Ʋrɔm 9:3 - A SƐB-SÕW

³ Yel-mɩŋa, a ɩ na mɛ̃ ɩ̃ nãá ɩ nɩr bɛ na ŋmɛ ƴãw a, ɛ́ mãa nɩ a Kɩrɩta bʋ́r taa ɩ̃ lɩɛrɩ a ɩ̃ yɛbr a, a bɛl na ɩ a ɩ̃ bʋʋrɛ a.

Ʋrɔm 9:3 ပူးပေါင်းရင်းမြစ်များ

Yele-za-pɛr-tib 29:14

A Labã tɩ yel ʋ na: «Ɩ̃ yir nɩr sɩrɩ nɛ b, zɩ̃ɩ-been n'ɩ tɩ.» A Zakɔb tɩ kpɛ n cuw-ɓil a Labã zie.

Eziptɩ tẽw yib 32:32

Ɩ̃ zɛlɛ fʋ nɩ yãayãa, dɩ suur kʋ̀ bɛ! Alɛ bɛ ɩ lɛ, fʋ̃ʋ sãw a ɩ̃ yúor fʋ na sɛb a nyɔ-vʋʋrʋ sɛbɛ pʋɔ a bɛr.»

Nɩ-toni 13:26

«Yɛbr i, nyɩɩm na ɩ a Abraham bʋʋrɛ a, nɩ nyɩɩm na be a ka pʋɔ a Naaŋmɩn puoru pʋɔ a, tɩɩm za nɛbɛ bɛ tõ bɛ wa yel a faafʋ ƴɛ̀rʋ ŋa kʋ̀.

Nɩ-toni 22:5

A bàwr-maal-kara nɩ a nɩ-kore lãw nɩbɛ za na tʋ̃ɔ́ na dɩ a yele á ŋá dãsɩɛ. Bɛlɛ nɛbɛ tɩ kʋ̀ m sɛb-tʋɔlɩ a tɩ yɛbr ƴãw, a lɛn daar ɩ̃ na tɩ cen a Damasɩ, ɛ́ bɛ tõ m k'ɩ̃ɩ tɩ nyɔw a bɛl na be a be a, 'lẽ wa n a Zerizalɛm bɛ wa ƴãw bɛ dɔwrʋ a.»

Nɩ-toni 28:21

Bɛ tɩ sɔw na yel ʋ: «Tɩ bɛ páw sɛbɛ za ʋ yi a Zude wa manɛ a fʋ yele ɩ, ɛ́ tɩ yɛb kãw mɩ̀ bɛ yi a be wa ta manɩ yel kʋ̀ tɩ a fʋ ƴãw, bɩɩ manɩ yel-faa ʋ na wõ a fʋ ƴãw a ɩ.

Ʋrɔm 1:3

Ʋ càar'ɩ a ʋ Bie, a tɩ Sore Yeezu Kɩrɩta: Daviir bʋʋrɛ nɩr tɩ n'ʋ a ʋ nɩsaalɛ dɔwlʋ pʋɔ,

Ʋrɔm 11:1

A na ɩ à ŋá a, sowru n'a ɩ̃ sowre: a Naaŋmɩn ya jɛ n a ʋ nɩ-bʋʋrɛ Ɩsɩrayɛl bɛr a baarɩ bɩɩ? Lɛ bɛ n'a towtow ɛ! Bʋ̃ʋ n'ʋ vɛ̃, a mãa tɔr za ɩ n Ɩsɩrayɛl nɩr, Abraham bʋʋrɛ, Bɛ̃zamɛ dɔwlʋ nɩr.

Ʋrɔm 11:14

tɩɛrɛ nɩ k'ɩ̃ɩ ɩ a ɩ̃ bʋʋrɛ nyuur ìr, ɩ̃ tʋ̃ɔ́ faa bɛ mɩnɛ.

Ʋrɔm 16:11

Nyɩ puori a ɩ̃ nɩr Erodɩ̃ɔ, ɛ́ mɩ̀ lɛb puori Narsɩsɩ yir dem na sàw de a Sore a.

Ʋrɔm 16:21

A ɩ̃ lãw-tõ-tɔ Timote puore nyɩ na, ʋlɛ nɩ Lisiisɩ nɩ Zazɔ̃ nɩ Sosipatɛɛr na ɩ a ɩ̃ nɩbɛ a.

Ʋrɔm 16:7

Nyɩ puori Ãdoronikisɩ nɩ Zinɩasɩ na ɩ a ɩ̃ nɩbɛ, ɛ́ lãw nɩ mɛ̃ kpɛ a gaso a. Nɩ-toni na ɩ nɩ-toni a nɛbɛ, ɛ́ bɛ mɔ̃ mɩ̀ de nɩ niwn sàw de a Kɩrɩta a ɩ̃ ƴãw.

