Ʋrɔm 8:7 - A SƐB-SÕW

⁷ Bʋ̃ʋ n'ʋ vɛ̃, bɛlɩ dem na tuur a nɩsaalʋ yel-bɔbrɩ pùor a, bɛ ɩ n Naaŋmɩn dɔ̃ dem, bɛ bɛ sàwr dier a Naaŋmɩn wulu ɛ, bɛ mɩ̀ kʋ̃ tʋ̃ɔ́ mɩ̀ ɛ.

Ʋrɔm 8:7 ပူးပေါင်းရင်းမြစ်များ

2 Bibie za yel-manɩ 19:2

Naaŋmɩn-ƴɛ̀r-manɛ Yehu, Hanani bidɛb, tɩ yi na tuori ʋ yel ʋ: «Bʋ̃ʋ n'ʋ so fʋ sõw nɩ-faa? Ãa n'ʋ na tʋ̃ɔ́ nɔnɛ sob nɛ na hɩ̃ɛn a Sore a? Fʋ na ɩ à à ŋá a zũú, a Sore suur ìr'ɩ a fʋ ƴãw.

A Zɔb sɛbɛ 15:13

Bʋ̃ʋ so fʋ tɛr su-sãwna a Naaŋmɩn ƴãw? Bʋ̃ʋ so fʋ ƴɛ̀rɛ a ƴɛ̀rʋ á ŋá taabɛ?

Sɛb-sõw yielu 53:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Ʋ yiele na mɛ̃ nɩbaal-yielu a. Daviir yielu na wule yã a.

Eziptɩ tẽw yib 20:5

Fʋ kʋ̃ gbĩ dume gũu tɩ tɔ tẽw a ŋmɩmɛ á ŋá taabɛ niŋé, ɛ́ maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a.

Zeremi 13:23

Nɩ-sɛbla na tʋ̃ɔ́ na ɩ a ʋ ƴã-gan ŋmɛ̃a ʋ lɩɛbɩ ɩ? Bɩɩ nyũo na tʋ̃ɔ́ na ír a ʋ kɔblʋ na 'leni 'leni a bɛr ɩ? Ɛ́ a nyɩɩm na mili nɩ a faa a, nyɩ na tʋ̃ɔ́ na maalɩ a vla a?

Ezekɩɛl 14:5

A ɩ̃ sɔwfʋ na dam'ɩ a Ɩsɩrayɛl nɩbɛ yaga, bɛl na jɛ m bɛr a bɛ ŋmɩn-bɛlɛbɛlɛ nɔ̃wfʋ zũú a.

Matie 12:34

Dɔpan bʋʋrɛ bɛ ŋa! Ŋmɩŋmɩn n'a nyɩ na tʋ̃ɔ́ yere yel-vɩɛlɩ nyɩɩm na kpɛ faar a? A alɩ bome nɛ na mɩ́ paalɩ a nɩsaal pʋɔ a, alɛ n'a mɩ́ yire a ʋ nʋɔrɩ́.

Matie 5:19

A lɛ so, sob nɛ na zawrɛ a nɛ-ƴãwnɩ pʋɔ nɔ-pʋrɩ woro sàwfʋ a, ɛ́ wule a ʋ taabɛ bɛ mɩ̀ ɩrɛ a lɛ a, ʋ na ɩ n a pʋrɩ za a tẽ-vla Naalʋ pʋɔ. Ɛcɛ sob nɛ za na sàwr a a, ɛ́ wule a ʋ taabɛ bɛ mɩ̀ sàwr a, ʋ na ɩ n kpɛ̃ɛ a tẽ-vla Naalʋ pʋɔ.

Zã 7:7

A tẽ-daa kʋ̃ tʋ̃ɔ́ hɩ̃ɛn nyɩ ɛ, ɛcɛ mãa a, ʋ hɩ̃ɛn mɛ̃ na, ɩ̃ na dɩrɛ a ʋ ɩ-faar dãsɩɛ a ƴãw.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Ʋrɔm 1:30

ɛ́ manɛ a bɛ taabɛ yele. Naaŋmɩn dɔ̃ dem nɛbɛ, zɛb-ŋmarbɛ, pɔ̀lʋ dem, nɩbɛ na mɩ́ pɔrɛ zawlalɛ a, nɩbɛ na tɛr yã a yel-faar maalʋ ƴãw a, na bɛ sàwr a bɛ dɔwrbɛ nʋɔr a.

Ʋrɔm 3:31

A pãa ɩ lɛ, a sàw-deb zũú, tɩ yel k'aa Wulu bɛ cãà tɛr pɛr towtow ʋ? Lɛ bɛ n'a ɩ, tɩ nɩ̃ɛ na ɩ a Wulu pɛr sɩza ʋ sãá.

