Ʋrɔm 8:1 - A SƐB-SÕW

¹ A na ɩ à ŋá a, a ƴɛrɛŋa a, a bɛlɩ dem na lãw nɩ a Yeezu Kɩrɩta a, sãwna dɔwrʋ kãw za bɛ cãà be a bɛ ƴãw ɛ.

Ʋrɔm 8:1 ပူးပေါင်းရင်းမြစ်များ

Ɩzayi 54:17

Zɛbr bom kãw za bɛ na maalɩ a fʋ ƴãw a, kʋ̃ tʋ̃ɔ́ ɩ b faa ɩ. Nɩr za nãà wa yere a fʋ sãwna a ƴɛ̀rʋ-dɩb zie a, fʋ na tʋ̃ɔ́ na ƴɛ̀r wul k'ʋʋ sãw na. A bom ɩ̃ na bin gùre nɩ a ɩ̃ tõ-tõ-biir a n'ɩ à ŋà, à ŋá n'a ɩ̃ wule a bɛ mɩnʋ, a Sore n'ʋ yere.»

Ezekɩɛl 18:9

Ʋ sàwr'ɩ a ɩ̃ wulu ɛ́ tuur a ɩ̃ nɛ-ƴãwnɩ kʋ̃ lɛb pùor ɛ. Nɩ-mɩŋa sɩrɩ n'ʋ, ʋ na vʋʋrɛ na, a mãa Sore Naaŋmɩn n'ʋ yere.

Zã 14:20

A ʋlɩ bibir nɛ a, nyɩ na bãw na k'ɩ̃ɩ lãw nɩ nɩ a ɩ̃ Sãà, kɛ́ nyɩ lãw nɩ mɛ̃ na, ɩ̃ɩ mɩ̀ lãw nɩ nyɩ.

Zã 15:4

Nyɩ lãwnɩ mɛ̃, mɛ̃ a lɛ ɩ̃ na lãw nɩ nyɩ a. Mɛ̃ a lɛ wule na kʋ̃ tʋ̃ɔ́ wɔ̃ wɔmɛ ʋ yõ, ʋlɛ bɛ wa nyɔw a tɩɛ a, lɛ n'a nyɩ kʋ̃ wɔ̃ wɔmɛ ɩ, nyɩmɛ bɛ wa lãw nɩ mɛ̃ a.

Zã 5:24

Yel-mɩŋa sɩza sɩza n'a ɩ̃ yere kʋ̀rɛ nyɩ: sob nɛ na bɛrɛ wone a ɩ̃ ƴɛ̀rʋ ɛ́ sàw de a ʋlɩ sob na tõ m a, ʋ páw nɩ a nyɔ-vʋʋrʋ na be kʋralɛ a. Bɛ bɛ maalɛ nɩ ʋ ƴɛ̀rʋ ɛ, ʋ yi n a kũu pʋɔ kpɛ a nyɔ-vʋʋrʋ pʋɔ.

Ʋrɔm 16:3

Nyɩ puori Pɩrɩsɩl nɩ Akɩlasɩ kʋ̀ m, bɛl na ɩ a ɩ̃ lãw-tõ-taabɛ a Yeezu Kɩrɩta tome pʋɔ a.

Ʋrɔm 16:7

Nyɩ puori Ãdoronikisɩ nɩ Zinɩasɩ na ɩ a ɩ̃ nɩbɛ, ɛ́ lãw nɩ mɛ̃ kpɛ a gaso a. Nɩ-toni na ɩ nɩ-toni a nɛbɛ, ɛ́ bɛ mɔ̃ mɩ̀ de nɩ niwn sàw de a Kɩrɩta a ɩ̃ ƴãw.

Ʋrɔm 5:1

A na ɩ à ŋá tɩ lɩɛbɩ nɩ-mɩn a tɩ sàw-deb ƴãw a, ƴã-ɓaarʋ be n tɩɩm nɩ a Naaŋmɩn cara pʋɔ, a tɩ Sore Yeezu Kɩrɩta zũú.

Ʋrɔm 5:16

A yele a Naaŋmɩn maalʋ na wa n a, nɩ a yele nɩ-been yõ yel-bier na wa n a, mɩ̀ bɛ zɛ̃ taa ɩ: bʋ̃ʋ n'ʋ vɛ̃, nɩ-been yõ yel-bier ƴãw a, a ƴɛ̀rʋ maal'a, a tɩ yi dɔwrʋ, ɛ́ sãwna yaga yaga ƴãw, a Naaŋmɩn maalʋ ʋ na tɩrɛ zawla a, mɩ́ ɩ na bɛ ɩ nɩ-mɩn.

Ʋrɔm 7:17

A na ɩ lɛ a, mãa bɛ n'ʋ ɩrɛ à à ŋá ɩ, a yel-bier na be a ɩ̃ zie a n'ʋ.

Ʋrɔm 7:20

Mãa mɩ́ wa ɩ a ʋlɩ bom nɛ ɩ̃ na bɛ bɔbr a, a lɛn daar a, mãa bɛ cãà n'ʋ mɩ́ ɩrɛ ɩ, a yel-bier na be a ɩ̃ zie a n'ʋ.

Ʋrɔm 8:11

A sob nɛ na ɩ a Yeezu ʋ lɛb yi a kũuni pʋɔ a, a ʋ Vʋʋrʋ wa kpɩɛr a nyɩ pʋɔ a, a sob nɛ na ɩ a Kɩrɩta ʋ lɛb yi a kũuni pʋɔ a, mɩ̀ na kʋ̀ n nyɔ-vʋʋrʋ a nyɩ ƴã-gamɛ na ɩ bʋ̃-kpiiri a, a ʋ Vʋʋrʋ na kpɩɛr a nyɩ pʋɔ a ƴãw.

