Ʋrɔm 9:11 - A SƐB-SÕW

^11-12 Ɛcɛ Naaŋmɩn mɩ́ kaa na ír a nɩbɛ tu n a lɛ ʋ na cɔbrɩ a yele bin a: a ʋ kaa-íru mɩ́ tu n a bʋɔlʋ ʋ na bʋɔlɛ bɛ a, ʋ bɛ mɩ́ tu a bɛ ɩ-ɩrɩ ɛ. A Naaŋmɩn na bɔbr k'ʋʋ wul k'aa lɛ ʋ na cɔbrɩ a yele bin a, a gã nɩ kʋralɛ a, ʋ tɩ yel'ɩ a Erebeka, a lɛn daar a ʋ yɩbr na bɛ tɩ dɔw sɛr, ɛ́ mɩ̀ bɛ tɩ maalɩ vla bɩɩ faa sɛr a: «A kpɛ̃ɛ na ɩ n a bile tõ-tone.»

Ʋrɔm 9:11 ပူးပေါင်းရင်းမြစ်များ

Sɛb-sõw yielu 51:5

Ɩ̃ bɛ sàw a fʋ nʋɔr ɛ, ɩ̃ bãwnɩ a na, a ɩ̃ yel-bier'ɩ ŋan a ɩ̃ niŋé kʋralɛ.

Ɩzayi 14:24

A Sore, a kpɛnʋ-za-sob, pɔ na yel à ŋá: «A lɛ ɩ na tɩ́ɛrɩ a, lɛ n'a a na ɩ, a lɛ ɩ̃ na yel a, lɛ n'a na maalɩ.

Ɩzayi 23:9

A Sore, a kpɛnʋ-za-sob'ʋ yel k'ʋʋ ɩ a nɩbɛ bɛ na ƴãwnɛ a pɔ̀l-ɩb baarɩ, k'ʋʋ siwri a tẽw zu nɩ-yée za.

Zeremi 51:29

A tẽsɔw màwr'a, ʋ màwr'ɩ dɛ̃bɩ̃-mawfʋ a lɛn daar a Sore na tuur a lɛ ʋ na tɩɛrɩ a Babɩlɔn tẽw ƴãw a: ʋ ɩrɛ na a Babɩlɔn tẽw lɩɛbɛ wɛja-kpalɛ na ɩrɛ nɩbaalʋ a, tẽw nɩr za na bɛ cãà kpɩɛr a.

Ʋrɔm 4:17

Bʋ̃ʋ n'ʋ vɛ̃, a Sɛb-sõw yel'ɩ à ŋá: «Ɩ̃ ɩ na fʋ ɩ nɩ-bʋʋr-yaga yaga sãà.» Ʋ ɩ n a tɩ sãà a Naaŋmɩn ʋ na sàw de a niŋé, a Naaŋmɩn ʋl na mɩ́ ɩ a kũuni bɛ vʋʋrɛ a, ɛ́ ɩ a bome na bɛ tɩ be, a be a.

Efɛɛzɩ 2:3

A tɩɩm za mɩ̀ tɩ pʋɔ nɩ a nɩbɛ bɛ ŋa pʋɔ, tɩɩm na tɩ tu a nɩsaal ƴã-gan yel-bɔbrɩ na bɛ vɩɛl a pùor tɛwr a: tɩ tɩ maalɛ nɩ a nɩsaal ƴã-gan pʋ-tɩɛrʋ ɛ́ tuur a ʋ yã-faa. À ŋá n'a a tɩ nɩsaal ŋmɛ̃a tɩ ɩ tɩ sɛw nɩ a Naaŋmɩn suur mɛ̃ a ŋmaarɛ bɛ ŋa a.

Efɛɛzɩ 2:9

Ʋ bɛ yi a nyɩ ɩ-ɩrɩ zie ɩ, kɛ́ nɩr za taa wa dier ʋ pɔrɛ nɩ ɛ.

Efɛɛzɩ 3:11

À á ŋá za tu n a lɛ a Naaŋmɩn na tɩ cɔbrɩ a yele bin kʋralɛ a, a yele ʋ na maalɩ a tɩ Sore Yeezu Kɩrɩta pʋɔ a.

1 Tesalonikɩ 1:4

Tɩ bãwnɩ a na, yɛbr i, a Naaŋmɩn na nɔ̃w nyɩ ɛ́ kaa ír nyɩ a.

1 Tesalonikɩ 2:12

Tɩ kpaalɩ nyɩ na, tɩ yel'a kɛ́ nyɩ ƴãw fãw, tɩ zɛlɩ nyɩ nɩ yãayãa k'aa nyɩ cenu sɛw taa nɩ a Naaŋmɩn na bʋɔlɛ nyɩ kɛ́ nyɩ wa pʋɔ a ʋ naalʋ pʋɔ nɩ a ʋ yúor-vɩɛlʋ-danʋ pʋɔ a.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

Títɩ̀ 3:5

ʋ faa tɩ na, ɛ́ a bɛ ɩ yel-mɩŋa tɩ na tɛr a tɩ ɩ-ɩrɩ pʋɔ a n'a so ɩ, a ʋ su-ɓaarʋ zũú n'a ʋ so tɩ a suob kʋ̃ɔ tɩ lɛb dɔw, ʋʋ kʋ̀ tɩ a Vʋʋrʋ Sõw tɩ lɩɛbɩ nɩ-paalɛ.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

2 Pɩɛr 1:10

Alɛ n'a so, yɛbr i, nyɩ lɛb bãw ƴãw fãw ɩ a bʋɔlʋ a Naaŋmɩn na bʋɔlɩ nyɩ, ɛ́ kaa ír nyɩ a, ʋ kpɛmɛ dɔwlɩ, lɛ n'a nyɩ bɛ be za nãà faa lo ɩ.

Yel-wula 17:14

Bɛ na zɛb'ɩ nɩ a Pele, ɛcɛ a Pele na zɛb'a tʋ̃ɔ́ bɛ, ʋ na ɩ a sorbɛ za Sore nɩ a na-mɩnɛ za Nãà a ƴãw. Ʋ na zɛb'a tʋ̃ɔ́ bɛ, ʋlɛ nɩ a bɛlɩ dem bɛ na bʋɔlɩ a, a bɛlɩ dem bɛ na kaa ír a, nɩ a bɛlɩ dem na bɛ lɛb pùor a.»