩmnɛ nɩ a mimir bɛ̀lɛ nɩ a ʋ taabɛ, ʋ mɩ́ tʋɔr'ɩ a gbɛ́ɛ kabrɛ nɩ, ʋ mɩ́ manɛ na wule nɩ a nobie.

Zʋkpaɩ 6:25

Taa bɔbr a pɔw ŋa tɔ a ʋ vɩɛlʋ zũú ɛ, taa sàwr a ʋ jɩ́rʋ tʋ̃ɔ́ fʋ ɛ.

Zʋkpaɩ 8:13

A Sore zɔba n'ɩ a faa hɩ̃ɛnʋ. Ɩ̃ bɛ nɔnɛ a pɔ̀lʋ, a nyɔka-ɩb, a ɩ-faar nɩ a ziri ɛ.

Ekilezɩasɩ 6:9

A alɩ bome nɛ a fʋ mimir na nyɛ̃ a sa n a bʋ̃-bɔbrɩ fʋ na bɛr a tawr fʋ a. À á ŋá mɩ̀ ɩ n bàlʋ zawla nɩ sɛsɛb diwfʋ.

Ɩzayi 30:11

Nyɩ bɛr a sɔr-vla, nyɩ zãá nɩ a soli-vla. Nyɩ ta cãà ƴɛ̀rɛ a Ɩsɩrayɛl Naaŋmɩn na ɩ sõw a ƴɛ̀rʋ a tɩ zie ɩ!»

Ɩzayi 33:15

— Sob nɛ na tuur a mɩnʋ ɛ́ yere a yel-mɩŋa a n'ʋ. Ʋ mɩ́ zawr'ɩ a tɔnɛ bɛ na mɩ́ ɩ a po-to-fãw-ɩb páw a, ʋ bɛ sàwr a bɛlɩ dem na bɔbr kɛ́ bɛ ŋmɛ ʋ nʋɔr a ɩ. Ʋ mɩ́ pàw nɩ a tobe tɛr, k'ʋʋ ta wõ nɩ-kʋ ƴɛ̀rʋ ɛ. Ʋ mɩ́ pàw nɩ a ʋ mimie, k'ʋʋ ta jɩ́r a yel-faa ɩ.

Zeremi 22:17

Ɛcɛ a fʋ̃ʋ a, a fʋ mɩŋa tɔnɛ tɛwr'a fʋ jɩ́rɛ, nɩbɛ na bɛ sãw a kʋb tɛwr'a fʋ bɔbr, nɩ po-to-fãw-ɩb a nɩbɛ zie.»

Mise 2:2

Bɛlɛ wa bɔbr wɛ̀rʋ a, bɛ mɩ́ de a na. Bɛlɛ wa nyɛ̃ yie bɔbr a a, bɛ mɩ́ de de a na. Bɛ mɩ́ dɔwr'ɩ a yie dem nɩ a bɛ nɩbɛ, a nɩr nɩ a ʋ bʋ̃-sori.

Zakari 8:17

Nyɩ ta mɩ́ tɩ́ɛrɛ kɛ́ nyɩ maalɩ taa faa ɩ, nyɩ zawrɩ a pɔ-ziri pɔb, bʋ̃ʋ n'ʋ vɛ̃, ɩ̃ bɛ nɔnɛ a yele á ŋá taabɛ ɩ, mãa n'ʋ yere, a mãa Sore.»

Matie 5:28

Ɛcɛ mãa yere na kʋ̀rɛ nyɩ: nɩr wa jɩ́rɛ ʋ tɔ pɔw vɔl-jɩ́rʋ a, ʋ gã nɩ ʋ na baarɩ a ʋ tɩɛrʋ pʋɔ.

Ʋrɔm 12:9

Nyɩ nɔnɛ taa sɩza. Nyɩ hɩ̃ɛn a yel-faa ɛ́ tu a yel-vla pùor.

