Sɛb-sõw yielu 101:2 - A SƐB-SÕW

² Ɩ̃ na ƴãw nɩ fãw cere vla. — Debor'a fʋ na wa a ɩ̃ zie? A ɩ̃ yir pʋɔ a, ɩ̃ na tɛr'ɩ ɩb na vɩɛl a.

Sɛb-sõw yielu 101:2 ပူးပေါင်းရင်းမြစ်များ

Yele-za-pɛr-tib 18:19

Ɩ̃ kaa na ír ʋ k'ʋʋ yel a ʋ bidɛbr nɩ a ʋ yir dem a ʋ pùorí, kɛ́ bɛ sàwr a ɩ̃ nɛ-ƴãwnɩ, tuur a mɩnʋ nɩ a yel-na-tu-sɔr-a. Lɛ n'a ɩ̃ na kʋ̀ ʋ a ʋlɩ bom nɛ ɩ̃ na yel k'ɩ̃ɩ na kʋ̀ ʋ na a.»

2 Samɩɛl 8:15

A Daviir tɩ dɩ n a naalʋ a Ɩsɩrayɛl nɩbɛ za zu. Ʋ tɩ kaarɛ nɩ ʋ a nɩ-bʋʋrɛ za zie mɛ̃ a lɛ a na tu sɔ́r nɩ mɩnʋ a.

1 Na-mɩnɛ 11:4

A Salomɔ̃ na wa kor baar'a, a ʋ pɔwbɛ tɩ taw ʋ na tu n ŋmɩn-yoru puoru, ʋ bɛ tɩ cãà tu a Sore ʋ Naaŋmɩn, nɩ a ʋ pʋɔ za, mɛ̃ a ʋ sãà Daviir a ɩ.

1 Na-mɩnɛ 9:4

Ɛ́ a fʋ̃ʋ a, fʋ̃ʋ wa ɩrɛ a ɩ̃ zie mɛ̃ a fʋ sãà Daviir a, fʋ̃ʋ wa tu m nɩ a fʋ pʋɔ za, ɛ́ cere dẽdẽ a, fʋ̃ʋ wa ɩrɛ a lɛ za ɩ̃ na yere kʋ̀rɛ fʋ a, fʋ̃ʋ wa sàwr a wulu nɩ a tub ɩ̃ na kʋ̀ b a,

2 Bibie za yel-manɩ 15:17

Ɛcɛ ʋ bɛ tɩ ír a maalʋ-ziir bɛr a Ɩsɩrayɛl tẽw pʋɔ ɩ, ʋ na saa tɩ tu a Sore nɩ ʋ pʋɔ za a ʋ nyɔ-vʋʋrʋ daar za a.

2 Bibie za yel-manɩ 30:12

A Zuda naalʋ-tẽw pʋɔ a, a Sore tɩ ɩ na a nɩbɛ lãw taa sàw tu a lɛ a nãà nɩ a ʋ tõ-tõ-bi-bɛrɛ na tɩ yel a.

Sɛb-sõw yielu 101:6

A nɩ-sɩza mɩnɛ a tẽw pʋɔ, bɛlɛ nɛbɛ ɩ̃ na jɩ́rɛ, bɛ tʋ̃ɔ́ mɩ́ lãw nɩ mɛ̃ kaarɛ a yele zie. Sob nɛ ɩb na vɩɛl a, ʋlɛ n'ʋ na ɩ a ɩ̃ tõ-tone.

Sɛb-sõw yielu 119:106

Ɩ̃ pɔ na k'ɩ̃ɩ na tu n a lɛ fʋ na dɩ a ƴɛ̀rʋ nɩ mɩnʋ yel a, ɩ̃ɩ bɛ lɩɛbɛ bɛrɛ ɩ.

Sɛb-sõw yielu 119:115

Nyɩ cen taw zaa a ɩ̃ zie, nyɩɩm yel-fa-maalbɛ bɛ ŋan i, ɩ̃ɩ na sàwr'ɩ a ɩ̃ Naaŋmɩn nɛ-ƴãwnɩ.

Sɛb-sõw yielu 26:11

Mãa a, sãwna bɛ be a ɩ̃ cenu pʋɔ ɩ, zɔ ɩ̃ nɩbaalʋ ɛ́ faa mɛ̃.

Sɛb-sõw yielu 40:17

Bɛlɩ dem za na bɔbr fʋ a, nʋ̃ɔ̀ nɩ cɩlʋ, a tɛr bɛ a fʋ ƴãw, ɛ́ a bɛlɩ dem za na nɔnɛ fʋ, fʋ̃ʋ na ɩ a Faarɛ a, bɛ yere kʋralɛ: «A Sore ɩ n kpɛ̃ɛ!»

Eziptɩ tẽw yib 20:24

Nyɩ na mɛ n tanɛ bàwr-maal-kuur a ɩ̃ ƴãw. A ʋ zu n'a nyɩ na mɩ́ kʋ a nyɩ píir, a nyɩ bʋʋr nɩ a nyɩ nĩi maal'ɩ nyɩw-a-za-bagɛ nɩ lãw-taa bagɛ kʋ̀ m. Ɛ́ mãa a, ɩ̃ na mɩ́ wa na wa maalɩ nyɩ, zie nɛ za ɩ̃ na wul k'ɩ̃ɩ be n be a.

Ɩzayi 38:3

«'Woi! Sore e, ɩ̃ zɛlɛ fʋ na, bãwnɩ a a ɩ̃ ɩb za a fʋ zie na tɩ tori a, ɩ̃ tɩ ɩ n a lɛ na vɩɛl a fʋ zie a kʋralɛ!» A Ezekɩasɩ tɩ kõ na cir mʋta-kʋ̃ɔ yaga.

Wulu-ayi-sob 6:7

Fʋ na zanɩ nɩ a nɩ a fʋ bibiir, fʋ na ƴɛ̀rɛ nɩ a ƴɛ̀rʋ a bɛ zie, a lɛn daar fʋ na zɩ̃ a fʋ yir a, bɩɩ fʋ na cere a sɔ́r zu a, a lɛn daar fʋ na gã bɩɩ fʋ na ìr a.

Zozue 24:15

Ɛcɛ nyɩmɛ bɛ wa bɔbr kɛ́ nyɩ maalɛ a Sore a, nyɩɩm kaa ír a dɩ̃a sob nɛ nyɩ na bɔbr kɛ́ nyɩ maalɛ a: a ŋmɩmɛ al a nyɩ sãà mɩnɛ na maalɩ a Efaratɩ gãwn a n'a bɩɩ a Amoritɩ mɩnɛ sɔgɔ nyɩ na kpɩɛr a ŋmɩmɛ n'a. Mãa nɩ a ɩ̃ yir dem a, a Sore n'ʋ tɩ na maalɛ.»

1 Samɩɛl 22:14

A Ahimelɛkɩ tɩ sɔw nɩ a nãà: «A fʋ tõ-tõ-biir za pʋɔ a, kãw be n be fʋ de a ʋ yele man a Daviir i? Fʋ dɩɛm'ʋ, ʋʋ lɩɛb'ɩ a soja ʋl na gùre fʋ bɛ yire pùor a. A fʋ yir pʋɔ a, nɩr za ƴãwnɛ ʋ na.