Ʋrɔm 8:16 - A SƐB-SÕW

¹⁶ A Vʋʋrʋ Sõw ŋa tɔr za lãw nɩ nɩ a tɩ tɩɛrʋ dɩrɛ a dãsɩɛ kɛ́ tɩ ɩ n Naaŋmɩn bibiir.

Ʋrɔm 8:16 ပူးပေါင်းရင်းမြစ်များ

Matie 5:9

Zu-nʋ̃ɔ̀ dem'ɩ a bɛlɩ dem na tone ƴã-ɓaarʋ tome a, bɛ na bʋɔlɛ bɛ nɩ Naaŋmɩn bibiir.

Luka 20:36

bɛ kʋ̃ lɛb tʋ̃ɔ́ kpi ɛ: bɛ ŋmɛ̃ na mɛ̃ malkɩ mɩnɛ a, bɛ ɩ n Naaŋmɩn bibiir, bɛ na lɛb yi a kũu pʋɔ a ƴãw.

Zã 1:12

Ɛcɛ, a bɛlɩ dem za na sàw de ʋ a, ɛ́ de a ʋ yele a, ʋ kʋ̀ bɛ nɩ fãw kɛ́ bɛ lɩɛbɩ Naaŋmɩn bibiir,

Nɩ-toni 5:32

Tɩ dɩ n a yele á ŋá dãsɩɛ, tɩɩm nɩ a Vʋʋrʋ Sõw a Naaŋmɩn na kʋ̀ a bɛlɩ dem na sàwr a ʋ nʋɔr a.»

Ʋrɔm 8:14

Bɛlɩ dem za na ɩrɛ mɛ̃ a lɛ a Naaŋmɩn Vʋʋrʋ na wule bɛ a, bɛlɛ nɛbɛ ɩ a Naaŋmɩn bibiir.

Ʋrɔm 8:19

A Naaŋmɩn bʋ̃-íri za mĩine na gùre nɩ a daar ʋl a Naaŋmɩn na na wul a ʋ bibiir yúor-vɩɛlʋ-danʋ ʋ sãá a.

Ʋrɔm 8:23

Ɛcɛ al tɛwr bɛ n'a ɩ: a tɩɩm tɛɛ za na páw a Naaŋmɩn maal-dãw na ɩ a Vʋʋrʋ Sõw a, tɩ mɩ̀ waalɛ na kone gùre nɩ k'aa Naaŋmɩn wa de tɩ, tɩ lɩɛbɩ a ʋ bibiir, ʋʋ faa tɩ tɩ ɓɩɩlɩ.

Ʋrɔm 8:26

Lɛ mɩ̀ n'a, a Vʋʋrʋ Sõw mɩ́ wa na wa sõw a tɩ bãbàalʋ. Bʋ̃ʋ n'ʋ vɛ̃, tɩ bɛ bãw a puoru vla k'a sɛw ɛ, a Vʋʋrʋ Sõw mɩŋa n'ʋ mɩ́ puore kʋ̀rɛ tɩ nɩ zɛlʋ puoru na bɛ tɛr manʋ a.

Ʋrɔm 9:26

Ɛ́ a be tɔr za bɛ na tɩ yel bɛ: “Nyɩ bɛ ɩ ɩ̃ nɩbɛ a”, bɛ na bʋɔlɛ bɛ nɩ a be: “Naaŋmɩn na vʋʋrɛ a bibiir.”»

Ʋrɔm 9:8

A pɛr lɛ k'aa bibiir bɛ na dɔw a dɔwfʋ tu a nɩsaalʋ dɔwfʋ tɛwr a, bɛlɛ bɛ nɛbɛ ɩ a Naaŋmɩn bibiir ɛ. A bibiir bɛ na dɔw, a dɔwfʋ tu a lɛ a Naaŋmɩn na yel a, bɛl tɛwr nɛbɛ ɩ a Abraham bʋʋrɛ tɛɛ za.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

2 Korɛ̃tɩ 1:22

ʋl na ŋmãa a ʋ bãwfʋ ƴãw tɩ, ɛ́ ƴãw a Vʋʋrʋ Sõw a tɩ socie pʋɔ, ʋ ɩ a maalʋ tɩ nãà páw a bãwfʋ a.

2 Korɛ̃tɩ 5:5

A sob nɛ na cɔbrɩ tɩ à á ŋá ƴãw a, ʋlɛ n'ɩ a Naaŋmɩn na kʋ̀ tɩ a Vʋʋrʋ Sõw, ʋ ɩ a maalʋ tɩ nãà páw a bãwfʋ a.