Galasi 4:9

Ɛcɛ ƴɛrɛŋa nyɩ na bãw a Naaŋmɩn a, bɩɩ a Naaŋmɩn na nɩ̃ɛ n'ʋ bãw nyɩ a, ŋmɩŋmɩn za n'a nyɩ lɛb cere a bome á ŋá na bɛ tɛr fãw, bɛ tɛr bom za a zie, bɔbr kɛ́ nyɩ ɩ a gbãgbaar?

Wulu-ayi-sob 13:17

Nyɩ na wob'ɩ a ʋ na-bome za ɓã taa a nɩ-yaga tuor-taa zie nyɩw a bɛr, ɛ́ nyɩw a tẽw bɛr. A na ɩ na mɛ̃ nyɩw-a-za-bàwr'ʋ a Sore nyɩ Naaŋmɩn ƴãw a. A tẽ-kpɛ̃ɛ ŋa na ɩ n debuo gã kʋralɛ. Bɛ bɛ be za na lɛb mɛ ʋ ɛ.

Wulu-ayi-sob 15:9

Ɛcɛ nyɩ gù vla taa wa tɛrɛ tɩɛr-faar yere à ŋá ɩ: «A yome ayopõi sob kʋ̃ yaa kɛ́ ta ɩ, a samɛ lɛb-bɛrʋ yũon.» Nyɩ taa wa kpɛ mimi-kõw a nyɩ yɛb-nã́w sob zie a al ƴãw, ɛ́ bɛ kʋ̀ ʋ bom za ɩ. Alɛ bɛ ɩ lɛ, ʋ nãà mab'a bʋɔlɩ a Sore ƴãw nyɩ, nyɩ ɩ sãwna dem.

Ebre 10:39

A tɩɩm a, tɩ bɛ ɩ nɩbɛ na lɛbr pùor a bɛ bɔrʋ ƴãw a ɩ, tɩ ɩ n nɩbɛ na sàw de a tɩ sɩ́ɩr faafʋ ƴãw a.

Zozue 23:6

A na ɩ à ŋá a, nyɩ kpɛmɛ yaga, ɛ́ sɩrɩ tuur a lɛ za na sɛb a Moyiir wulu sɛbɛ pʋɔ a, nyɩ tuur a, ɛ́ taa bɛrɛ a towtow ɛ.

2 Pɩɛr 2:21

Bʋ̃ʋ n'ʋ vɛ̃, bɛlɛ nɩ̃ɛ bɛ tɩ dãw bãw a mɩnʋ sɔ́r a, alɛ sa bɛ na bãw ʋ baarɩ ɛ́ lɛb zawrɩ a Naaŋmɩn nɔ-ƴãwna sõw bɛ na tɩ lʋɔrɩ kʋ̀ bɛ a bɛr a.

1 Zã 2:19

A nɩbɛ bɛ ŋa yi n a tɩ zie, ɛcɛ bɛ bɛ tɩ ɩ a tɩ nɩbɛ ɩ. Bɛlɛ tɩ sɩrɩ ɩ a tɩ nɩbɛ a, bɛ nãá tɩ cãà na be a tɩ zie. Ɛcɛ bɛ yi na zaa a tɩ pʋɔ, k'aa ɩ cãà kɛ́ bɛ been kãw za bɛ tɩ ɩ a tɩ nɩr ɛ.

1 Samɩɛl 15:11

«Mãa tɩ bãw kɛ́ lɛ a, ɩ̃ kʋ̃ʋ tɩ ɩ a Sawul ʋ ɩ a nãà ɩ, bʋ̃ʋ n'ʋ vɛ̃, ʋ zawrɩ mɛ̃ na bɛr, ɛ́ bɛ tu a lɛ ɩ̃ na yel a ɩ.» A tɩ dam'ɩ a Samɩɛl, ɛ́ a tɩ̃ɩsɔw ɓil za ʋ zɛlɩ a Sore.