Ʋrɔm 8:32 - A SƐB-SÕW

³² Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

Ʋrɔm 8:32 ပူးပေါင်းရင်းမြစ်များ

Yele-za-pɛr-tib 22:12

A Sore malkɩ lɛb yel ʋ: «Taa zɛwr nũu tʋɔr'ɩ a bie ɩ, taa ɩrɛ ʋ bom za ɩ. Ɩ̃ pãa bãwnɩ a nɩ ƴɛrɛŋa kɛ́ fʋ zɔrɛ mɛ̃ na, fʋ na bɛ sɩb mɛ̃ a fʋ bidɛb-been a.»

Sɛb-sõw yielu 84:11

Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

Ɩzayi 53:10

Ɛcɛ a Sore kʋ̀ n yel-mɩŋa a ʋ tõ-tõ-bie a kpɩɛrʋ na dĩ a. Ɛ́ a sob nɛ na lɩɛrɩ nɩbɛ de a ʋ nyɔ-vʋʋrʋ tɩr a, ʋ ɩ na k'ʋ lɛb nyɛ̃ àrʋ zie. A ʋ tõ-tõ-bie na tɛr'ɩ bʋʋrɛ ɛ́ cãà vʋʋrɩ cɛlɩ. Ʋlɛ n'ʋ na ɩ a Sore pʋ-tɩɛrʋ maalɩ.

Matie 3:17

ɛ́ kɔkɔr kãw tɩ yi a salom zu yere: «A sob ŋa n'ɩ a ɩ̃ Bi-nɔna za, a ɩ̃ pʋɔ za pɛlɩ nɩ a ʋ ƴãw.»

Matie 7:11

A nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ bʋ̃-vɩɛlɩ zuo lɛ, a bɛlɩ dem na zɛlɛ ʋ a?

Zã 3:16

Naaŋmɩn sɩrɩ na nɔ̃w a tẽ-daa yaga za, tɩ de a ʋ Bie, ʋ Bi-been kʋ̀ ʋ, kɛ́ nɩr za na sàw de ʋ a, ta kpi ɛ, ɛ́ páw a nyɔ-vʋʋrʋ na be kʋralɛ a.

Ʋrɔm 11:21

Bʋ̃ʋ n'ʋ vɛ̃, a Naaŋmɩn bɛ wa jɩɩrɩ a tɩɛ wuli tɛɛ za bɛr a, a pɛr lɛ k'aa Zifʋ mɩnɛ a, ʋ mɩ̀ kʋ̃ jɩɩrɩ fʋ bɛr ɛ.

Ʋrɔm 4:25

A Naaŋmɩn de ʋ na tɩr a tɩ yel-bebe ƴãw, bɛ kʋ ʋ, ʋʋ ɩ ʋ lɛb yi a kũu pʋɔ kɛ́ tɩ tʋ̃ɔ́ páw a mɩnʋ.

Ʋrɔm 6:23

Bʋ̃ʋ n'ʋ vɛ̃, a yel-bier sã-ya n'ɩ a kũu, ɛcɛ a maalʋ a Naaŋmɩn na tɩrɛ zawla a, ʋlɛ n'ɩ a nyɔ-vʋʋrʋ na be kʋralɛ fʋ na mɩ́ tɛr lãwnɩ a Yeezu Kɩrɩta tɩ Sore a.

Ʋrɔm 8:28

Tɩ bãw na k'aa bɛlɩ dem na nɔnɛ a Naaŋmɩn a, a yele za mɩ́ cen na tuori taa a bɛ maalʋ ƴãw, bɛl ʋ na bʋɔlɩ a tu a lɛ ʋ na cɔbrɩ a yele bin a.

1 Korɛ̃tɩ 2:12

Tɩɩm a, tɩ bɛ páw a tẽ-daa vʋʋrʋ ɛ, Vʋʋrʋ na yi Naaŋmɩn zie a n'ʋ tɩ páw, kɛ́ tɩ tʋ̃ɔ́ bãw a maalʋ a Naaŋmɩn na kʋ̀ tɩ a.

2 Korɛ̃tɩ 4:15

A nyɩɩm ƴãw n'a tɩ sàwr tuo za, k'aa Naaŋmɩn maalʋ tarɛ nɩ-yaga dɔwlɛ, lɛ n'a nɩ-yaga na puore a Naaŋmɩn yãanɩ a ʋ yúor-vɩɛlʋ-danʋ ƴãw.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

2 Korɛ̃tɩ 6:10

Bɛ ƴãwnɛ tɩ nɩ pʋ-sãwna, ɛ́ nʋ̃ɔ̀ kpɩɛr tɩ bibie za. Tɩ ɩ n nan dem, ɛ́ ɩrɛ nɩ-yaga lɩɛbɛ na-mɩnɛ. Tɩɩm na tɛr bom za a, a sãá na mɛ̃ tɩ bɛ tɛr bom a.

1 Zã 4:10

À ŋá n'a a nɔ̃wfʋ ŋmɛ̃: tɩmɛ bɛ nɛbɛ nɔ̃w a Naaŋmɩn ɛ, ʋlɛ n'ʋ nɔ̃w tɩ, ɛ́ tõ a ʋ Bie k'ʋʋ wa de ʋ tʋɔra maal'ɩ bàwr a tɩ yel-bebe suur-dɩ-kʋ̀b ƴãw.

Yel-wula 21:7

A bom ŋa n'ʋ a sob nɛ na zɛb tʋ̃ɔ́ a na páw, ɩ̃ɩ na ɩ n a ʋ Naaŋmɩn, ʋʋ ɩ a ɩ̃ bie.