Ʋrɔm 9:2

kɛ́ pʋ-sãwna tɛr mɛ̃ nɩ yaga, ɛ́ 'wɔbrʋ kãw 'wɔbr mɛ̃ bɛ tɛr bɛ́rʋ daar ɛ.

1 Korɛ̃tɩ 12:3

Alɛ n'a so ɩ̃ bɔbr kɛ́ nyɩ bãw a yel ŋa: nɩr za Naaŋmɩn Vʋʋrʋ na ƴãw ʋ ƴɛ̀rɛ a, ʋ bɛ yere: «A Yeezu, ʋ ɩ nɩ-ŋmɛ-ƴãwna ɩ!», ɛ́ alɛ bɛ ɩ a Vʋʋrʋ Sõw zũú a, nɩr kʋ̃ tʋ̃ɔ́ yel: «A Yeezu ɩ n Sore ɩ!»

1 Korɛ̃tɩ 16:22

Nɩr bɛ wa nɔnɛ a Sore a, ʋ ɩ nɩ-ŋmɛ-ƴãwna. Marana ta (Tɩ Sore e, wa!)

2 Korɛ̃tɩ 12:15

Ɛ́ mãa a, mãa saa na sãw a ɩ̃ bʋ̃-tɛrɩ za bɛr a nyɩ ƴãw, ɛ́ de ɩ̃ tʋɔra za tɩr a nyɩ ƴãw a, nʋ̃ɔ̀ na kpɩɛr mɛ̃ na. Mãa wa nɔnɛ nyɩ sɛw à ŋá a, nyɩ na sàw na bɛ nɔ̃w mɛ̃ man a lɛ bɩɩ?

Galasi 1:8

Ɛcɛ nɩr wa ɩ mɛ̃ ʋ manɛ nɩ Yel-nʋ̃ɔ̀ kʋ̀rɛ nyɩ, na bɛ ɩ a ʋl tɩ na manɩ kʋ̀ nyɩ a, tɩmɛ saa nɛbɛ bɩɩ malkɩ na yi salom zu a saa n'ʋ a, a Naaŋmɩn ŋmɛ-ƴãw, a tuur ʋ!

Galasi 1:9

Tɩ tɩ dãw na yel kʋ̀ nyɩ, ɩ̃ɩ lɛb yere kʋ̀rɛ nyɩ a ƴɛrɛŋa: nɩr wa manɛ Yel-nʋ̃ɔ̀ kʋ̀rɛ nyɩ na bɛ ɩ a ʋl nyɩ na wõ a, a Naaŋmɩn ŋmɛ-ƴãw, a tuur ʋ!

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

Efɛɛzɩ 6:5

Gbãgbaar i, nyɩ sàwr a nyɩ tẽw zu ka nɩbɛ na so nyɩ a nʋɔr, nɩ ƴãwfʋ nɩ zɔba, nɩ nyɩ pʋɔ za mɛ̃ a Kɩrɩta nʋɔr'ʋ nyɩ sàwr a.

Wulu-ayi-sob 21:23

A ʋ ƴã-gan bɛ ganɛ a tɩɛ zu a tɩ̃ɩsɔw ɛ. A fɛr'a kɛ́ nyɩ ũù ʋ a ʋlɩ bibir nɛ tɔr za. Bʋ̃ʋ n'ʋ vɛ̃, kũu na yawlɩ tɩɛ zu à ŋá a, ʋ bʋɔlɛ nɩ Naaŋmɩn ŋmɛ-ƴãw ƴãwn a tẽw. A na ɩ à ŋá a, nyɩ gù vla taa dɛwr a tẽw a Sore nyɩ Naaŋmɩn na kʋ̀rɛ nyɩ kɛ́ nyɩ so a bɛrɛ ɩ.

1 Samɩɛl 14:24

A ʋlɩ bibir nɛ a, a Ɩsɩrayɛl nɩbɛ tɩ wõ n tuo, bʋ̃ʋ n'ʋ vɛ̃, a Sawul tɩ ŋmɛ na ƴãw bɛ yel: «Mãa bɛ wa tɩ tʋ̃ɔ́ a ɩ̃ dɔ̃ dem baar, ɛ́ nɩr wa dɩ bom, ɛ́ a zaanʋɔra bɛ ta a, ŋmɛ-ƴãw, a páw ʋ.» Lɛ so, nɩr za bɛ tɩ dɩ bom za ɩ.

1 Samɩɛl 14:44

A Sawul tɩ yel'a: «Zonatã a, a Naaŋmɩn, ʋ dɔwrɩ mɛ̃, ɛ́ lɛb maal dɔwrɩ, fʋ̃ʋ bɛ wa kpi a!»