Ʋrɔm 8:2 - A SƐB-SÕW

² Bʋ̃ʋ n'ʋ vɛ̃, a Vʋʋrʋ Sõw wulu na tɩrɛ a nyɔ-vʋʋrʋ a Yeezu Kɩrɩta ƴãw a, ʋ ír fʋ na bɛr a yel-bier nɩ a kũu wulu pʋɔ, fʋ so fʋ tʋɔra.

Ʋrɔm 8:2 ပူးပေါင်းရင်းမြစ်များ

Sɛb-sõw yielu 51:12

Naaŋmɩn i, ír socir parpar ƴãw mɛ̃, ɛ́ kʋ̀ m tɩɛr-paala na kpɛmɛ a.

Ezekɩɛl 1:21

A na ɩ à ŋá a, lɛn daar za alɛ wa tawr tɔlɛ, tɛwr àrɛ bɩɩ zɛwr ìre a tẽw a, a gbɛ́ɛ mɩ́ tɩ lãw na ɩrɛ a bʋ̃-been nɛ, bʋ̃ʋ n'ʋ vɛ̃, a bʋ̃-vʋʋrɩ pʋ-tɩɛrʋ n'a tɩ be a gbɛ́ɛ pʋɔ.

Zã 4:10

A Yeezu tɩ sɔw ʋ na yel: «Fʋ̃ʋ tɩ ɩ mɛ̃ fʋ bãw nɩ a Naaŋmɩn bʋ̃-kʋ̀ra a, nɩ ãa n'ɩ a sob ŋa na yere a fʋ zie: “Kʋ̀ m kʋ̃ɔ ɩ̃ nyũ” a, fʋ̃ʋ n'ʋ nãá nɩ̃ɛ zɛlɩ ʋ, ʋʋ nãá kʋ̀ b'ɩ kʋ̃ɔ na bùle yire a.»

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Zã 6:63

A Naaŋmɩn Vʋʋrʋ n'ʋ tɩrɛ a nyɔ-vʋʋrʋ, nɩsaal yõ kʋ̃ tʋ̃ɔ́ ɩ ɩb kãw za ɩ. A ƴɛ̀r-bie ɩ̃ na ƴɛ̀r kʋ̀ nyɩ a, a ɩ n Vʋʋrʋ nɩ nyɔ-vʋʋrʋ.

Zã 8:32

nyɩ na bãw nɩ a yel-mɩŋa, ɛ́ a yel-mɩŋa na ɩ na nyɩ so nyɩ tʋɔra.»

Zã 8:36

A na ɩ à ŋá a, alɛ wa ɩ a Bie n'ʋ íre nyɩ bɛrɛ a gbãgbaalʋ pʋɔ a, nyɩ na sɩrɩ na so nyɩ tʋɔra.

Ʋrɔm 16:3

Nyɩ puori Pɩrɩsɩl nɩ Akɩlasɩ kʋ̀ m, bɛl na ɩ a ɩ̃ lãw-tõ-taabɛ a Yeezu Kɩrɩta tome pʋɔ a.

Ʋrɔm 3:27

Nyɩn lowr'a tɩ na lɛb cãà ɩrɛ pɔ̀lʋ? A yi na zaa! Bʋnʋ zũú? A Wulu ɩ-ɩrɩ zũú bɩɩ? Towtow! Ɛcɛ a Kɩrɩta sàw-deb zũú n'a.

Ʋrɔm 5:21

A na ɩ à ŋá a, mɛ̃ a lɛ a yel-bier na tɩ wul a kũu fãw ʋ na tɛr a, lɛ mɩ̀ n'a a Naaŋmɩn maalʋ wule faafʋ fãw, k'ʋʋ tʋ̃ɔ́ tɛr tɩ cen nɩ a nyɔ-vʋʋrʋ na be kʋralɛ a pʋɔ, a Yeezu Kɩrɩta tɩ Sore ƴãw.

Ʋrɔm 6:14

Bʋ̃ʋ n'ʋ vɛ̃, a yel-bier kʋ̃ cãà dɩrɛ naalʋ a nyɩ zu ɛ, a Naaŋmɩn wulu na bɛ cãà so nyɩ, ɛ́ Naaŋmɩn maalʋ so nyɩ a ƴãw.

Ʋrɔm 6:18

Bɛ faa nyɩ nɩ a yel-bier nuru pʋɔ, nyɩ lɩɛbɩ a mɩnʋ gbãgbaar.

Ʋrɔm 6:22

Ɛcɛ ƴɛrɛŋa a, bɛ faa nyɩ nɩ a yel-bier nuru pʋɔ, nyɩ lɩɛbɩ Naaŋmɩn gbãgbaar tɛr ɩ-ɩrɩ na tɩrɛ sonu a, ɛ́ a baarʋ daar a waar'ɩ nyɔ-vʋʋrʋ na be kʋralɛ a.

