Ʋrɔm 7:7 - A SƐB-SÕW

⁷ Tɩ na yel'a kɛ́ bo? K'aa Naaŋmɩn wulu ɩ n yel-bier bɩɩ? Lɛ bɛ n'a towtow ɛ! Ɛcɛ a Wulu n'ʋ ɩ ɩ̃ bãw bʋ̃ʋ n'ɩ a yel-bier. Bʋ̃ʋ n'ʋ so, a Wulu bɛ tɩ yel a ƴɛ̀r-bie á ŋá: «Ta nyɛ̃ a fʋ tɔ bom bɔbr ɛ», ɩ̃ kʋ̃ʋ bãw bʋ̃ʋ n'ɩ nyɛ̃ a fʋ tɔ bom bɔbr ɛ.

Ʋrɔm 7:7 ပူးပေါင်းရင်းမြစ်များ

Yele-za-pɛr-tib 3:6

A pɔw tɩ nyɛ̃ nɩ a tɩ-wɔmɛ a vɩɛl a jɩ́rʋ ɩrɛ nʋ̃ɔ̀, ɛ́ a sɛw k'aa nʋmɛ, ɛ́ a dɩb ɩrɛ vʋla yel-yaga bãwfʋ ƴãw. Ʋ tɩ pɔr'ɩ a wɔm kãw dɩ. Al pùorí ʋ kʋ̀ ʋ a ʋ sɩr na tɩ be a ʋ zie a ʋ mɩ̀ dɩ.

2 Samɩɛl 11:2

Zaanʋɔra kãw, a Daviir tɩ ìr'ɩ a ʋ gado zu, cɔlɛ a nãà yir garʋ́. A garʋ be a, ʋ tɩ wɩɛr'a tɩ nyɛ̃ pɔw na suor kʋ̃ɔ a. A pɔw tɩ pɔ̀l'a bɛ dɩ vuo ɩ.

Sɛb-sõw yielu 119:96

Ɩ̃ nyɛ̃ a na, vɩɛlʋ za tɛr'ɩ baarʋ zie, ɛcɛ a fʋ nɔ-ƴãwna bɛ tɛr tɛwfʋ zie ɩ.

Eziptɩ tẽw yib 20:17

«Fʋ kʋ̃ bɔbr kɛ́ fʋ̃ʋ nãá so a fʋ tɔ sob yir ɛ. Fʋ kʋ̃ bɔbr kɛ́ fʋ̃ʋ nãá so a ʋ pɔw, a ʋ tõ-tõ-bi-dɛb, a ʋ tõ-tõ-bi-pɔw, a ʋ náab, a ʋ bõw nɩ a ʋ bʋ̃-sora kãw za ɩ.»

Mise 2:2

Bɛlɛ wa bɔbr wɛ̀rʋ a, bɛ mɩ́ de a na. Bɛlɛ wa nyɛ̃ yie bɔbr a a, bɛ mɩ́ de de a na. Bɛ mɩ́ dɔwr'ɩ a yie dem nɩ a bɛ nɩbɛ, a nɩr nɩ a ʋ bʋ̃-sori.

Matie 5:28

Ɛcɛ mãa yere na kʋ̀rɛ nyɩ: nɩr wa jɩ́rɛ ʋ tɔ pɔw vɔl-jɩ́rʋ a, ʋ gã nɩ ʋ na baarɩ a ʋ tɩɛrʋ pʋɔ.

Luka 12:15

Al pùorí, a Yeezu tɩ yel'ɩ a nɩbɛ zie: «Nyɩ gùre nyɩ tʋɔra a libi-nɔ̃w yaga ƴãw. A nɩsaal saa tɛr a zɛ̃ ŋmɩn a, ɛcɛ a ʋ nyɔ-vʋʋrʋ bɛ yi a naalʋ ʋ na kpɛ a pʋɔ ɩ.»