Ʋrɔm 8:14

Bɛlɩ dem za na ɩrɛ mɛ̃ a lɛ a Naaŋmɩn Vʋʋrʋ na wule bɛ a, bɛlɛ nɛbɛ ɩ a Naaŋmɩn bibiir.

Ʋrɔm 8:2

Bʋ̃ʋ n'ʋ vɛ̃, a Vʋʋrʋ Sõw wulu na tɩrɛ a nyɔ-vʋʋrʋ a Yeezu Kɩrɩta ƴãw a, ʋ ír fʋ na bɛr a yel-bier nɩ a kũu wulu pʋɔ, fʋ so fʋ tʋɔra.

Ʋrɔm 8:34

Ãa n'ʋ na maal'ɩ bɛ ƴɛ̀rʋ? Nɩr bɛ ka be ɩ. Bʋ̃ʋ n'ʋ vɛ̃, a Yeezu Kɩrɩta kpi na, mɔ̃ mɩ̀, ʋ lɛb'a yi a kũu pʋɔ, ʋ be n a Naaŋmɩn dʋrʋ lowr zɛlɛ ʋ a tɩ ƴãw.

Ʋrɔm 8:39

a saa-zu fãw nɩ a pile fãw, bʋ̃-íra kãw za, bom za kʋ̃ tʋ̃ɔ́ bʋ́r tɩɩm nɩ a Naaŋmɩn a ʋ nɔ̃wfʋ pʋɔ ɩ, a nɔ̃wfʋ ŋa ʋ na wul ʋ sãá a tɩ Sore Yeezu Kɩrɩta zie a.

Ʋrɔm 8:4

A Naaŋmɩn ɩ n à à ŋá k'aa mɩnʋ a Wulu na bɔbr kɛ́ tɩ tɛr a, tʋ̃ɔ́ paalɩ tɩ, tɩɩm na bɛ tuur a tɩ nɩsaalʋ ɛ́ tuur a Vʋʋrʋ Sõw a.

Ʋrɔm 8:9

Nyɩɩm ƴãw a, nyɩ bɛ bɛr a nɩsaalʋ so nyɩ ɛ. A Vʋʋrʋ Sõw n'ʋ so nyɩ, ʋlɛ wa n'ʋ sɩrɩ kpɩɛr a nyɩ pʋɔ a. Nɩr bɛ wa tɛr a Kɩrɩta Vʋʋrʋ a, ʋ bɛ ɩ a ʋ nɩ-sora ɩ.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 15:22

Mɛ̃ a lɛ a nɩsaalbɛ za na lãw nɩ a Adama kpiir a, lɛ n'a bɛ za na lãw nɩ a Kɩrɩta lɛb vʋʋrɛ,

2 Korɛ̃tɩ 12:2

Ɩ̃ bãw nɩ kɩrɩta-nɩr kãw, yome pie nɩ anaar'ɩ dɩ̃a, bɛ na ír ʋ do n tɩ gãw nɩ a salom a. Ɩ̃ bɛ bãw a ʋ ƴã-gan n'ʋ bɛ ír'ɩ ʋ do n bɩɩ a ʋ ƴã-gan bɛ n'ʋ a, Naaŋmɩn yõ n'ʋ bãw.

2 Korɛ̃tɩ 5:17

Lɛ so nɩr wa lãw nɩ a Kɩrɩta a, ʋ lɩɛb'ɩ nɩ-paala. Bʋ̃-kʋra tɔl'a, ɛ́ bʋ̃-paala n'ʋ be be.

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

Galasi 3:26

Bʋ̃ʋ n'ʋ vɛ̃, nyɩ za ɩ n Naaŋmɩn bibiir, a naaŋmɩn-sàw-deb na ɩ nyɩ lãw nɩ a Yeezu Kɩrɩta a ƴãw.

Galasi 3:28

Nyɩ za lãw nɩ nɩ a Kɩrɩta ɩ nɩ-been. A na ɩ lɛ a, Zifʋ nɩ nɩ-bʋʋr-yoru yele bɛ cãà be ɩ, gbãgbaa nɩ nɩr na so ʋ tʋɔra a yele bɛ cãà be ɩ, dɛb nɩ pɔw yele bɛ cãà be ɩ.

Galasi 5:16

A na ɩ à ŋá a, yel ŋa n'ʋ ɩ̃ bɔbr k'ɩ̃ɩ yel kʋ̀ nyɩ: nyɩ bɛr a nyɩ nyɔ-vʋʋrʋ kʋ̀ a Vʋʋrʋ Sõw ɛ́ nyɩ kʋ̃ ɩrɛ a lɛ a nyɩ nɩsaalʋ na bɔbr a ɩ.

Galasi 5:25

A Vʋʋrʋ na n'ʋ so tɩ vʋʋrɛ a, tɩ mɩ̀ bɛr tɩ tʋɔra kʋ̀ ʋ.

Efɛɛzɩ 1:1

A mãa Pol, Naaŋmɩn na nɔ̃w yã ƴãw ɩ̃ ɩ a Yeezu Kɩrɩta nɩ-tona a, mãa n'ʋ sɛbr a kɩrɩta-nɩbɛ na be a Efɛɛzɩ tẽw ɛ́ sàw de a Yeezu Kɩrɩta bɛ lɛbr pùor a.

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.