Sɛb-sõw yielu 10:4 - A SƐB-SÕW

⁴ A ʋ pɔ̀l-ɩb pʋɔ a, a nɩ-faa bɛ cãà sowre bom za ɩ. «Naaŋmɩn bɛ ka ɩ», a ʋ tɩɛrʋ za n'ɩ a lɛ.

Sɛb-sõw yielu 10:4 ပူးပေါင်းရင်းမြစ်များ

Yele-za-pɛr-tib 6:5

A Sore tɩ nyɛ̃ na k'aa nɩsaalbɛ faalʋ bɛrmɛ nɩ a tẽw zu, kɛ́ bibir za a, tɩɛr-faar tɛwr tɩɛrʋ n'a mɩ́ be a bɛ socie pʋɔ.

A Zɔb sɛbɛ 22:17

Bɛ mɩ́ tɩ yere na càarɛ nɩ a Naaŋmɩn: «Ʋ bɛr tɩ zoom!» Ʋlɛ n'ɩ a Kpɛnʋ-za-sob, ɛcɛ bʋ̃ʋ n'ʋ ʋ na tʋ̃ɔ́ ɩ tɩ?

Sɛb-sõw yielu 101:5

Sob nɛ na mɩ́ sɔwlɛ yere a ʋ tɔ a, ɩ̃ na mɩ́ pàw ʋ nɩ a nʋɔr. Sob nɛ tobr na bɛ ka a ʋ taabɛ ƴãw, ʋʋ ɩrɛ pɔ̀l-ɩb a, mãa nɩ ʋl kʋ̃ tʋ̃ɔ́ taa ɩ.

Sɛb-sõw yielu 18:27

Fʋ vɩɛl'ɩ parpar, nɩr na vɩɛl parpar a zie, ɛ́ wul kɛ́ fʋ cɩ n a yã-faa sob zie.

Sɛb-sõw yielu 27:8

Ɩ̃ tɩ́ɛrɛ nɩ a ƴɛ̀rʋ ŋa fʋ na ƴɛ̀r a: «Nyɩ bɔbr a ɩ̃ niwn». Sore e, a fʋ niwn n'ʋ ɩ̃ bɔbr k'ɩ̃ɩ nyɛ̃.

Sɛb-sõw yielu 36:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. A Sore tõ-tõ-bie Daviir so ʋ.

Sɛb-sõw yielu 53:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Ʋ yiele na mɛ̃ nɩbaal-yielu a. Daviir yielu na wule yã a.

Sɛb-sõw yielu 73:11

A nɩbɛ bɛ ŋa yere na: «Ŋmɩŋmɩn n'a a Naaŋmɩn na tʋ̃ɔ́ bãw? A Naaŋmɩn-na-do-saa-bɛ-pɩɛl-a bãw nɩ bom ɩ?»

Eziptɩ tẽw yib 5:2

A Faarawɔ̃ tɩ sɔw na: «Ãa n'ɩ a Sore ŋa, ɩ̃ na sàw a ʋ nʋɔr bɛr a Ɩsɩrayɛl nɩbɛ bɛ cen? Ɩ̃ bɛ bãw a Sore ŋa ɩ, ɛ́ kʋ̃ bɛr a Ɩsɩrayɛl nɩbɛ bɛ cen ɛ!»

Zʋkpaɩ 21:4

A jɩɛlʋ, a pɔ̀l-ɩb, alɛ n'a wule a nɩ-faar yel-bier.

Zʋkpaɩ 30:13

Nɩbɛ be n be ɩ pɔ̀lʋ tɛwr, mɩ́ jɩ́rɛ a bɛ taabɛ pɔ̀l-jɩ́rʋ.

Zʋkpaɩ 30:9

Bʋ̃ʋ n'ʋ vɛ̃, mãa wa tɛr a zuo a, ɩ̃ na tʋ̃ɔ́ na zawrɩ fʋ bɛr, yere nɩ: «Ãa n'ɩ a Sore?», bɩɩ mãa wa ɩ nã́w sob zuo a, ɩ̃ na tʋ̃ɔ́ na lɩɛbɩ nyãnyuwe sãw a ɩ̃ Naaŋmɩn yúor.

Ekilezɩasɩ 8:11

Nɩr na maalɩ faa a bɛ mɩ́ nyɛ̃ dɔwrʋ a pɛr nɛ pʋɔ ɩ. Alɛ n'a so a nɩsaal socir paalɩ a tɩɛr-faar tɛwr.