2 Korɛ̃tɩ 6:18

Ɩ̃ na ɩ n sãà a nyɩ zie, ɛ́ nyɩ ɩ bidɛbr nɩ pɔwyaar a ɩ̃ zie, a Sore kpɛnʋ-za-sob'ʋ yel.»

Galasi 3:26

Bʋ̃ʋ n'ʋ vɛ̃, nyɩ za ɩ n Naaŋmɩn bibiir, a naaŋmɩn-sàw-deb na ɩ nyɩ lãw nɩ a Yeezu Kɩrɩta a ƴãw.

Galasi 4:6

A Naaŋmɩn na bɔbr k'ʋʋ wul kɛ́ nyɩ sɩrɩ na ɩ a ʋ bibiir a, ʋ tõ n a ʋ Bie Vʋʋrʋ a tɩ socie pʋɔ, ʋ mɩ́ cɩɩrɛ yere: «Aba, ɩ̃ Sãà a!»

Efɛɛzɩ 1:13

A Kɩrɩta nyɩ na lãw nɩ a ƴãw n'a nyɩ wõ a yel-mɩŋa ƴɛ̀rʋ, a Yel-nʋ̃ɔ̀ na faarɛ nyɩ a. A ʋl nyɩ na lãw nɩ a ƴãw mɩ̀ cãà n'a nyɩ sàw de, ɛ́ bɛ ŋmãa a Vʋʋrʋ a Naaŋmɩn na tɩr a bãwfʋ ƴãw nyɩ, a Vʋʋrʋ Sõw na ɩ

Efɛɛzɩ 4:30

Nyɩ ta ɩ a Vʋʋrʋ Sõw tɛr pʋ-sãwna ɩ, ʋlɛ n'ɩ a bãwfʋ a Naaŋmɩn na ƴãw nyɩ, gùre nɩ a faafʋ bibir nãà wa vɩɛ a.

Wulu-ayi-sob 14:1

Nyɩ ɩ n a Sore nyɩ Naaŋmɩn bibiir. A na ɩ à à ŋá a, nyɩmɛ mɩ́ wa tɛr kuor a, nyɩ ta ƴãw bɛ wɛr wɛr nyɩ a ƴã-gan ɛ, ɛ́ ta põ a nyɩ zu a nisɔw ɛ.

1 Zã 3:1

Nyɩ nyɛ̃ a Naaŋmɩn Sãà na nɔ̃w tɩ sɛw, tɩ ƴãw bɛ bʋɔlɛ tɩ Naaŋmɩn bibiir a! Ɛ́ tɩ ɩ ʋ na! A lɛ n'a so a tẽ-daa bɛ bãw tɩ ɛ, ʋ na bɛ bãw a Naaŋmɩn a ƴãw.

1 Zã 3:10

À ŋá n'a bɛ mɩ́ bãw a Naaŋmɩn bibiir nɩ a Gɛgɛra bibiir: sob nɛ za na bɛ tuur a yel-mɩŋa ɛ́ mɩ̀ bɛ lɛb nɔnɛ a ʋ yɛb a bɛ ɩ Naaŋmɩn bie ɩ.

1 Zã 3:2

Ɩ̃ bá mɩnɛ ɛ, a ƴɛrɛŋa, tɩ ɩ n Naaŋmɩn bibiir, ɛcɛ a lɛ tɩ nãà ŋmɛ̃ a n'a bɛ sãá sɛr ɛ. Tɩ bãwnɩ a n'a k'aa Kɩrɩta wa sãá a lɛn daar a, tɩ na ŋmɛ̃ na taa nɩ ʋ, tɩ na na nyɛ̃ ʋ mɛ̃ a lɛ ʋ na ŋmɛ̃ a ƴãw.

1 Zã 4:13

À ŋá n'a tɩ mɩ́ bãw kɛ́ tɩ lãw nɩ nɩ a Naaŋmɩn, ʋʋ lãw nɩ tɩ: ʋ na kʋ̀ tɩ a ʋ Vʋʋrʋ a ƴãw.

1 Zã 5:10

Sob nɛ na sàw de a Naaŋmɩn Bie a mɩ̀ tɛr'ɩ a dãsɩɛ ŋa a ʋ pʋ̃ɔmɩ. Ɛcɛ sob nɛ na bɛ mɩ́ sàw de a Naaŋmɩn a mɩ́ de ʋ na bʋɔlɛ zir-ŋmarɛ, ʋ na bɛ sàw de a Naaŋmɩn dãsɩɛ ʋ na dɩ a ʋ Bie ƴãw a.

Yel-wula 21:7

A bom ŋa n'ʋ a sob nɛ na zɛb tʋ̃ɔ́ a na páw, ɩ̃ɩ na ɩ n a ʋ Naaŋmɩn, ʋʋ ɩ a ɩ̃ bie.