Ʋrɔm 9:22 - A SƐB-SÕW

²² Naaŋmɩn tɩ bɔbr'a k'ʋʋ wul a ʋ suur, ɛ́ ɩ kɛ̀ bɛ bãw a ʋ kpɛnʋ. A bɛlɩ dem a na tɩ sɛw k'ʋʋ nyɛ̃ nɩ suur a, ɛ́ bɛ tɩ ta a dɔwrʋ kerkerlɛ a, ʋ nyɔw nɩ ʋ tʋɔra yaga a bɛ ƴãw.

Ʋrɔm 9:22 ပူးပေါင်းရင်းမြစ်များ

Yele-za-pɛr-tib 15:16

A dɔw-lɩɛr-taa gb'a anaar sob daar'a a fʋ bʋʋrɛ na lɛb wa a ka. Bʋ̃ʋ n'ʋ vɛ̃, a Amoritɩ mɩnɛ ɩ-faar cãà bɛ ta a tab zie ɩ̃ na diw bɛ bɛr ɛ.»

Sɛb-sõw yielu 90:11

Ãa n'ʋ bãw a lɛ a fʋ suur na sɛw a? Ʋ ɩ n kpɛ̃ɛ sɛw a lɛ tɩ na ƴãwnɛ fʋ a.

Eziptɩ tẽw yib 9:16

Ɛcɛ ɩ̃ bɛr fʋ na fʋ cãà k'ɩ̃ɩ wul a ɩ̃ kpɛnʋ, ɛ́ a ɩ̃ yúor yi a tẽw zu ziir za.

Zʋkpaɩ 16:4

A Sore tɛr'ɩ tɩ́ɛrʋ maal'ɩ bom za. Ʋ ír'ɩ a nɩ-faar tɛɛ za a dɔwrʋ bibir ƴãw.

A Lãw-mʋɔlɛ 3:22

A Sore vɩɛlʋ-ɩb bɛ baar ɛ, ʋ bɛ wul a ʋ nɔ̃wfʋ baarɩ ɛ.

Sɔr-nɛ́ɛ 14:11

A Sore tɩ yel'ɩ a Moyiir: «Debor daar'a a nɩbɛ bɛ ŋa na jɛ m bɛr tɩ ta? Debor daar'a bɛ na zawrɩ a ɩ̃ sàw-deb tɩ ta, bɛ na saa nyɛ̃ a ɩ̃ fãw bãwfʋ ɩ̃ na maalɩ a bɛ sɔgɔ a?

Sɔr-nɛ́ɛ 14:18

“Mãa n'ɩ a Sore na nyɔwr a ɩ̃ suur, ɛ́ a nɔ̃wfʋ bɛ dɩ vuo a. Ɩ̃ mɩ́ nyɔw nɩ ɩ̃ tʋɔra a yel-bebe nɩ a nɛ́ɛ-zawrʋ ƴãw. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bebe a, ɩ̃ mɩ́ dɔwr'ɩ a ʋ bʋʋrɛ a ʋ yel-bebe ƴãw tɩ ta bɛ na dɔw tu taa ta gb'a ata bɩɩ gb'a anaar a.”

Ʋrɔm 1:18

A Naaŋmɩn suur sɩrɩ na ìre a salom zu sãá, a nɩsaalbɛ naaŋmɩn-bɛ-ƴãwfʋ ɩb za ƴãw, nɩ a bɛ ɩb za na bɛ tu sɔ́r a ƴãw, bɛl na mɩ́ piwr a yel-mɩŋa tɛrɛ nɩ ɩ-ɩrɩ na bɛ tu yel-mɩŋa a.

Ʋrɔm 9:17

A Sɛb-sõw pʋɔ a, Naaŋmɩn yel'ɩ à ŋá a Eziptɩ tẽw nãà Faarawɔ̃ zie: «Ɩ̃ ɩ na fʋ ɩ a nãà, k'ɩ̃ɩ tʋ̃ɔ́ wul a ɩ̃ kpɛnʋ a fʋ zie, ɛ́ a ɩ̃ yúor yi a tẽw zu ziir za.»

Ʋrɔm 9:20

Ɛcɛ ãa nɩ̃ɛ nɛ b, nɩsaal i, na ƴɛ̀rɛ lɩɛrɛ nɩ a Naaŋmɩn? Yawra bʋ̃-mɩɛra na tʋ̃ɔ́ na yel a ʋ mɩɛrɛ kɛ́ bʋnʋ ƴãw n'a ʋ mɛ ʋ à à ŋá bɩɩ?