Ɩzayi 2:11

A nɩsaal na mɩ́ jɩ́r a pɔ̀l-jɩ́rʋ a, a na fɛr'a ʋ mɩ́ jɩ́r pile, ɛ́ a fɛr a pɔ̀lʋ sob ʋ gũu zu. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Ɩzayi 3:9

A bɛ niŋe ŋmɛ̃a dɩ n a dãsɩɛ nyɔw bɛ. Mɛ̃ a Sodɔm tẽw dem a, bɛ bɛ sɔwlɛ a yel-bebe ɩ, bɛ ƴɛ̀rɛ nɩ a ƴɛ̀rʋ a nɩbɛ za niŋé. Nyɛ̃ baw-bio a, bɛ cɔbrɛ nɩ a bɛl mɩŋa kpɩɛrʋ!

Ɩzayi 59:7

A nyɩ gbɛ́ɛ zɔrɛ na wɩɛr a faa maalʋ, nyɩ zɔrɛ na páwr a nɩr na bɛ sãw a kʋb ƴãw. Faa maalʋ tɩɛrʋ tɛwr'a nyɩ tɩɛrɛ. Zie nɛ za nyɩ na tɔlɛ a, a mɩ́ ɩ n po-to-fãw-ɩb nɩ yel-sãwnɩ.

Ɩzayi 65:2

Ɩ̃ tur'ɩ nũu kʋralɛ cɔw nɩ-bʋʋrɛ na gaarɩ a, nɩbɛ na tuur sɔr-faa ɛ́ ɩrɛ lɛ tɛwr bɛ na tɩɛrɛ a.

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Sofoni 1:12

A ʋlɩ daar nɛ a, ɩ̃ na tɔ̃w nɩ vũu bɔ n a Zerizalɛm tẽw za pʋɔ. Ɩ̃ na ìr'ɩ a nɩbɛ bɛl bom za na bɛ damnɛ a ƴãw, bɛl na ɩ mɛ̃ dãa na tewli gã a dã-pɛr zu a. Bɛ yere nɩ à ŋá: “A Sore kʋ̃ tʋ̃ɔ́ ɩ bom za ɩ, a vla n'a bɩɩ a faa n'a a!”

Sofoni 2:3

Nyɩ bɔbr a Sore, nyɩɩm tẽw bãbàalbɛ za a, nyɩɩm na sàwr a ʋ nɛ-ƴãwnɩ a. Nyɩ bɔbr a mɩnʋ, nyɩ bɔbr a tʋɔra-siwru. Kapaw, nyɩ nãà cɩ̃ɛ nɩ a Sore suur ìru bibir.

Markɩ 7:21

Sɩza n'a, a nɩsaal pʋ̃ɔmɩ, a ʋ socir pʋɔ n'a a tɩɛr-faar za mɩ́ yi: a nɩ-fa-ɩb, a nyãnyuwlu, a nɩbɛ kʋb,

Nɩ-toni 8:22

A na ɩ lɛ a, zawrɩ a fʋ yel-faa ŋa bɛr ɛ́ puori a Sore: a mɩnɛ kãw, ʋ na dɩ n a tɩɛr-faa ŋa na wa a fʋ zie a sãwna suur kʋ̀ b.

Ʋrɔm 1:21

Bʋ̃ʋ n'ʋ vɛ̃, bɛ bãw nɩ a Naaŋmɩn ɛ́ bɛ zɛw a ʋ yúor-vɩɛlʋ-danʋ ɛ, bɛ puor'ʋ yãanɩ na sɛw taa nɩ ʋ a ɩ. A bɛ tɩɛrʋ nɩ̃ɛ na lɩɛbɩ tɩɛr-zawlɛ, ɛ́ a bɛ gẽgẽ-yã be lige pʋɔ ʋ za.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Efɛɛzɩ 2:12

Nyɩ lɛb tɩɛrɩ bãwnɩ a k'aa lɛn daar nyɩ bɛ tɩ bãw a Kɩrɩta ɩ, bɛ bɛ tɩ sɔ́r nyɩ ƴãw a Ɩsɩrayɛl bʋʋrɛ pʋɔ ɩ, nyɩ tɩ ɩ n sãanbɛ a Wõ-taa ƴãw a Naaŋmɩn na ƴãw nʋɔr maal'ɩ a ʋ nɩ-bʋʋrɛ a, nyɩ bɛ tɩ ƴãw a nyɩ tɩɛrʋ bom kãw za ƴãw ɛ, ɛ́ bɛ tɛr Naaŋmɩn a tẽw zu ɛ.

Wulu-ayi-sob 8:14

A lɛn daar a, nyɩ gù vla taa ɩrɛ pɔ̀lʋ tɩ yiir'ɩ a Sore nyɩ Naaŋmɩn na n'ʋ ɩ nyɩ yi a Eziptɩ a ɩ, a be nyɩ na tɩ ɩ gbãgbaar a.