Sɛb-sõw yielu 10:18 - A SƐB-SÕW

¹⁸ kɛ́ fʋ wul a bi-kpieb nɩ a sob nɛ bɛ na ɩrɛ a kpɩɛr a yel-mɩŋa. Lɛ n'a nɩsaal za kʋ̃ lɛb ɩ po-to-sob a tẽw zu ɛ.

Sɛb-sõw yielu 10:18 ပူးပေါင်းရင်းမြစ်များ

Sɛb-sõw yielu 10:14

Fʋ̃ʋ a, fʋ nyɛrɛ nɩ a nã́w sob kpɩɛrʋ nɩ a ʋ wʋ̀ʋr, fʋ cɛlɛ nɩ be na tu a ʋ yele pùor. Fʋ zie n'a a bãbàal mɩ́ ƴãw a ʋ tɩɛrʋ za, ɛ́ fʋ̃ʋ n'ʋ mɩ́ sõw a bi-kpieb.

Sɛb-sõw yielu 17:14

A fʋ zɛbr-sɔ-kpɛ̃ɛ, ʋ baarɩ bɛ! Baa kʋ bɛ nɩ a fʋ nũu. A bɛ bom a nɩ-vʋʋrɩ pʋɔ a, ʋ ɩ bɛ na na kʋ̃ pʋɔ a nyɔ-vʋʋrʋ pʋɔ a. Ɩ kɛ̀ bɛ nyũ a kʋ̃ɔ-tuo fʋ na bin gùre nɩ bɛ a. A bɛ bibiir, bɛ nyũ a tɩ sɛw, ɛ́ bɛr a ŋmãa kʋ̀ a bɛ yan!

Sɛb-sõw yielu 72:4

A nãà, ʋ mɩ́ kpɛ a nɩ-bʋʋrɛ bãbàalbɛ, ʋ mɩ́ ɩ a nan dem faarɛ, ɛ́ mɩ́ ƴɛ́r a sob nɛ na dɔwrɛ bɛ a ŋmɛr!

Sɛb-sõw yielu 74:21

A bɛlɩ dem bɛ na dɔwrɛ a, bɛ ta lɛb'ɩ vĩ ɛ. A nan dem nɩ a nɩ-kɔmɛ, bɛ nɩ̃ɛ danɛ fʋ.

Sɛb-sõw yielu 82:3

Nyɩ mɩ́ dɩ a ƴɛ̀rʋ kʋ̀ a bãbàal nɩ a bi-kpieb, nyɩ mɩ́ dɩ a ƴɛ̀rʋ kʋ̀ a kpɩɛrʋ sob nɩ a nɩ-kɔmɛ a tu yel-mɩŋa.

Sɛb-sõw yielu 9:9

Ʋlɛ n'ʋ dɩrɛ nɩ a tẽ-daa a ƴɛ̀rʋ nɩ mɩnʋ, ɛ́ mɩ́ bãw a nɩ-bʋʋrɛ yele kʋ̀ bɛ a tu sɔ́r.

Ɩzayi 11:4

Ʋ na mɩ́ dɩ n a ƴɛ̀rʋ nɩ mɩnʋ kʋ̀ a bãbàalbɛ, ʋ na mɩ́ yel'ɩ a lɛ-na-tu-sɔr-a kʋ̀ a tẽw nan dem. A ʋ ƴɛ̀rʋ na mɩ́ va n a tẽw mɛ̃ dabɔl a, a ʋ nʋɔr pɩɛlʋ na mɩ́ kʋ n a nɩ-faa.

Luka 16:25

Ɛcɛ a Abraham tɩ yel ʋ na: “Ɩ̃ bie e, lɛb tɩɛrɩ bãwnɩ fʋ na páw a nʋ̃ɔ̀ a fʋ tẽw zu nyɔ-vʋʋrʋ pʋɔ, ɛ́ a Lazaar páw a tuo a. Ƴɛrɛŋa a, ʋ nyɛrɛ nɩ mɔwlʋ a ka, ɛ́ fʋ mɩ̀ nɩ̃ɛ wone tuo.

Wulu-ayi-sob 10:18

Ʋ mɩ́ kpɛ n a bi-kpebe nɩ a pɔw-kɔbɛ, ɛ́ ɩ a ʋ nɔ̃wfʋ ʋ sãá a nʋʋrɩ na kpɩɛr a nyɩ pʋɔ a zie, mɩ́ kʋ̀ bɛ bʋ̃-dɩrɩ nɩ bʋ̃-suuri.