Ʋrɔm 9:21

A yawr-mɩɛrɛ bɛ tɛr sɔ́r na ɩrɛ lɛ za ʋ na bɔbr a nɩ a yawra bɩɩ? Ʋ kʋ̃ tʋ̃ɔ́ mɛ bom na tɛr yúor a, bɩɩ bom na ɩ sãsaralɛ a, nɩ a yawr-been ʋ na naw a bɩɩ?

1 Tesalonikɩ 2:16

Bɛ bɛ sàwr tɩ na ƴɛ̀rɛ a Naaŋmɩn ƴɛ̀rʋ kʋ̀rɛ a nɩ-bʋʋr-yoru bɛ nyɛ̃ a faafʋ ɛ, à ŋá n'a bɛ ɩ a yel-bebe bɛ na maalɛ kʋralɛ a nʋɔr paalɩ. Ɛcɛ a Naaŋmɩn suur wa lo n a bɛ zu a baarʋ daar.

1 Tesalonikɩ 5:9

Bʋ̃ʋ n'ʋ vɛ̃, a Naaŋmɩn bɛ ír tɩ ƴãw a ʋ suur ƴãw ɛ, ʋ ír tɩ na ƴãw kɛ́ tɩ wa páw a faafʋ a tɩ Sore Yeezu Kɩrɩta ƴãw.

2 Timote 2:20

Yir-kpɛ̃ɛ pʋɔ a, a pɔw-bome bɛ mɩ́ ɩ salm-pla nɩ salm-zɩɛ tɛwr ɛ, dàar dem nɩ yawra dem mɩ̀ mɩ́ be n be. A mɩnɛ a bibi-bɛrɛ ƴãw, ɛ́ a mɩnɛ a bibie za ƴãw.

1 Pɩɛr 2:8

«Ɛ́ ɩ a kʋsɩɛr ʋl ƴãw bɛ na mɩ́ ŋmɩɛr gbɛ́ɛ a, pìir kʋsɩɛr na ɩrɛ bɛ lore a.» A bɛlɩ dem na bɛ sàw de a, bɛ ŋmɩɛr'ɩ gbɛ́ɛ a ʋ ƴãw, a bɛ na bɛ sàw de a Naaŋmɩn ƴɛ̀rʋ a zũú. Ɛ́ lɛ n'a a tɩ fɛr k'aa ɩ a bɛ zie.

1 Pɩɛr 3:20

a pɛr lɛ kɛ́ a bɛlɩ dem na tɩ dãw zawrɩ a Naaŋmɩn ƴɛ̀rʋ sàwfʋ a lɛn daar ʋ na tɩ nyɔw a ʋ suur, a bibie al a Nowe na tɩ maalɛ a gbor-kpɛ̃ɛ a. Nɩbɛ blãlelɛ tɛwr nɛbɛ, bɛ za tɩ ɩ n nɩbɛ ani, bɛlɛ nɛbɛ tɩ kpɛ a gbor-kpɛ̃ɛ pʋɔ a kʋ̃ɔ fáa bɛ.

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.

2 Pɩɛr 2:9

A wul'a k'aa Sore na tʋ̃ɔ́ na faa a bɛlɩ dem na ƴãwnɛ ʋ a bɛr a tuo pʋɔ, ɛ́ tɛr a nɩ-faar gùre nɩ a ƴɛ̀rʋ-maalʋ bibir, k'ʋʋ ƴãw bɛ dɔwrʋ.

2 Pɩɛr 3:15

Nyɩ bãwnɩ a, a Sore wa nyɔw ʋ tʋɔra kɔwrɩ a, a nyɩ faafʋ n'a, mɛ̃ a lɛ a tɩ yɛb nɩ a tɩ bá Pol na sɛb kʋ̀ nyɩ nɩ a yã-bãwfʋ a Naaŋmɩn na kʋ̀ ʋ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:4

Bʋ̃ʋ n'ʋ vɛ̃, nɩ-faar kãw wa na wa sɔwlɩ kpɛ a nyɩ pʋɔ. Bɛ mɩ́ de nɩ a tɩ Naaŋmɩn-maalʋ tu n zi-yoru, bɔbr'ɩ kɛ́ bɛ wul kɛ́ bɛ tɛr'ɩ yel-mɩŋa a bɛ pɩ̃ɔ-ɩb pʋɔ, ɛ́ bɛ sàwr dier a tɩ Sore Yeezu Kɩrɩta na ɩ a tɩ Wul-wul-kara been yõ a ɩ. Koro za n'a a Sɛb-sõw manɛ a dɔwrʋ na na lo a bɛ zu a.