Ʋrɔm 5:10

Tɩ tɩ ɩ n a Naaŋmɩn dɔ̃ dem, ʋʋ ɩ tɩɩm nɩ ʋl lɛb kpɛ taa a ʋ Bie kũu zũú. Ƴɛrɛŋa tɩɩm nɩ ʋl na lɛb kpɛ taa baarɩ a, bʋnʋ bɛ ka be ɩ, ʋ na faa tɩ nɩ zaalɛ a ʋ Bie nyɔ-vʋʋrʋ ƴãw.

Ʋrɔm 7:22

A ɩ̃ pʋ̃ɔmɩ nɩr nɔnɛ nɩ a Naaŋmɩn wulu yaga za.

Ʋrɔm 8:4

A Naaŋmɩn ɩ n à à ŋá k'aa mɩnʋ a Wulu na bɔbr kɛ́ tɩ tɛr a, tʋ̃ɔ́ paalɩ tɩ, tɩɩm na bɛ tuur a tɩ nɩsaalʋ ɛ́ tuur a Vʋʋrʋ Sõw a.

1 Korɛ̃tɩ 2:14

A nɩsaal nɩ a ʋ nɩsaalʋ tɛwr kʋ̃ tʋ̃ɔ́ sàw de a yel na yi a Naaŋmɩn Vʋʋrʋ zie a ɩ. A yel ŋa mɩ́ ɩ n gẽgemi a ʋ zie ʋ kʋ̃ tʋ̃ɔ́ bãw ʋ ɛ, a Vʋʋrʋ Sõw yõ na n'ʋ mɩ́ ɩ bɛ bãw a pɛr a ƴãw.

1 Korɛ̃tɩ 9:21

A bɛlɩ dem na bɛ bãw a Moyiir wulu a zie a, ɩ̃ mɩ́ ɩrɛ na mɛ̃ a bɛl a, k'ɩ̃ɩ páw a bɛlɩ dem na bɛ bãw a Moyiir wulu a. Ɛcɛ ɩ̃ bɛ ɩ nɩr na bɛ bãw a Naaŋmɩn wulu a ɩ, Kɩrɩta na n'ʋ ɩ a ɩ̃ wulu a ƴãw.

Kɔlɔsɩ 1:21

Ɛ́ nyɩɩm na tɩ dãw zãá nɩ a Naaŋmɩn a, nyɩɩm na tɩ dãw ɩ a ʋ dɔ̃ nɩbɛ a nyɩ ɩ-faar zũú a,

Kɔlɔsɩ 2:18

Nyɩ ta sàw a bɛlɩ dem na nɔnɛ tʋɔra-siwru ɩ-ɩrɩ a nɩbɛ niŋé a, bɩɩ na tɛr a malkɩ mɩnɛ ƴãwfʋ a, ɛ́ mɩ́ nyɛ̃ a bɛ bʋ̃-nyɛrɩ a ɩ bʋ̃-sɩza zuo a, nyɩ ta sàw bɛ wa yel kɛ́ nyɩ sãw na ɩ. A nɩbɛ bɛ ŋa taabɛ mɩ́ ɩrɛ nɩ pɔ̀l-ɩb zawla, bɛ na mɩ́ tɩɛrɛ a yele mɛ̃ nɩsaal tɛwr a ƴãw.

2 Timote 3:4

Bɛ na mɩlɛ nɩ taa, ɛ́ ɩ suur tɛwr, pɔ̀lʋ tɛwr nɩbɛ, ɛ́ nɔnɛ a ƴã-gan nʋ̃ɔ̀ ɛ́ nɩ̃ɛ bɛr a Naaŋmɩn.

Ebre 8:10

A Sore yere na, a Wõ-taa n'ɩ ŋa ɩ̃ na na maal'ɩ a Ɩsɩrayɛl nɩbɛ, a bibie al pùorí a: Ɩ̃ na ƴãw nɩ a ɩ̃ Wulu a bɛ tɩɛrʋ pʋɔ, ɩ̃ na sɛb ʋ na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

2 Pɩɛr 2:14

Pɔw-gaa yele jɩ́rʋ n'a a bɛ mimie nɔnɛ yaga za, ɛ́ bɛ bɛ dãw sɛw a yel-bier maalʋ ɛ. Lɛ n'a bɛ ɩrɛ bɛ̀lɛ nyɔwr a bɛlɩ dem na bɛ tɛr fãw a. Nɩr bɛ nɔ̃w a tɛra man bɛ ɩ, nɩ-ŋmɛ-ƴãwnɩ nɛbɛ.