Ʋrɔm 7:21

A na ɩ à ŋá a, yel ŋa n'ʋ ɩ̃ nyɛ̃: mãa na mɩ́ bɔbr a vla maalʋ a, faa tɛwr'a ɩ̃ mɩ́ tʋ̃ɔ́ maalɩ.

Ʋrɔm 7:23

Ɛcɛ ɩ̃ nyɛ̃ nɩ wulu kãw a ɩ̃ pʋɔ ʋ mʋɔr'ɩ a Wulu ʋl a ɩ̃ yã na sàw de a. Ʋ ɩ na k'ɩ̃ ɩ a yel-bier wulu na be a ɩ̃ pʋɔ a gbãgbaa.

Ʋrɔm 7:4

Ɩ̃ yɛbr i, lɛ n'a a mɩ̀ ŋmɛ̃ a nyɩ zie. A Naaŋmɩn wulu niŋé a, nyɩ ɩ na mɛ̃ nɩ-kũuni a, nyɩ na lãw nɩ a Kɩrɩta a ʋ ƴã-gan pʋɔ a. A na ɩ à ŋá a, nɩ-yũo so nyɩ a ƴɛrɛŋa, a sob nɛ na lɛb yi a kũuni pʋɔ kɛ́ tɩ tʋ̃ɔ́ ɩrɛ ɩ-vɩɛlɩ na nʋmɛ a Naaŋmɩn zie a.

Ʋrɔm 8:1

A na ɩ à ŋá a, a ƴɛrɛŋa a, a bɛlɩ dem na lãw nɩ a Yeezu Kɩrɩta a, sãwna dɔwrʋ kãw za bɛ cãà be a bɛ ƴãw ɛ.

1 Korɛ̃tɩ 15:45

Al ƴãw n'a a Sɛb-sõw yel a ƴɛ̀r-bie á ŋá: «A nɩsaal-dãw-niwn sob, a Adama, ʋ tɩ ɩ n bʋ̃-vʋʋra. A Adama pɛ-baara ɩ n Vʋʋrʋ nɩr na tɩrɛ nyɔ-vʋʋrʋ a.»

2 Korɛ̃tɩ 3:17

Bʋ̃ʋ n'ʋ vɛ̃, a Sore n'ɩ a Vʋʋrʋ Sõw, ɛ́ be a Sore Vʋʋrʋ na be a, be n'a a tʋɔra-sob be.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

Galasi 2:19

Bʋ̃ʋ n'ʋ vɛ̃, alɛ wa ɩ a Naaŋmɩn wulu ƴãw a, ɩ̃ kpi na, ɛ́ a ɩ̃ kũu yi a Naaŋmɩn wulu zie, k'ɩ̃ɩ tʋ̃ɔ́ vʋʋrɛ a Naaŋmɩn ƴãw. Bɛ kpa m'ɩ a da-gara zu lãwnɩ a Kɩrɩta.

Galasi 5:1

A Kɩrɩta ír tɩ na bɛr a gbãgbaalʋ pʋɔ, kɛ́ tɩ sɩrɩ so tɩ tʋɔra. A na ɩ à ŋá a, nyɩ ƴãw fãw ta lɛb de a gbãgba-mie ɩ.

Galasi 6:2

Nyɩ tuore taa tuor, lɛ n'a nyɩ na sàw a Kɩrɩta Wulu.

Zakɩ 1:25

Ɛcɛ sob nɛ na mɩ́ ƴãw fãw jɛl a Naaŋmɩn wulu na vɩɛl ʋ za ɛ́ mɩ́ ɩ tɩ so tɩ tʋɔra, ɛ́ mɩ́ tu a wulu ŋa pùor vla a, ʋ bɛ mɩ́ bɛr wõ a bɛr-wob tɛwr ɛ́ lɛb yiiri bɛr a pùorí ɛ, ʋ mɩ́ tu n a pùor. A sob ŋa na nyɛ̃ nɩ nʋ̃ɔ̀ a ʋ yele za pʋɔ.

Yel-wula 11:11

Ɛcɛ, a bibie ata nɩ ŋmãa á ŋá pùorí a, nyɔ-vʋʋrʋ pɩɛlʋ na yi Naaŋmɩn zie a tɩ kpɛ n a bɛ pʋɔ bɛ ìr àr. Lɛ n'a dɛ̃bɩ̃ɛ yaga tɩ ɩrɛ a bɛlɩ dem za na nyɛ̃ bɛ a.

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.