Sɛb-sõw yielu 100:2 - A SƐB-SÕW

² Nyɩ tone ʋ nɩ nʋ̃ɔ̀, nyɩ cɩlɛ waar'ɩ a ʋ zie.

Sɛb-sõw yielu 100:2 ပူးပေါင်းရင်းမြစ်များ

1 Na-mɩnɛ 8:66

A dàrʋ ayi sob bibie ani sob, a nãà tɩ bɛr'ɩ a Ɩsɩrayɛl nɩbɛ kɛ́ bɛ lɛb kul a bɛ yie pʋɔ. Bɛ tɩ puor'ɩ a nãà, ɛ́ lɛb kul a bɛ yie pʋɔ, ɛ́ nʋ̃ɔ̀ ɩrɛ bɛ yaga, a bɛ pʋʋr pɛlɩ, a vla za a Sore na tɩ maalɩ a ʋ tõ-tõ-bie Daviir, nɩ a ʋ nɩ-bʋʋrɛ Ɩsɩrayɛl a ƴãw.

2 Bibie za yel-manɩ 29:30

Al pùorí, a nãà Ezekɩasɩ nɩ a nɩ-bɛrɛ tɩ yel'ɩ a levitɩ mɩnɛ kɛ́ bɛ danɩ a Sore nɩ a yielu al a Daviir nɩ a naaŋmɩn-ƴɛ̀r-manɛ Asafʋ na tɩ maalɩ a. Lɛ n'a a levitɩ mɩnɛ tɩ yieli nɩ nʋ̃ɔ̀, al pùorí bɛ gbĩ dume ɛ́ gũu tɩ tɔ tẽw.

2 Bibie za yel-manɩ 31:2

A Ezekɩasɩ tɩ lɛb'a zɩɩlɩ a bàwr-maalbɛ nɩ a levitɩ mɩnɛ palɛ, ɛ́ kʋ̀ ŋa za a ʋ tõ-nʋɔr a ʋ pal pʋɔ. A Ŋmɩn-yir-kpɛ̃ɛ pʋɔ a, a bàwr-maalbɛ nɩ a levitɩ mɩnɛ tɩ so a nyɩw-a-za-bagɛ nɩ a lãw-taa bagɛ maalʋ nɩ a puoru yele na ɩ a Sore danʋ a.

Sɛb-sõw yielu 42:4

A ɩ̃ mʋta-kʋ̃ɔ n'ɩ a ɩ̃ dɩb, mʋ̃tɔ̃w nɩ tɩ̃ɩsɔw, mãa zie bɛ na mɩ́ yere kʋralɛ: «A fʋ Naaŋmɩn wa?»

Sɛb-sõw yielu 71:23

Ɩ̃ na ŋmɩɛr'ɩ bʋ̃-ŋmɩɛrɩ íre nɩ a fʋ yúor, ɩ̃ na cáarɛ na danɛ nɩ fʋ, fʋ na faa mɛ̃ a.

Sɛb-sõw yielu 95:2

Nyɩ ɩ tɩ ta a ʋ niŋé, nɩ barka puoru, nyɩ ɩ tɩ cɛ yielu cɩlɛ danɛ nɩ ʋ.

Wulu-ayi-sob 12:12

A Sore nyɩ Naaŋmɩn zi-sõw pʋɔ be a, nʋ̃ɔ̀ na mɩ́ ɩrɛ nyɩ na, a nyɩɩm, a nyɩ bibiir, a nyɩ tõ-tõ-bi-dɛbr nɩ a nyɩ tõ-tõ-bi-pɔwbɛ, lãwnɩ a levitɩ mɩnɛ na kpɩɛr a nyɩ tẽ-bɛrɛ pʋɔ a, bɛl na bɛ tɛr tẽsɔw bɛ na põ ír kʋ̀ bɛ a nyɩ sɔgɔ a ƴãw.

Wulu-ayi-sob 16:11

Nyɩ na mɩ́ cen nɩ a zie ʋl a Sore na na kaa ír, k'ʋʋ mɩ́ wul k'aa be n'a ʋ be a. A be a, nʋ̃ɔ̀ na mɩ́ ɩrɛ nyɩ na, lãwnɩ a nyɩ bidɛbr nɩ a nyɩ pɔwyaar, a nyɩ tõ-tõ-bi-dɛbr nɩ a nyɩ tõ-tõ-bi-pɔwbɛ, lãwnɩ a levitɩ mɩnɛ na be a nyɩ tẽ-bɛrɛ pʋɔ a, nɩ a nʋʋrɩ na kpɩɛr a nyɩ zie a, a bi-kpebe nɩ a pɔw-kɔbɛ na kpɩɛr a nyɩ sɔgɔ a.

Wulu-ayi-sob 16:14

Nʋ̃ɔ̀ na mɩ́ ɩrɛ nyɩ nɩ a cuw maalʋ ƴãw, nyɩmɛ nɩ a nyɩ bidɛbr nɩ a nyɩ pɔwyaar, nɩ a nyɩ tõ-tõ-bi-dɛbr nɩ a nyɩ tõ-tõ-pɔwbɛ nɩ a levitɩ mɩnɛ, a nʋʋrɩ na kpɩɛr a nyɩ zie a, a bi-kpebe nɩ a pɔw-kɔbɛ na kpɩɛr a nyɩ sɔgɔ a.

Wulu-ayi-sob 28:47

A na ɩ à ŋá a, nyɩmɛ bɛ wa tone a Sore nyɩ Naaŋmɩn nɩ pʋ-pɩɛlʋ, nɩ a nyɩ pʋɔ za, a lɛn daar bom za nãà wa ʋr a nyɩ zie a,

Filib 4:4

Nyɩ cɩlɛ kʋralɛ nyɩ na lãw nɩ a Sore a, ɩ̃ lɛb'a yere: nyɩ cɩlɛ.