Luka 20:16

Ʋ na wa na wa kʋ a po-kaarbɛ bɛ ŋa ɛ́ de a púo kʋ̀ nɩ-yoru.» A zu-sɛbla na wa wõ a ƴɛ̀r-bie á ŋá a, bɛ yel'a: «Al bɛ ɩrɛ ɩ!»

Nɩ-toni 20:33

Ɩ̃ bɛ tɩ bɔbr nɩsaalɛ kãw za libir, bɩɩ a ʋ salm-zɩɛ, bɩɩ a ʋ pɛnɛ ɩ.

Ʋrɔm 13:9

A Naaŋmɩn nɛ-ƴãwnɩ á ŋá: «Ta maalɩ pɔw-gaa-yel-bier, ta kʋ nɩr, ta zu bom, ta tɩɛrɛ kɛ́ fʋ̃ʋ nãá so a fʋ tɔ bom», nɩ a Naaŋmɩn nɛ-ƴãwnɩ al za na cɛ a, a za tuor'ɩ taa be a Naaŋmɩn nɔ-ƴãwna ŋa yõ pʋɔ: «Fʋ na nɔnɛ nɩ a fʋ tɔ sob mɛ̃ a fʋ mɩŋa a.»

Ʋrɔm 3:20

A lɛ n'a so nɩr za kʋ̃ tʋ̃ɔ́ lɛb ɩ nɩ-mɩŋa a Naaŋmɩn niŋé, a Wulu ʋ na na ƴãw fãw sàwr a ƴãw ɛ, bʋ̃ʋ n'ʋ vɛ̃, a yel-bier tɛwr'ʋ a Naaŋmɩn wulu mɩ́ ɩ bɛ bãw.

Ʋrɔm 3:5

Ɛcɛ a tɩ yel-mɩŋa bɛ-tɛrʋ mɩ́ wa ɩ a Naaŋmɩn yel-mɩŋa sãá a, tɩ lɛb yel kɛ́ bo? A wul'a kɛ́ a Naaŋmɩn bɛ tɛr yel-mɩŋa ʋ na mɩ́ nyɛ̃ nɩ tɩ suur a bɩɩ? (Ɩ̃ ƴɛ̀rɛ na mɛ̃ nɩsaalbɛ a.)

Ʋrɔm 4:1

A na ɩ à ŋá a, bʋ̃ʋ n'ʋ tɩ na yel a tɩ sãàkʋm-kʋra Abraham ƴãw? Bʋ̃ʋ n'ʋ ʋ páw, ʋ na ɩ nɩsaal a?

Ʋrɔm 4:15

Bʋ̃ʋ n'ʋ vɛ̃, a Wulu-bɛ-sàwfʋ n'ʋ mɩ́ so a Naaŋmɩn suur nyɛ́b, ɛcɛ be wulu na bɛ wul a, wulu zawrʋ mɩ̀ bɛ ka be ɩ.

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

Ʋrɔm 6:15

Ɛ́ bʋnʋ? Tɩ na maalɛ nɩ a yel-bier, a Naaŋmɩn wulu na bɛ cãà so tɩ ɛ́ Naaŋmɩn maalʋ so tɩ a bɩɩ? Lɛ bɛ n'a towtow ɛ!

Ʋrɔm 7:11

Bʋ̃ʋ n'ʋ vɛ̃, a yel-bier tur'a de a nɔ-ƴãwna bɛ̀lɩ nɩ mɛ̃, ɛ́ kʋ m nɩ a nɔ-ƴãwna.

Ʋrɔm 7:13

A pãa ɩ lɛ bʋ̃-vla wa lɩɛbɩ kũu bom mãa zie ʋ? Lɛ bɛ n'a towtow ɛ! A yel-bier zie n'a a yi. À ŋá n'a ʋ ɩ, a ʋ ŋmɛ̃a tɔr za sãá: ʋ de nɩ bom na ɩ bʋ̃-vla a kʋ n mɛ̃. Ɛcɛ à à ŋá n'a, a nɔ-ƴãwna zũú, a yel-bier pãa lɛb bãw kpɛ faa tɩ zuo.

Ʋrɔm 7:5

A lɛn daar tɩ na tɩ cãà tɛr a tɩ nɩsaalɛ ɩb tɛwr'a, a Naaŋmɩn wulu mɩ́ tɩ ɩ na a pʋ-tɩɛr-faar tone a tome a tɩ nɩɩlʋ za pʋɔ, mɩ́ tɩ ƴãw tɩ tɛr ɩ-ɩrɩ na wɩɛr'ɩ tɩ kũu pʋɔ a.

Ʋrɔm 7:8

A yel-bier tur'a de a nɔ-ƴãwna, ƴãw a tɔ bom bɔb tɩɛrʋ bʋʋrɛ za a ɩ̃ zie. Bʋ̃ʋ n'ʋ vɛ̃, Wulu bɛ wa ka be a, a yel-bier ɩ n bʋ̃-kũu.

1 Korɛ̃tɩ 15:56

A kũu pĩi-zɛl n'ɩ a yel-bier ɛ́ a yel-bier fãw n'ɩ a Moyiir wulu.

Efɛɛzɩ 5:3

Nyɩ pʋɔ nɩ a Naaŋmɩn nɩ-bʋʋrɛ pʋɔ, lɛ so a bɛ sɛw kɛ́ bɛ lɛb por pɩ̃ɔ-yele nɩ nɩ-fa-ɩb bʋʋrɛ kãw za lãwnɩ nyuur yúor a nyɩ pʋɔ ɩ.

Wulu-ayi-sob 5:21

Fʋ kʋ̃ tɩ́ɛrɛ kɛ́ fʋ̃ʋ nãá so a fʋ tɔ pɔw ɛ. Fʋ kʋ̃ tɩ́ɛrɛ kɛ́ fʋ̃ʋ nãá so a ʋ yir, a ʋ tõ-tõ-bi-dɛb, a ʋ tõ-tõ-bi-pɔw, a ʋ náab, a ʋ bõw nɩ a ʋ bʋ̃-sora kãw za ɩ.»

Kɔlɔsɩ 3:5

A na ɩ à ŋá a, nyɩ kʋ bom nɛ za na ɩ tẽw zu yele a, a nyɩ pʋ̃ɔmɩ: a pɩ̃ɔ-yele, a faalʋ, a ƴã-gan nʋ̃ɔ̀-faar, a yel-faar vʋla, nɩ a mimir na ɩ tɩbɛ ƴãwfʋ a.

1 Tesalonikɩ 4:5

ɛ́ ta sàw a tɩɛr-faar so ʋ mɛ̃ a nɩ-bʋʋr-yoru na bɛ bãw a Naaŋmɩn a ɩ.

Ebre 7:19

Bʋ̃ʋ n'ʋ vɛ̃, a Naaŋmɩn wulu bɛ ɩ bom za ʋ páw a ʋ vɩɛlʋ za ɩ. Ɛcɛ tɩɛrʋ na vɩɛl zuo tɩ ƴãw a Naaŋmɩn ƴãw a wa na, ɛ́ a ʋl zũú n'a tɩ mɩ́ tawr pɩɛlɛ a Naaŋmɩn.

Zozue 7:21

A bome tɩ na zɛb de a pʋɔ a, ɩ̃ tɩ nyɛ̃ nɩ Mezopotami tẽw kpar-kpɛ̃ɛ kãw na vɩɛl bɛ tɛr ʋ tɔ a, nɩ salm-pla libie kɔbr ayi nɩ salm-zɩɛ gbil na tɩbrɛ cɛ blã na ta kilo põ-zɛ̃-taa a. A vʋla tɩ faar'a na kʋ m, ɩ̃ de a, alɛ n'ɩ á ŋá ɩ̃ na tuw ũù a ɩ̃ pɛn-sɛw sɔwlɩsɔw a, a libie be n a pile.»